ರೋಹಿತ್​ ಶರ್ಮಾ, ಮೋದಿಯ ಬಗ್ಗೆ ಗುಣಗಾನ ಮಾಡಿದ ಪಾಕಿಸ್ತಾನ ಮಾಜಿ ಬೌಲರ್​ ಅಖ್ತರ್

ಪಾಕಿಸ್ತಾನ ಮಾಜಿ ಬೌಲರ್ ಶೋಯೆಬ್ ಅಖ್ತರ್ ಪ್ರಸಿದ್ಧ ಜಾಲತಾಣವಾದ ಹೆಲೋ ಆ್ಯಪ್​ನಲ್ಲಿ ಲೈವ್ ಬಂದಿದ್ದರು. ಭಾರತ ಕ್ರಿಕೆಟ್ ತಂಡ ಮತ್ತು ಪ್ರಧಾನಿ ನರೇಂದ್ರ ಮೋದಿ ಅವರ ಕಾರ್ಯ ವೈಖರಿಯ ಬಗ್ಗೆ ಹರ್ಷ ವ್ಯಕ್ತಪಡಿಸಿದ್ದಾರೆ.

ನಂತರ ಮಾತು ಮುಂದುವರಿಸಿದ ಅವರು, ಭಾರತ ಕಂಡ ಅದ್ಭುತ ಆಟಗಾರ ಸೌರವ್ ಗಂಗೂಲಿ ಬಿಸಿಸಿಐ ಅದ್ಯಕ್ಷ ಸ್ಥಾನದಲ್ಲಿದ್ದಾರೆ. ಗಂಗೂಲಿ ಸಾಮಾನ್ಯ ಮನುಷ್ಯನಲ್ಲ, ಭಾರತೀಯ ಕ್ರಿಕೆಟನ್ನು ಉತ್ತುಂಗಕ್ಕೆ ಅವರು ಕೊಂಡೊಯ್ಯಲಿದ್ದಾರೆ ಎಂದು ಶೋಯೆಬ್ ಅಖ್ತರ್ ಹೇಳಿದರು.

ಟೀಂ ಇಂಡಿಯಾದ ಬಗ್ಗೆ ಮಾನತನಾಡಿದ್ದ ಶೋಯೆಬ್ ಅಖ್ತರ್, ನಾಯಕ ವಿರಾಟ್ ಕೊಹ್ಲಿ 2019ರ ವಿಶ್ವಕಪ್​ನಲ್ಲಿ ಆಗಿರುವ ತಪ್ಪನ್ನು ಪುನರಾವರ್ತನೆ ಆಗಲು ಬಿಡುವುದಿಲ್ಲ. ಭಾರತೀಯ ಕ್ರಿಕೆಟ್​​ನಲ್ಲಿ ಕೊಹ್ಲಿ ಮತ್ತೆ ಇತಿಹಾಸ ಸೃಷ್ಟಿಸಲಿದ್ದಾರೆ ಎಂದು ಅಖ್ತರ್ ಭವಿಷ್ಯ ನುಡಿದರು.

ಕೊರೋನ ಮಹಾಮಾರಿ ಬಳಿಕ ಕ್ರಿಕೆಟ್ ಜಗತ್ತು ಕೂಡ ಬದಲಾಗಲಿದೆ. ಎಲ್ಲ ಕ್ರಿಕೆಟರ್ಸ್ ಇದಕ್ಕೆ ಒಗ್ಗಿಕೊಳ್ಳುವುದು ಅನಿವಾರ್ಯ ಎಂದು ಹೇಳಿದರು. ಬೌಲರ್​ಗಳು ಚೆಂಡಿಗೆ ಎಂಜಲು ಹಚ್ಚುವುದನ್ನು ನಾವು ನಿಷೇಧ  ಮಾಡಬೇಕಿದೆ. ಕಾಲಕ್ಕೆ ತಕ್ಕಂತೆ ನಾವು ಬದಲಾಗಬೇಕು. 10 ವರ್ಷಗಳ ಹಿಂದೆಯೇ ನಾನು ಎಂಜಲು ಹಚ್ಚುವುದನ್ನು ವಿರೋಧಿಸಿದ್ದೆ.

ಇವತ್ತಿನ ಕ್ರಿಕೆಟ್​​ ಗುಣಮಟ್ಟ ಕುಸಿದಿದೆ. ಉತ್ತಮ ಬೌಲರ್​ಗಳಿಲ್ಲ. ಈಗೇನಾದರೂ ದ್ರಾವಿಡ್, ಸಚಿನ್ ಇದ್ದರೆ ಬೌಲರ್​ಗಳನ್ನು ಹಿಗ್ಗಾಮುಗ್ಗಾ ಗೋಳು ಹೊಯ್ದುಕೊಳ್ಳುತ್ತಿದ್ದರು.

ಮಹೇಂದ್ರ ಸಿಂಗ್ ಧೋನಿಗೆ ಬೀಳ್ಕೊಡುಗೆ ಪಂದ್ಯ ಬಾಕಿ ಇದೆ. ಅವರ ಉತ್ತಮ ವಿದಾಯದ ಪಂದ್ಯ ಬೇಕಿದೆ ಎಂದು ಹೆಲೋ ಲೈವ್​ನಲ್ಲಿ ಶೋಯೆಬ್ ಆಖ್ತರ್ ಹೇಳಿದರು.

ರೋಹಿತ್ ಶರ್ಮಾ ಹೆಸರು ಬದಲಾಯಿಸಬೇಕು, ಅವರು ‘ದಿ ಗ್ರೇಟ್ ರೋಹಿತ್ ಶರ್ಮಾ‘ ಎಂದು ನಾನು 2014ರಲ್ಲಿ ಹೇಳಿದ್ದೆ. ಜಗತ್ತಿನ ಯಾವ ಬ್ಯಾಟ್ಸ್​ಮನ್​  ಬಳಿಯೂ ಇಲ್ಲದಷ್ಟು ಅತ್ಯದ್ಭುತ ಟೈಮಿಂಗ್ ರೋಹಿತ್ ಬಳಿಯಿದೆ. ಅವರ ಬ್ಯಾಟಿಂಗ್ ಶೈಲಿಯೇ ಸೊಗಸು. ರೋಹಿರ್​ರನ್ನು ಔಟ್ ಮಾಡುವ ಬಗ್ಗೆ ಚಿಂತಿಸುವುದೇ ಇಲ್ಲ. 200 ರನ್ ಹೊಡೆದು ಪೆವಿಲಿಯನ್ ಹೋಗು ಎನ್ನುತ್ತೇನೆ. ರೋಹಿತ್ ಮನಸಿಗೆ ಬಂದಾಗ ಶತಕ, ದ್ವಿಶತಕ ಹೊಡೆಯುವ ಆಟಗಾರ.

ನಂತರ ಶೋಯೆಬ್ ಅವರು ಬಾಬರ್, ವಿರಾಟ್, ರೋಹಿತ್, ರೂಟ್, ವಿಲಿಯಮ್ಸನ್ ಟಾಪ್  5 ಬ್ಯಾಟ್ಸ್​​ಮನ್​​ಗಳೆಂದು ಹೇಳಿದರು. ನಂತರ ಶೇನ್ ಬಾಂಡ್ ಆಲ್ ಟೈಮ್ ಫೇವರಿಟ್ ಬೌಲರ್ ಆಗಿದ್ದಾರೆ ಎಂದರು

ಇನ್ನು ಬುಮ್ರಾ, ಶಮಿ ವೋಕ್ಸ್ , ಹೆನ್ರಿ, ಸದ್ಯದ ಫೇವರಿಟ್ ಬೌಲರ್​​ಗಳು. ಡೆಮಿಯನ್ ಮಾರ್ಟಿನ್, ರಾಹುಲ್ ದ್ರಾವಿಡ್, ಮುರಳೀಧರನ್, ಹರ್ಭಜನ್ ಸಿಂಗ್ ಟಫೆಸ್ಟ್ ಕ್ರಿಕೆಟರ್ಸ್ ಎಂದು ಹೇಳಿದರು.

ಶೋಯೆಬ್​ ಹೆಲೋ ಲೈವ್​ನಲ್ಲಿ ಮಾತನಡುತ್ತಾ ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರ ಬಗ್ಗೆ ಮೆಚ್ಚುಗೆ ಮಾತನಾಡಿದ್ದಾರೆ. ನರೇಂದ್ರ ಮೋದಿ ಬಗ್ಗೆ ಸಾಕಷ್ಟು ಭಿನ್ನ ಅಭಿಪ್ರಾಯಗಳಿರಬಹುದು. ಆದರೆ ಲಾಕ್​ಡೌನ್​  ಬಗ್ಗೆ ಮೋದಿ ತೆಗೆದುಕೊಂಡ ನಿರ್ಧಾರ ದಿಟ್ಟತನದ್ದು. ಜಗತ್ತೇ ಅವರನ್ನು ಮೆಚ್ಚಿದೆ. ಕೊರೋನದಿಂದ ಭಾರತಕ್ಕೆ ಆಗುವಷ್ಟು ನಷ್ಟ ಇನ್ದನು ಯಾವ ದೇಶಕ್ಕೂ ಆಗುತ್ತಿಲ್ಲ. ಆದರೆ ಮೋದಿ ಆರ್ಥಿಕ ವಿಚಾರಕ್ಕಿಂತ ಜನರ ಜೀವಕ್ಕೆ ಬೆಲೆ ಕೊಟ್ಟರು. ಮೋದಿಯ ಇಂತಹ ಅದ್ಭುತ ನಿರ್ಧಾರಕ್ಕೆ ನನ್ನದೊಂದು ಸಲಾಂ ಎಂದಿದ್ದಾರೆ.