ಧೋನಿ ನಿವೃತ್ತಿ ಘೋಷಿಸದಿರಲು ಟೀಂ ಇಂಡಿಯಾದ ಈ ಆಟಗಾರನೇ ಕಾರಣ..!

ಟೀಂ ಇಂಡಿಯಾ ಮಾಜಿ ನಾಯಕ ಹಾಗೂ ಯಶಸ್ವಿ ವಿಕೆಟ್ ಕೀಪರ್ ಮಹೇಂದ್ರ ಸಿಂಗ್ ಧೋನಿ ನಿವೃತ್ತಿ ವಿಚಾರ ತಣ್ಣಗಾಗುವಂತೆ ಕಾಣುತ್ತಿಲ್ಲ.

ತಂಡದಲ್ಲಿ ಆಯ್ಕೆಯಾಗದಿದ್ದರೂ ಪ್ರತಿ ಪಂದ್ಯಕ್ಕೂ ಮುನ್ನ ಎಂಎಸ್​ಡಿ ಅವರ ಹೆಸರು ಚರ್ಚೆಗೆ ಕಾರಣವಾಗುತ್ತಿದೆ.

ವಿಶ್ವಕಪ್ ಬಳಿಕ ನಿವೃತ್ತಿ ಹೇಳಲಿದ್ದಾರೆ ಎನ್ನಲಾಗಿತ್ತಾದರೂ, ಧೋನಿ ಕಡೆಯಿಂದ ಯಾವುದೇ ಪ್ರತಿಕ್ರಿಯೆಗಳು ವ್ಯಕ್ತವಾಗಿರಲಿಲ್ಲ. ಇದೀಗ ಮೈದಾನದಿಂದ ದೂರವಿದ್ದರೂ ಧೋನಿಯ ಕ್ರಿಕೆಟ್ ವಿದಾಯ ಸುದ್ದಿಗಳು ಭಾರೀ ಮಹತ್ವ ಪಡೆಯುತ್ತಿದೆ.

ಆದರೆ ಧೋನಿ ನಿವೃತ್ತಿ ಹಿಂದಿರುವ ಅಸಲಿ ವಿಚಾರವೊಂದು ಇದೀಗ ಬಿಸಿಸಿಐ ಮೂಲಗಳಿಂದ ಹೊರಬಿದ್ದಿದೆ.

ಟೀಂ ಇಂಡಿಯಾಗೆ ಬಲಿಷ್ಠ ವಿಕೆಟ್ ಕೀಪರ್​ರೊಬ್ಬರ ಅವಶ್ಯಕತೆಯಿದೆ. ಈ ಸ್ಥಾನವನ್ನು ತುಂಬುವ ಆಟಗಾರರಲ್ಲಿ ರಿಷಭ್ ಪಂತ್ ಹೆಸರು ಅಗ್ರಸ್ಥಾನದಲ್ಲಿದೆ.

4ನೇ ಕ್ರಮಾಂಕದ ಟೀಂ ಇಂಡಿಯಾ ಬ್ಯಾಟಿಂಗ್ ಕೊರತೆಯನ್ನು ನೀಗಿಸುವ ಸಾಮರ್ಥ್ಯ ಕೂಡ ಈ ಯುವ ಆಟಗಾರರನಿಗೆ ಇದೆ. ಆದರೆ ಕೀಪಿಂಗ್ ವಿಚಾರದಲ್ಲಿ ಭಾರೀ ಪೈಪೋಟಿ ಕಂಡು ಬರುತ್ತಿದೆ.

ಒಂದು ವೇಳೆ ಧೋನಿ ಏಕಾಏಕಿ ನಿವೃತ್ತಿ ಘೋಷಿಸಿದರೆ ವಿಕೆಟ್ ಕೀಪರ್ ಸ್ಥಾನ ಬೇರೆಯವರ ಪಾಲಾಗುವ ಸಾಧ್ಯತೆ ಇದೆ ಎನ್ನಲಾಗಿದೆ.

ಆದರೆ ಮಹೇಂದ್ರ ಸಿಂಗ್ ಧೋನಿ ತಮ್ಮ ಸ್ಥಾನದಲ್ಲಿ ರಿಷಭ್ ಪಂತ್​ ಅವರನ್ನು ನೋಡಲು ಇಚ್ಛಿಸಿದ್ದಾರೆ. ಒಂದಷ್ಟು ಆತ್ಮವಿಶ್ವಾಸ ಮೂಡುವವರೆಗೆ ಪಂತ್​ಗೆ ತಂಡದಲ್ಲಿ ಸ್ಥಾನ ಸಿಗಲಿ ಎಂಬುದು ಧೋನಿಯ ಪ್ಲ್ಯಾನ್.

ಒಂದು ವೇಳೆ ತಮ್ಮ ನಿವೃತ್ತಿ ನಿರ್ಧಾರ ಪ್ರಕಟಿಸಿದರೆ ಪಂತ್ ಸ್ಥಾನದ ಪರಿಣಾಮ ಬೀಳುವುದರಿಂದ ಯುವ ಆಟಗಾರರನಿಗೆ ತನ್ನ ಸಾಮರ್ಥ್ಯ ತೋರಿಸಲು ಒಂದಷ್ಟು ಅವಕಾಶಗಳು ಸಿಗಲಿ ಎಂದು ಬಯಸಿದ್ದಾರೆ ಧೋನಿ.

ಈ ಕಾರಣದಿಂದಲೇ ಧೋನಿ ವಿಶ್ವಕಪ್​ ಬಳಿಕ ತಂಡದ ಆಯ್ಕೆಗೆ ತಮ್ಮ ಹೆಸರನ್ನು ಸೂಚಿಸಿಲ್ಲ ಎಂದು ಹೇಳಲಾಗಿದೆ.

ಇನ್ನು ಧೋನಿಯ ನಿವೃತ್ತಿ ತಂಡದ ಮೇಲೆ ಪ್ರಭಾವ ಬೀರಲಿದ್ದು, ಇದೇ ಕಾರಣದಿಂದ ಈಗಲೇ ಯುವ ವಿಕೆಟ್ ಕೀಪರ್​ರೊಬ್ಬರನ್ನು ಸಜ್ಜುಗೊಳಿಸಲು ತಯಾರಿಯಲ್ಲಿದೆ ಬಿಸಿಸಿಐ.

ಒಂದು ಮೂಲದ ಪ್ರಕಾರ ನವೆಂಬರ್- ಡಿಸೆಂಬರ್​ನಲ್ಲಿ ನಡೆಯುವ ಬಾಂಗ್ಲಾ ವಿರುದ್ಧದ ಸರಣಿಯಲ್ಲಿ ಮಹೇಂದ್ರ ಸಿಂಗ್ ತಂಡದಲ್ಲಿ ಸ್ಥಾನ ಪಡೆಯಲಿದ್ದು, ಆ ಬಳಿಕ ತಮ್ಮ ವಿದಾಯ ಪಂದ್ಯವಾಡಲಿದ್ದಾರೆ ಎಂದು ಹೇಳಲಾಗಿದೆ.

ಕೊಹ್ಲಿ-ಧೋನಿ

ಧೋನಿ

ಮಹೇಂದ್ರ ಸಿಂಗ್ ಧೋನಿ