MS Dhoni: ಧೋನಿ ಜೀವನದ ರೋಚಕ ಸತ್ಯಗಳು! ಮಹಿ ಗಳಿಸುತ್ತಿದ್ದ ಅಂಕಗಳೆಷ್ಟು?

ಭಾರತ ತಂಡದ ಸ್ಟಾರ್ ಕ್ರಿಕೆಟಿಗ ಹಾಗೂ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಬಾಲ್ಯದಿಂದಲೂ ಕ್ರಿಕೆಟ್ ಆಡುವುದನ್ನು ಇಷ್ಟಪಡುತ್ತಿದ್ದರು. ಅವರು 7 ಜುಲೈ 1981 ರಂದು ಜಾರ್ಖಂಡ್ನ ರಾಜಧಾನಿ ರಾಂಚಿಯಲ್ಲಿ ಜನಿಸಿದರು. ಸದ್ಯ ಅವರ ವಯಸ್ಸು 41 ವರ್ಷ. ಆ ಸಮಯದಲ್ಲಿ ಜಾರ್ಖಂಡ್ ಬಿಹಾರದ ಭಾಗವಾಗಿತ್ತು. ಅವರ ತಂದೆ ಮಾನ್ ಸಿಂಗ್ ಜೂನಿಯರ್ ಮ್ಯಾನೇಜ್​ಮೆಂಟ್ ಆಗಿ ಕೆಲಸ ಮಾಡುತ್ತಿದ್ದರು.

ಮಹೇಂದ್ರ ಸಿಂಗ್ ಧೋನಿ ಅವರ ತಾಯಿ ದೇವಕಿ ದೇವಿ ಗೃಹಿಣಿ. ಅವರ ಅಣ್ಣನ ಹೆಸರು ನರೇಂದ್ರ ಸಿಂಗ್ ಧೋನಿ ಮತ್ತು ಅಕ್ಕನ ಹೆಸರು ಜಯಂತಿ ಗುಪ್ತಾ.

ಮಹೇಂದ್ರ ಸಿಂಗ್ ಧೋನಿಗೆ ಶಿಕ್ಷಣದ ಬಗ್ಗೆ ಹೆಚ್ಚಿನ ಆಸಕ್ತಿ ಇರಲಿಲ್ಲವಂತೆ. ಅವರು ರಾಂಚಿಯ ಡಿಎವಿ ಜವಾಹರ್ ವಿದ್ಯಾ ಮಂದಿರದಲ್ಲಿ ತಮ್ಮ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸಿದರು.

ಎಂಎಸ್ ಧೋನಿ ಪ್ರೌಢಶಾಲೆಯಲ್ಲಿ ಶೇಕಡಾ 66 ಅಂಕಗಳನ್ನು ಮತ್ತು ಮಧ್ಯಂತರ ಪರೀಕ್ಷೆಯಲ್ಲಿ ಶೇಕಡಾ 56 ಅಂಕಗಳನ್ನು ಗಳಿಸಿದ್ದಾರೆ. ಕ್ರಿಕೆಟ್ ಆಡುವುದು ಅವರ ಮೊದಲ ಆದ್ಯತೆಯಾಗಿತ್ತು.

1993 ರಲ್ಲಿ ಶಾಲೆಯ ಕ್ರಿಕೆಟ್ ತರಬೇತುದಾರ ಕೆಆರ್ ಬ್ಯಾನರ್ಜಿ, ಮಹೇಂದ್ರ ಸಿಂಗ್ ಧೋನಿಯ ಪ್ರತಿಭೆಯನ್ನು ಗುರುತಿಸಿದರು. ವಿಕೆಟ್ ಕೀಪಿಂಗ್​ನಲ್ಲಿ ಮುನ್ನಡೆಯಲು ಸಲಹೆ ನೀಡಿದ್ದರು.

ಮಹೇಂದ್ರ ಸಿಂಗ್ ಧೋನಿ ಸುಂದರ ಕುಟುಂಬ

ಮಹೇಂದ್ರ ಸಿಂಗ್ ಧೋನಿ ತಮ್ಮ ಸಹಪಾಠಿಯೇ ಆಗಿದ್ದ ಸಾಕ್ಷಿ ಧೋನಿ ಅವರನ್ನು 4 ಜುಲೈ 2010 ರಂದು ವಿವಾಹವಾದರು. 2002 ರಲ್ಲಿ ಧೋನಿ ಭಾರತೀಯ ಕ್ರಿಕೆಟ್ ತಂಡದಲ್ಲಿ ಸ್ಥಾನ ಪಡೆಯಲು ಪ್ರಯತ್ನಿಸುತ್ತಿರುವಾಗ ಪ್ರಿಯಾಂಕಾ ಝಾ ಅವರನ್ನು ಪ್ರೀತಿಸುತ್ತಿದ್ದರಂತೆ. ಆದರೆ ದುರದೃಷ್ಟವಶಾತ್ ಪ್ರಿಯಾಂಕಾ ಅದೇ ವರ್ಷ ಅಪಘಾತದಲ್ಲಿ ಸಾವನ್ನಪ್ಪಿದರು. ಅದರ ನಂತರ ಅವರು ದಕ್ಷಿಣ ಚಿತ್ರರಂಗದ ನಟಿ ಲಕ್ಷ್ಮಿ ರೈ ಅವರೊಂದಿಗೆ ಸ್ವಲ್ಪ ಸಮಯದವರೆಗೆ ಡೇಟಿಂಗ್ ಮಾಡುತ್ತಿದ್ದರು ಎಂಬ ಗಾಳಿಸುದ್ದಿ ಹಬ್ಬಿತ್ತು. ಸಾಕ್ಷಿ ಧೋನಿ ಮತ್ತು ಎಂಎಸ್ ಧೋನಿಗೆ ಜೀವಾ ಎಂಬ ಮಗಳಿದ್ದಾಳೆ.

ಮಹೇಂದ್ರ ಸಿಂಗ್ ಧೋನಿ ಅವರಿಗೆ 2018 ರಲ್ಲಿ ಭಾರತದ ಮೂರನೇ ಅತ್ಯುನ್ನತ ನಾಗರಿಕ ಪ್ರಶಸ್ತಿಯಾದ ಪದ್ಮಭೂಷಣವನ್ನು ನೀಡಲಾಯಿತು. ಅವರು 2009 ರಲ್ಲಿ ಪದ್ಮಶ್ರೀ ಮತ್ತು 2007-08 ರಲ್ಲಿ ರಾಜೀವ್ ಗಾಂಧಿ ಖೇಲ್ ರತ್ನವನ್ನು ಸಹ ಪಡೆದರು. ಆಗಸ್ಟ್ 2011 ರಲ್ಲಿ ಡಿ ಮಾಂಟ್ಫೋರ್ಟ್ ವಿಶ್ವವಿದ್ಯಾಲಯವು ಅವರಿಗೆ ಗೌರವ ಡಾಕ್ಟರೇಟ್ ನೀಡಿತು.