Ishant Sharma: ಈ ಸಾಧನೆ ಮಾಡಿದ ಟೀಮ್ ಇಂಡಿಯಾದ 3ನೇ ವೇಗಿ, 6ನೇ ಬೌಲರ್ ಇಶಾಂತ್ ಶರ್ಮಾ..!

ಚೆನ್ನೈನ ಎಂಎ ಚಿದಂಬರಂ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಇಂಗ್ಲೆಂಡ್ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ 3ನೇ ವಿಕೆಟ್ ಕಬಳಿಸುವ ಮೂಲಕ ಟೀಮ್ ಇಂಡಿಯಾ ವೇಗಿ ಇಶಾಂತ್ ಶರ್ಮಾ ಟೆಸ್ಟ್​ ಕ್ರಿಕೆಟ್​ನಲ್ಲಿ 300 ವಿಕೆಟ್ ಸಾಧನೆ ಮಾಡಿದ್ದಾರೆ.

ಈ ಸಾಧನೆ ಮಾಡಿದ ಭಾರತದ ಮೂರನೇ ವೇಗಿ, ಟೀಮ್ ಇಂಡಿಯಾದ ಆರನೇ ಬೌಲರ್ ಎಂಬ ಗೌರವಕ್ಕೆ ಪಾತ್ರರಾಗಿದ್ದಾರೆ ಇಶಾಂತ್ ಶರ್ಮಾ.

ಇಂಗ್ಲೆಂಡ್​ ವಿರುದ್ಧದ ಈ ಟೆಸ್ಟ್ ಪಂದ್ಯದ ಮೊದಲ ಇನಿಂಗ್ಸ್​ನಲ್ಲಿ 2 ವಿಕೆಟ್ ಪಡೆದಿದ್ದ ಇಶಾಂತ್ ಶರ್ಮಾ, ದ್ವಿತೀಯ ಇನಿಂಗ್ಸ್​ನಲ್ಲಿ ಡೆನ್ ಲಾರೆನ್ಸ್ ಅವರನ್ನು ಎಲ್​ಬಿ ಬಲೆಗೆ ಕೆಡವುವ ಮೂಲಕ ಈ ಸಾಧನೆ ಮಾಡಿದರು.

32 ರ ಹರೆಯದ ಇಶಾಂತ್ 2007 ರಲ್ಲಿ ಟೆಸ್ಟ್ ಗೆ ಪಾದಾರ್ಪಣೆ ಮಾಡಿದ್ದರು. 98ನೇ ಟೆಸ್ಟ್ ಪಂದ್ಯದಲ್ಲಿ 300 ವಿಕೆಟ್ ಕಬಳಿಸುವ ಮೂಲಕ ಟೀಮ್ ಇಂಡಿಯಾ ಪರ ನಿಧಾನಗತಿಯಲ್ಲಿ ಈ ಸಾಧನೆ ಮಾಡಿದ ಬೌಲರ್ ಎನಿಸಿಕೊಂಡಿದ್ದಾರೆ. ಇದಕ್ಕೂ ಮುನ್ನ ಭಾರತ ಪರ 300 ವಿಕೆಟ್ ಪಡೆದ ಬೌಲರುಗಳ ಪಟ್ಟಿ ಹೀಗಿದೆ.

ಕಪಿಲ್ ದೇವ್: 131 ಟೆಸ್ಟ್ ಪಂದ್ಯಳಿಂದ 434 ವಿಕೆಟ್​ಗಳು

ಅನಿಲ್ ಕುಂಬ್ಳೆ: 132 ಟೆಸ್ಟ್​ ಪಂದ್ಯಗಳಿಂದ 619 ವಿಕೆಟ್​ಗಳು

ಹರ್ಭಜನ್ ಸಿಂಗ್: 103 ಟೆಸ್ಟ್​ ಪಂದ್ಯಗಳಿಂದ 417 ವಿಕೆಟ್​ಗಳು

ಜಹೀರ್ ಖಾನ್: 92 ಟೆಸ್ಟ್​ ಪಂದ್ಯಗಳಿಂದ 311 ವಿಕೆಟ್​ಗಳು

ಆರ್ ಅಶ್ವಿನ್: 75 ಟೆಸ್ಟ್ ಪಂದ್ಯಗಳಿಂದ 386 ವಿಕೆಟ್​ಗಳು