ಧೋನಿ-ಶಮಿ ಔಟ್; ಟಿ-20 ವಿಶ್ವಕಪ್​ನಲ್ಲಿ ಪದರ್ಪಾಣೆ ಮಾಡಲಿರುವ ಆ ಹೊಸ ಬ್ಯಾಟ್ಸ್​ಮನ್​ ಯಾರು ಗೊತ್ತಾ?

ಐಸಿಸಿ ಟಿ-20 ವಿಶ್ವಕಪ್ ಟೂರ್ನಿಯಲ್ಲಿ ಭಾರತ ತಂಡ ಯಾವರೀತಿ ಬಲಿಷ್ಠವಾಗಿರಬೇಕು ಎಂಬ ಲೆಕ್ಕಾಚಾರ ಈಗಿನಿಂದಲೇ ಶುರುವಾಗಿದೆ.

ಭಾರತ ಕ್ರಿಕೆಟ್ ತಂಡದ ಮಾಜಿ ದಿಗ್ಗಜ ವಿವಿಎಸ್ ಲಕ್ಷ್ಮಣ್ ನಿನ್ನೆಯಷ್ಟೆ ತಮ್ಮ ಸಾಧ್ಯತಾ ತಂಡವನ್ನು ಪ್ರಕಟಿಸಿದ್ದರು. ಇವರ ತಂಡದಲ್ಲಿ ಎಂಎಸ್ ಧೋನಿ ಹಾಗೂ ಶಿಖರ್ ಧವನ್​ಗೆ ಸ್ಥಾನವಿರಲಿಲ್ಲ.

ಟಿ-20 ವಿಶ್ವಕಪ್​ಗೆ ಲಕ್ಷ್ಮಣ್ ಆಯ್ಕೆ ಮಾಡಿರುವ 15 ಸದಸ್ಯರ ಪಟ್ಟಿ ಇಲ್ಲಿದೆ…

ವಿರಾಟ್ ಕೊಹ್ಲಿ (ನಾಯಕ), ರೋಹಿತ್ ಶರ್ಮಾ, ಕೆ ಎಲ್ ರಾಹುಲ್, ಶ್ರೇಯಸ್ ಐಯರ್, ರಿಷಭ್ ಪಂತ್, ಹಾರ್ದಿಕ್, ಮನೀಶ್ ಪಾಂಡೆ, ಶಿವಂ ದುಬೆ, ಜಡೇಜಾ, ಬುಮ್ರಾ, ಚಹಾಲ್, ಕುಲ್ದೀಪ್, ಶಮಿ, ದೀಪಕ್ ಚಹಾರ್, ಭುವನೇಶ್ವರ್ ಕುಮಾರ್.

ಇದರ ಬೆನ್ನಲ್ಲೆ ನ್ಯೂಜಿಲೆಂಡ್ ತಂಡದ ಮಾಜಿ ಆಲ್ರೌಂಡರ್ ಸ್ಕಾಟ್ ಸ್ಟೈರಿಸ್ ಟಿ-20 ವಿಶ್ವಕಪ್​ಗೆ ಭಾರತ ತಂಡ ಹೀಗಿದ್ದರೆ ಉತ್ತಮ ಎಂದು ಹೇಳಿದ್ದಾರೆ.

ಆದರೆ, ಇವರು ಆಯ್ಕೆ ಮಾಡಿರುವ ಭಾರತ ತಂಡದಲ್ಲಿ ಮೂವರು ಸ್ಟಾರ್ ಆಟಗಾರರಾದ ಎಂಎಸ್ ಧೋನಿ, ಮನೀಶ್ ಪಾಂಡೆ ಹಾಗೂ ಮೊಹಮ್ಮದ್ ಶಮಿ ಅವರನ್ನು ಕೈಬಿಡಲಾಗಿದೆ.

ಅಚ್ಚರಿ ಎಂಬಂತೆ ಹೊಸ ಬ್ಯಾಟ್ಸ್​ಮನ್​ ಒಬ್ಬರನ್ನು ಸ್ಟಾಟ್ ಹೆರಿಸಿದ್ದು ಟಿ-20 ವಿಶ್ವಕಪ್​ನಲ್ಲಿ ಇವರು ಪದರ್ಪಾಣೆ ಮಾಡಿದರೆ ಒಳ್ಳಯದು ಎಂದು ಹೇಳಿದ್ದಾರೆ.

ಐಪಿಎಲ್ ಸೇರಿ ದೇಶೀಯ ಕ್ರಿಕೆಟ್ ಅತ್ಯುತ್ತಮ ಪ್ರದರ್ಶನ ನೀಡುತ್ತಿರುವ ಶುಭ್ಮನ್ ಗಿಲ್ ಅವರನ್ನು ಸ್ಟಾಟ್ ಅವರು ತನ್ನ ತಂಡದಲ್ಲಿ ಸೇರಿಸಿಕೊಂಡಿದ್ದಾರೆ.

ಟಿ-20 ವಿಶ್ವಕಪ್​ಗೆ ಸ್ಕಾಟ್ ಸ್ಟೈರಿಸ್ ಆಯ್ಕೆ ಮಾಡಿರುವ ಭಾರತ ತಂಡ ಇಲ್ಲಿದೆ.

ವಿರಾಟ್ ಕೊಹ್ಲಿ (ನಾಯಕ), ರೋಹಿತ್ ಶರ್ಮಾ, ಕೆ ಎಲ್ ರಾಹುಲ್, ಶ್ರೇಯಸ್ ಐಯರ್, ರಿಷಭ್ ಪಂತ್, ಹಾರ್ದಿಕ್, ಶಿಖರ್ ಧವನ್, ಶುಭ್ಮನ್ ಗಿಲ್, ಸಂಜು ಸ್ಯಾಮ್ಸನ್, ಜಡೇಜಾ, ಬುಮ್ರಾ, ಚಹಾಲ್, ಕುಲ್ದೀಪ್, ಶಮಿ, ದೀಪಕ್ ಚಹಾರ್, ನವ್ದೀಪ್ ಸೈನಿ.

ಇತ್ತೀಚೆಗಷ್ಟೆ ಶ್ರೀಲಂಕಾ ವಿರುದ್ಧದ ಎರಡನೇ ಟಿ-20 ಪಂದ್ಯ ಮುಗಿದ ಬಳಿಕ ಟಿ-20 ವಿಶ್ವಕಪ್ ಕುರಿತು ವಿರಾಟ್ ಕೊಹ್ಲಿ ಕೂಡ ಮಾತನಾಡಿದ್ದರು.

ಕರ್ನಾಟಕದ ವೇಗಿಯೊಬ್ಬ ಕೊಹ್ಲಿ ಗಮನ ಸೆಳೆದಿದ್ದು, ಮುಂಬರುವ ವಿಶ್ವಕಪ್​ನಲ್ಲಿ ತಂಡದ ಅಚ್ಚರಿಯ ಅಸ್ತ್ರವಾಗಬಲ್ಲರು ಎಂದು ಕೊಹ್ಲಿ ಹೇಳಿದ್ದರು.

ಕೊಹ್ಲಿ ಮೆಚ್ಚುಗೆ ಪಡೆದ ವೇಗಿ ಕರ್ನಾಟಕದ ಪ್ರಸಿದ್ಧ್ ಕೃಷ್ಣ. ಐಪಿಎಲ್ ನಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ಪರ ಇವರು ಆಡುತ್ತಿದ್ದಾರೆ.

ನಾವು ಬೌಲಿಂಗ್​ನಲ್ಲಿ ಉತ್ತಮ ಕೌಶಲ್ಯವುಳ್ಳ ಬೌಲರ್ ಒಬ್ಬರನ್ನ ಆಯ್ಕೆ ಮಾಡಲಿದ್ದೇವೆ. ಆತನೇ ವಿಶ್ವಕಪ್ ತಂಡದ ಒಂದು ಅನಿರೀಕ್ಷಿತ ಆಯ್ಕೆಯಾಗಲಿದ್ದಾನೆ. ಉತ್ತಮ ಪೇಸ್ ಜೊತೆಗೆ ಬೌನ್ಸ್ ಮಾಡುವ ಪ್ರಸಿದ್ ಕೃಷ್ಣ ಅಂತಹವರಿಗೆ ತಂಡದಲ್ಲಿ ಅವಕಾಶ ನೀಡಲಾಗುವುದು ಎಂದು ಕೊಹ್ಲಿ ಹೇಳಿದ್ದಾರೆ.