ಟಿ20 ಕ್ರಿಕೆಟ್​ನ ನಂಬರ್ 1 ಬ್ಯಾಟ್ಸ್​ಮನ್​​ ಪ್ರಕಟಿಸಿದ ಇಂಡೋ-ಪಾಕ್ ತಂಡದಲ್ಲಿ ಯಾರಿಗೆಲ್ಲಾ ಸ್ಥಾನ?

ವಿಶ್ವ ಕ್ರಿಕೆಟ್​ನಲ್ಲಿ ಬ್ಯಾಟಿಂಗ್ ಮೂಲಕವೇ ಸಂಚಲನ ಸೃಷ್ಟಿಸುತ್ತಿರುವ ಕೆಲ ಆಟಗಾರರಿದ್ದಾರೆ. ಈ ವಿಚಾರದಲ್ಲಿ ರನ್ ಮೆಷಿನ್ ವಿರಾಟ್ ಕೊಹ್ಲಿ ಅಗ್ರಸ್ಥಾನದಲ್ಲಿದ್ದರೆ, ಟೀಂ ಇಂಡಿಯಾ ನಾಯಕನಿಗೆ ಟಕ್ಕರ್ ಕೊಡುವಂತಹ ಫರ್ಫಾಮೆನ್ಸ್​ನ ಆಸ್ಟ್ರೇಲಿಯಾದ ಸ್ಟೀವ್ ಸ್ಮಿತ್ ಹಾಗೂ ಪಾಕ್ ತಂಡದ ಯುವ ಬ್ಯಾಟ್ಸ್​ಮನ್ ಬಾಬರ್ ಅಜಂ ನೀಡುತ್ತಿದ್ದಾರೆ.

ಟಿ20 ಕ್ರಿಕೆಟ್​ನಲ್ಲಿ ನಾನೇ ರಾಜ ಎನ್ನುವಂತೆ ಪಾಕಿಸ್ತಾನದ ಬಾಬರ್ ಆಜಂ ಬ್ಯಾಟ್ ಬೀಸುತ್ತಿದ್ದು, ಒಟ್ಟಾರೆ ಕ್ರಿಕೆಟ್​ನಲ್ಲಿ ಕೊಹ್ಲಿ, ಸ್ಮಿತ್, ಬಾಬರ್ ರನ್ ಸರ್ದಾರರಾಗಿ ಮೆರೆಯಲಿದ್ದಾರೆ ಎಂದು ವಿಶ್ಲೇಷಿಸಲಾಗುತ್ತಿದೆ.

ಪ್ರಸ್ತುತ ಟಿ20 ಕ್ರಿಕೆಟ್​ ರ್ಯಾಂಕಿಂಗ್​ನಲ್ಲಿ ಅಗ್ರಸ್ಥಾನದಲ್ಲಿರುವ ಬಾಬರ್, ಐಸಿಸಿ ಟೆಸ್ಟ್ ಬ್ಯಾಟ್ಸ್‌ಮನ್ ಶ್ರೇಯಾಂಕದಲ್ಲಿ 5 ನೇ ಸ್ಥಾನವನ್ನು ಅಲಂಕರಿಸಿದ್ದಾರೆ. ಹಾಗೆಯೇ ಏಕದಿನ ಕ್ರಿಕೆಟ್​ನಲ್ಲಿ 3ನೇ ಸ್ಥಾನದಲ್ಲಿದ್ದಾರೆ.

ಸದ್ಯ ಲಾಕ್​ಡೌನ್ ಹಿನ್ನೆಲೆಯಲ್ಲಿ ಕ್ರಿಕೆಟ್ ಅಂಗಳದಿಂದ ದೂರ ಉಳಿದಿರುವ ಬಾಬರ್, ಲೈವ್ ಚಾಟ್ ಕಾರ್ಯಕ್ರಮದಲ್ಲಿ ತಮ್ಮ ನೆಚ್ಚಿನ ಭಾರತ-ಪಾಕಿಸ್ತಾನ್ ಮಿಶ್ರ T20 ತಂಡವನ್ನು ಪ್ರಕಟಿಸಿದ್ದಾರೆ. ಈ ಇಂಡೋ-ಪಾಕ್ ತಂಡದಲ್ಲಿ ಟೀಮ್ ಇಂಡಿಯಾದ ಆಟಗಾರರಿಗೆ ಮಣೆ ಹಾಕಲಾಗಿದೆ. ಬಾಬರ್ ಇಂಡಿಯಾ-ಪಾಕಿಸ್ತಾನ್ ಟಿ20 ತಂಡ ಹೀಗಿದೆ:

ರೋಹಿತ್ ಶರ್ಮಾ (ಓಪನರ್)

ಬಾಬರ್ ಅಜಂ (ಓಪನರ್)

ವಿರಾಟ್ ಕೊಹ್ಲಿ (ಬ್ಯಾಟ್ಸ್​ಮನ್​)

ಶೋಯೆಬ್ ಮಲಿಕ್ (ಬ್ಯಾಟ್ಸ್​ಮನ್​)

ಎಂ.ಎಸ್.ಧೋನಿ (ವಿಕೆಟ್ ಕೀಪರ್)

ಹಾರ್ದಿಕ್ ಪಾಂಡ್ಯ (ಆಲ್​ರೌಂಡರ್)

ಶಾದಾಬ್ ಖಾನ್ (ಆಲ್​ರೌಂಡರ್)

ಶಾಹೀನ್ ಅಫ್ರಿದಿ ( ವೇಗದ ಬೌಲರ್)

ಜಸ್‍ಪ್ರೀತ್ ಬುಮ್ರಾ ( ವೇಗದ ಬೌಲರ್)

ಮೊಹಮ್ಮದ್ ಅಮೀರ್ ( ವೇಗದ ಬೌಲರ್)

ಕುಲದೀಪ್ ಯಾದವ್ (ಸ್ಪಿನ್ನರ್)