ನನ್ನ ತಂಗಿಯನ್ನ ಕಣ್ಣೆತ್ತಿ ನೋಡ್ಬೇಡಾ! ರೋಹಿತ್​ ಶರ್ಮಾಗೆ ಎಚ್ಚರಿಕೆ ನೀಡಿದ್ರು ಯುವರಾಜ್​ ಸಿಂಗ್​!

ಭಾರತದ ಮಾಜಿ ಆಲ್​​ರೌಂಡರ್ ಯುವರಾಜ್ ಸಿಂಗ್ ಅವರು ಹಿಂದೊಮ್ಮೆ ರೋಹಿತ್ ಶರ್ಮಾ ಅವರಿಗೆ ಬೆದರಿಕೆ ಹಾಕಿದ್ದರು. ರೋಹಿತ್ ಶರ್ಮಾ ಅವರು ಯುವರಾಜ್ ಸಿಂಗ್ ಅವರ ಸಹೋದರಿಯ ಕಡೆಗೆ ತಿರುಗಿ ನೋಡಿದ್ದರಂತೆ. ಈ ಕಾರಣಕ್ಕೆ ಯುವಿ ಅವಳ ಕಡೆ ನೋಡಬೇಡ ಅವಳು ನನ್ನ ತಂಗಿ ಎಂದು ರೋಹಿತ್​ಗೆ ಹೇಳಿದ್ದಾರೆ.

ರಿತಿಕಾ ಸಜ್ದೆ ಮತ್ತು ಯುವರಾಜ್ ಸ್ವಂತ ಅಣ್ಣ- ತಂಗಿ ಅಲ್ಲದಿದ್ದರು ಅವರಿಬ್ಬರ ನಡುವಿನ ಸಂಬಂಧ ಅಣ್ಣ-ತಂಗಿಯಂತಿದೆ. ಕ್ರಿಕೆಟಿಗ ರೋಹಿತ್ ಮತ್ತು ರಿತಿಕಾ ಸಜ್ದೆ ಮದುವೆಯಾಗಿ 6 ವರ್ಷಗಳಾಗಿವೆ. ಆದರೆ ಈ ಜೋಡಿಯ ಹೆಸರು ಬಂದಾಗಲೆಲ್ಲಾ, ಯುವರಾಜ್ ಸಿಂಗ್ ಅವರ ಬೆದರಿಕೆ ಖಂಡಿತವಾಗಿಯೂ ನೆನಪಾಗುತ್ತದೆ.

ಯುವರಾಜ್ ಮತ್ತು ರಿತಿಕಾ ಅಣ್ಣ-ತಂಗಿಯ ಸಂಬಂಧ ಹೊಂದಿದ್ದಾರೆ. ಆಕೆ ಯುವಿಗೆ ರಾಖಿ ಕಟ್ಟುತ್ತಾಳೆ. ರೋಹಿತ್ ಮತ್ತು ರಿತಿಕಾ ಮೊದಲ ಬಾರಿಗೆ ಭೇಟಿಯಾದಾಗ ಯುವರಾಜ್ ಮತ್ತು ಇರ್ಫಾನ್ ಪಠಾಣ್ ಅವರಿಬ್ಬರ ಚಿತ್ರೀಕರಣ ಮಾಡಿದ್ದರು.

ಒಂದು ದಿನ ಯುವರಾಜ್ ರೋಹಿತ್ ಅವರನ್ನು ಭೇಟಿಯಾಗಲು ಬಂದಿದ್ದರು. ಹೀಗೆ ಮಾತನಾಡುತ್ತಾ ಇದ್ದ ವೇಳೆ ರೋಹಿತ್ ರಿತಿಕಾ ಕಡೆಗೆ ಒಮ್ಮೆ ತಿರುಗಿ ನೋಡಿದ್ದರಂತೆ, ಅದಕ್ಕೆ ಯುವರಾಜ್ ಸಿಂಗ್ - ಅವಳತ್ತ ನೋಡಬೇಡ, ಅವಳು ನನ್ನ ಸಹೋದರಿ ಎಂದು ತಮಾಷೆಯಾಗಿ ಹೇಳಿದ್ದರಂತೆ.

ಈ ವಿಚಾರವನ್ನು ರೋಹಿತ್ ಅವರು ಗೌರವ್ ಕಪೂರ್ ಅವರ 'ಬ್ರೇಕ್ಫಾಸ್ಟ್ ವಿತ್ ಚಾಂಪಿಯನ್ಸ್' ಶೋನಲ್ಲಿ ಬಹಿರಂಗಪಡಿಸಿದ್ದಾರೆ, ಸುಮಾರು 3 ವರ್ಷ ಹಿಂದೆ ಯುವಿ ಮನೆಗೆ ಬಂದಿದ್ದಾಗ ಈ ಮಾತನ್ನು ನನಗೆ ಹೇಳಿದ್ದರು ಎಂದು ಹೇಳಿಕೊಂಡಿದ್ದಾರೆ.

ರೋಹಿತ್ ಮತ್ತು ರಿತಿಕಾ ಪ್ರೀತಿಸಿ ಮದುವೆಯಾದ ಜೋಡಿ. ಇಬ್ಬರು 13 ಡಿಸೆಂಬರ್ 2015 ರಂದು ವಿವಾಹವಾದರು. ರಿತಿಕಾ ಸ್ಪೋರ್ಟ್ಸ್ ಮ್ಯಾನೇಜರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.