IND vs AUS: ರೋಹಿತ್-ಧವನ್ 3ನೇ ಏಕದಿನಕ್ಕೆ ಡೌಟ್; ಟೀಂ ಇಂಡಿಯಾ ಓಪನರ್​ಗಳು ಯಾರು ಗೊತ್ತಾ?

ಆಸ್ಟ್ರೇಲಿಯಾ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಭಾರತ ಗೆಲುವು ಸಾಧಿಸಿ, ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿ 1-1 ಅಂತರದ ಸಮಬಲ ಸಾಧಿಸಿದೆ.

ಹೀಗಾಗಿ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯಲಿರುವ ಅಂತಿಮ ಏಕದಿನ ಪಂದ್ಯ ಸಾಕಷ್ಟು ಕುತೂಹಲ ಕೆರಳಿಸಿದೆ.

ಆದರೆ, ಟೀಂ ಇಂಡಿಯಾ ಓಪನರ್​ಗಳಾದ ರೋಹಿತ್ ಶರ್ಮ ಹಾಗೂ ಶಿಖರ್ ಧವನ್ ಇಂಜುರಿಗೆ ತುತ್ತಾಗಿರುವುದು ಕೊಹ್ಲಿಗೆ ತಲೆನೋವಾಗಿ ಪರಿಣಮಿಸಿದೆ.

ನಿನ್ನೆಯ ಪಂದ್ಯದಲ್ಲಿ ಪ್ಯಾಟ್ ಕಮಿನ್ಸ್ ಬೌಲಿಂಗ್​ನ ಶಾರ್ಟ್ ಪಿಚ್ ಎಸೆತದಲ್ಲಿ ಶಿಖರ್ ಧವನ್ ಎದೆಗೂಡಿಗೆ ಪೆಟ್ಟಾಗಿತ್ತು.

ಇನ್ನು ರೋಹಿತ್ ಶರ್ಮಾ ಬೌಂಡರಿ ಗೆರೆ ಬಳಿಕ ಫೀಲ್ಡಿಂಗ್ ಮಾಡುತ್ತಿರುವಾಗ ಚೆಂಡನ್ನು ತಡೆಯುವ ವೇಳೆ ಎಡಭುಜಕ್ಕೆ ಪೆಟ್ಟು ಮಾಡಿಕೊಂಡಿದ್ದರು.

ಹೀಗಾಗಿ ಆಸ್ಟ್ರೇಲಿಯಾ ಬ್ಯಾಟಿಂಗ್ ಮಾಡುವಾದ ಶಿಖರ್ ಧವನ್ ಬದಲು ಯಜುವೇಂದ್ರ ಚಹಾಲ್ ಮತ್ತು ರೋಹಿತ್ ಬದಲು ಕೇದರ್ ಜಾಧವ್ ಫೀಲ್ಡಿಂಗ್ ಮಾಡಿದ್ದರು.

ಧವನ್ ಹಾಗೂ ರೋಹಿತ್ ಇಂಜುರಿ ಬಗ್ಗೆ ಇನ್ನಷ್ಟೆ ತಿಳಿದು ಬರಬೇಕಿದೆ. ನಾಳೆ ಬೆಂಗಳೂರು ಏಕದಿನ ಪಂದ್ಯದಲ್ಲಿ ಇವರಿಬ್ಬರು ಆಡುವ ಬಗ್ಗೆ ಅಧಿಕೃತ ಮಾಹಿತಿ ತಿಳಿದುಬಂದಿಲ್ಲ.

ಎಲ್ಲಾದರು ಇವರಿಬ್ಬರು ಆಡಲು ವಿಫಲರಾದರೆ, ಭಾರತ ಪರ ಓಪನರ್​ಗಳಾಗಿ ಯಾರು ಕಣಕ್ಕಿಳಿಯಬಹುದು ಎಂಬುವುದನ್ನು ನೋಡುವುದಾದರೆ…

ಟೀಂ ಇಂಡಿಯಾ ಪರ ಒಬ್ಬ ಓಪನರ್ ಆಗಿ ಕೆ ಎಲ್ ರಾಹುಲ್ ಕಣಕ್ಕಿಳಿಯುವುದು ಪಕ್ಕ. ಆದರೆ, ಮತ್ತೊಬ್ಬ ಆಟಗಾರ ಯಾರು ಎಂಬುವುದೆ ದೊಡ್ಡ ಪ್ರಶ್ನೆಯಾಗಿದೆ.

ಹಾಗೆಲ್ಲಾದರು ಧವನ್-ರೋಹಿತ್ ನಾಳಿನ ಪಂದ್ಯಕ್ಕೆ ಅಲಭ್ಯರಾದರೆ ರಾಹುಲ್ ಜೊತೆ ಮನೀಶ್ ಪಾಂಡೆ ಇನ್ನಿಂಗ್ಸ್ ಆರಂಭಿಸುವ ಸಾಧ್ಯತೆ ಹೆಚ್ಚಿದೆ.

ಪಾಂಡೆಗೆ ಈಗಾಗಲೇ ಓಪನರ್ ಆಗಿ ಬ್ಯಾಟ್ ಬೀಸಿದ ಅನುಭವ ಇದೆ. ರಣಜಿ ಪಂದ್ಯದಲ್ಲಿ ಕರ್ನಾಟಕ ಪರ ಇವರು ಅನೇಕ ಬಾರಿ ಆರಂಭಿಕರಾಗಿ ಆಟವಾಡಿದ್ದಾರೆ.

ಹೀಗಾಗಿ ಮನೀಶ್ ಪಾಂಡೆ ಹಾಗೂ ಕೆ ಎಲ್ ರಾಹುಲ್ ಅವರು ಧವನ್-ರೋಹಿತ್ ಬದಲು ಕಣಕ್ಕಿಳಿದರೆ ಅಚ್ಚರಿಯಿಲ್ಲ.

ರಾಜ್ಕೋಟ್​ನಲ್ಲಿ ನಡೆದ ಆಸ್ಟ್ರೇಲಿಯಾ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ 36 ರನ್​ಗಳ ಗೆಲುವು ಸಾಧಿಸಿತು. ಈ ಮೂಲಕ ಸರಣಿಯಲ್ಲಿ 1-1 ಅಂತರದ ಸಮಬಲ ಸಾಧಿಸಿತು.

ನಾಳೆ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದ ಅಂತಿಮ ಏಕದಿನ ನಿರ್ಣಾಯಕ ಪಂದ್ಯಕ್ಕೆ ಸಾಕ್ಷಿಯಾಗಲಿದ್ದು, ಹೈವೋಲ್ಟೇಜ್ ಪಂದ್ಯ ನಿರಿಕ್ಷಿಸಲಾಗಿದೆ.