Sania Mirza: ಪಾಕ್​ ಕ್ರಿಕೆಟಿಗ ಮೊಹಮ್ಮದ್ ಹಫೀಜ್ ಅವರಿಂದ ಏಂಜಲ್​ ಎಂದು ಕರೆಸಿಕೊಂಡ ಸಾನಿಯಾ ಮಿರ್ಜಾ!

ಟಿ20 ವಿಶ್ವಕಪ್‌ನಲ್ಲಿ ಬ್ಯುಸಿಯಾಗಿದ್ದ ಪಾಕಿಸ್ತಾನದ ಆಲ್‌ರೌಂಡರ್ ಮೊಹಮ್ಮದ್ ಹಫೀಜ್, ಪತ್ನಿ ನಾಜಿಯಾ ಹಫೀಜ್ ಹುಟ್ಟುಹಬ್ಬವನ್ನು ಮರೆತಿದ್ದರು. ಅಂತಹ ಪರಿಸ್ಥಿತಿಯಲ್ಲಿ, ಭಾರತದ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಅವರು ಸ್ನೇಹಿತೆ  ನಾಜಿಯಾ ಹಫೀಜ್​ಗೆ ಬರ್ತ್​ ಡೇ ಪಾರ್ಟಿ ಆಯೋಜಿಸುವ ಮೂಲಕ  ಮೊಹಮ್ಮದ್ ಹಫೀಜ್​ಗೆ  ಸಹಾಯ ಮಾಡಿದ್ದಾರೆ.(PC: sania mirza instagram)

ಭಾರತ ಮತ್ತು ನ್ಯೂಜಿಲೆಂಡ್ ವಿರುದ್ಧ ಸೂಪರ್ 12 ಪಂದ್ಯಗಳನ್ನು ಆಡಿರುವ ಹಫೀಜ್ ಈ ಪಾರ್ಟಿಯ ಕೆಲವು ಚಿತ್ರಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಕ್ರಿಕೆಟಿಗ ಹಫೀಜ್ ಅವರು ಸಾನಿಯಾ ಮಿರ್ಜಾ ಅವರ  ಸಹಾಯವನ್ನು ನೆನಪಿಸಿಕೊಂಡಿದ್ದಾರೆ. ಹಫೀಜ್ ಕೆಲವು ಚಿತ್ರಗಳನ್ನು ಹಂಚಿಕೊಳ್ಳುವುದರ ಜೊತೆಗೆ ನನ್ನ ಹೆಂಡತಿಯ ಹುಟ್ಟುಹಬ್ಬವನ್ನು ನಾನು ಮರೆತಿದ್ದೆ, ಆದರೆ ಸಮಯಕ್ಕೆ ಸರಿಯಾಗಿ ಕೇಕ್ ವ್ಯವಸ್ಥೆ ಮಾಡಿದ್ದಕ್ಕಾಗಿ ಏಂಜೆಲ್ ಸಾನಿಯಾಗೆ ಧನ್ಯವಾದಗಳು ಎಂದು ಬರೆದಿದ್ದಾರೆ.

ಯುಎಇಯಲ್ಲಿ ನಡೆಯುತ್ತಿರುವ ಟಿ20 ವಿಶ್ವಕಪ್‌ನಲ್ಲಿ ಹಫೀಜ್ ಪತ್ನಿ ನಾಜಿಯಾ ಪಾಕಿಸ್ತಾನ ತಂಡಕ್ಕೆ ಸಂಪೂರ್ಣ ಬೆಂಬಲ ನೀಡುತ್ತಿದ್ದಾರೆ. (pc: ಮೊಹಮ್ಮದ್ ಹಫೀಜ್)

ಅಕ್ಟೋಬರ್ 24 ರಂದು ಭಾರತ ವಿರುದ್ಧ ನಡೆದ ಪಂದ್ಯದಲ್ಲಿ ಹಫೀಜ್​ ಅವರಿಗೆ ಬ್ಯಾಟಿಂಗ್ ಮಾಡಲು ಅವಕಾಶ ಸಿಗಲಿಲ್ಲ ಮತ್ತು ಅವರು 2 ಓವರ್‌ಗಳಲ್ಲಿ 12 ರನ್ ನೀಡಿದರು. ಆದರೂ ಯಾವುದೇ  ವಿಕೆಟ್​ ಕಬಳಿಸಲಿಲ್ಲ .(ಇನ್‌ಸ್ಟಾಗ್ರಾಮ್)

ಅಕ್ಟೋಬರ್ 26 ರಂದು ಶಾರ್ಜಾದಲ್ಲಿ ನ್ಯೂಜಿಲೆಂಡ್ ವಿರುದ್ಧ ನಡೆದ ಪಂದ್ಯದಲ್ಲಿ, ಹಫೀಜ್ 11 ರನ್ ಗಳಿಸಿದರು ಮತ್ತು 16 ರನ್​ಗಳಿಗೆ ಒಂದು ವಿಕೆಟ್ ಪಡೆದರು.