IPL Broadcast Rights: ಇನ್ಮೇಲೆ ಯೂಟ್ಯೂಬ್​ನಲ್ಲೇ ಐಪಿಎಲ್ ನೋಡಬಹುದಾ ಹೇಗೆ?

ಐಪಿಎಲ್ 2022 ರ ನಡುವೆಯೇ ಬಿಸಿಸಿಐ ಮುಂದಿನ ಐಪಿಎಲ್​ಗೆ ಸಿದ್ಧತೆಗಳನ್ನು ಪ್ರಾರಂಭಿಸಿದೆ. ಐಪಿಎಲ್ ವಿಶ್ವದ ಅತ್ಯಂತ ಶ್ರೀಮಂತ ಮತ್ತು ಜನಪ್ರಿಯ ಲೀಗ್ ಆಗಿದೆ. ಪ್ರಪಂಚದಾದ್ಯಂತದ ಕ್ರಿಕೆಟಿಗರು ಈ ಲೀಗ್​ನಲ್ಲಿ ಆಡಲು ಉತ್ಸುಕರಾಗಿದ್ದಾರೆ.

ಐಸಿಸಿ ಸಾಮಾನ್ಯ ಸದಸ್ಯರಲ್ಲದ ದೇಶಗಳಲ್ಲಿಯೂ ಐಪಿಎಲ್ ಅಭಿಮಾನಿಗಳ ಸಂಖ್ಯೆ ದೊಡ್ಡದಾಗಿದೆ. ಐಪಿಎಲ್ ಜನಪ್ರಿಯತೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ವಿಶ್ವದ ದಿಗ್ಗಜರು ಇದರತ್ತ ಆಸಕ್ತಿ ತೋರಿದ್ದಾರೆ.

ಐಪಿಎಲ್​ ಈ ಋತುವಿನ ನಂತರ ಬಿಸಿಸಿಐ ಪ್ರಸಾರ ಹಕ್ಕುಗಳನ್ನು ಹರಾಜು ಮಾಡಲಿದೆ. ರಿಲಾಯನ್ಸ್, ಅಮೆಜಾನ್ ಮತ್ತು ಡಿಸ್ನಿ ಜೊತೆಗೆ ಗೂಗಲ್ ಕೂಡ ಐಪಿಎಲ್ ಪ್ರಸಾರದ ಹಕ್ಕುಗಳ ರೇಸ್​ಗೆ ಸೇರಿಕೊಂಡಿದೆ.

2023 ರಿಂದ 2027 ರ ಅವಧಿಯ ಪ್ರಸಾರದ ಹಕ್ಕುಗಳನ್ನು BCCI ಹರಾಜು ಮಾಡಲಿದೆ. ಸ್ಟಾರ್ ಸ್ಪೋರ್ಟ್ಸ್ ಪ್ರಸ್ತುತ IPL ನ ಪ್ರಸಾರದ ಹಕ್ಕುಗಳನ್ನು ಹೊಂದಿದೆ.

ರಿಲಾಯನ್ಸ್ ಸಹ ಐಪಿಎಲ್ ಆವೃತ್ತಿಗಳನ್ನು ಪ್ರಸಾರ ಮಾಡುವ ಬಿಡ್ ಪಡೆಯಲು ಮುಂಚೂಣಿಯಲ್ಲಿದೆ.

ಬ್ಲೂಮ್ಬರ್ಗ್ ವರದಿಯ ಪ್ರಕಾರ, 'ಅಮೆರಿಕಾದ ಟೆಕ್ ಕಂಪನಿಯಾದ ಆಲ್ಫಾಬೆಟ್ ಇಂಕ್., ಬಿಸಿಸಿಐನ ಪ್ರಸಾರ ಹಕ್ಕುಗಳ ಹರಾಜಿನಲ್ಲಿ ಭಾಗವಹಿಸಲು ಅಗತ್ಯ ದಾಖಲೆಗಳನ್ನು ಒದಗಿಸಿದೆ. ದಕ್ಷಿಣ ಆಫ್ರಿಕಾದ ಟೆಲಿವಿಷನ್ ಚಾನೆಲ್ ಸೂಪರ್ ಸ್ಪೋರ್ಟ್ಸ್ ಗ್ರೂಪ್ ಕೂಡ ದಾಖಲೆಗಳನ್ನು ಖರೀದಿಸಿದೆ.

YouTube ಗೂಗಲ್ ಕಂಪನಿಯ ಮಾಲೀಕತ್ವದ ವೀಡಿಯೊ ಸ್ಟ್ರೀಮಿಂಗ್ ವೇದಿಕೆಯಾಗಿದೆ. ಸಹಜವಾಗಿ, ಈ ಕಂಪನಿಯಿಂದ ಯಾವುದೇ ಅಧಿಕೃತ ಬಹಿರಂಗಪಡಿಸುವಿಕೆ ಇಲ್ಲ. ಈ ಎಲ್ಲ ಕಂಪನಿಗಳು ದಾಖಲೆಗಳನ್ನು ಖರೀದಿಸಿವೆ ಎಂದರೆ ಬಿಡ್ ಮಾಡಬೇಕು ಎಂದಲ್ಲ. ಯಾವುದೇ ಹಂತದಲ್ಲಿ ಹರಾಜಿನಿಂದ ಹಿಂದೆ ಸರಿಯುವ ಹಕ್ಕು ಅವರಿಗೆ ಇದೆ.

Reliance Industries Ltd., Amazon.com Inc., The Walt Disney, Sony Group Corp., Zee Entertainment, ಮತ್ತು Dream 11 IPL ಪ್ರಸಾರ ಹಕ್ಕುಗಳನ್ನು ಪಡೆಯಲು ರೇಸ್ನಲ್ಲಿವೆ.