ಟಿ-20 ಸ್ಪೆಷಲಿಸ್ಟ್ ಎಂದೇ ಗುರುತಿಸಿಕೊಂಡ ಸುರೇಶ್ ರೈನಾ ಸದ್ಯ ಕಳಪೆ ಫಾರ್ಮ್ನಿಂದಾಗಿ ಟೀಂ ಇಂಡಿಯಾದಿಂದ ಹೊರಗುಳಿದಿದ್ದಾರೆ. ರೈನಾ ಫಾರ್ಮ್ ಇದೀಗ ಐಪಿಎಲ್ನಲ್ಲೂ ಸಿಎಸ್ಕೆ ತಂಡಕ್ಕೆ ತಲೆನೋವಾಗಿ ಪರಿಣಮಿಸಿದಂತಿದೆ.
ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಪ್ರಮುಖ ಆಟಗಾರನಾಗಿ ಗುರುತಿಸಿಕೊಂಡ ರೈನಾ ಮೂರನೇ ಕ್ರಮಾಂಕದಲ್ಲಿ ಯಶಸ್ಸು ಕಂಡವರು. ಆದರೆ, ಕಳೆದ ಸೀಸನ್ನಿಂದ ರೈನಾ ಬ್ಯಾಡ್ ಫಾರ್ಮ್ನಲ್ಲಿದ್ದಾರೆ.
2019ರ ಐಪಿಎಲ್ನಲ್ಲಿ ರೈನಾ 17 ಪಂದ್ಯಗಳಲ್ಲಿ ಕಲೆಹಾಕಿದ್ದು ಕೇವಲ 382 ರನ್ ಅಷ್ಟೆ. ಬಳಿಕ ಮೊಣಕಾಲು ಸರ್ಜರಿಯಿಂದ ದೇಶೀಯ ಕ್ರಿಕೆಟ್ನಿಂದಲು ಹೊರ ನಡೆಯಬೇಕಾಯಿತು. ಹೀಗಾಗಿ ಈ ಬಾರಿ ಸಿಎಸ್ಕೆ ತಂಡ ರೈನಾ ಅವರನ್ನು ಕೈಬಿಟ್ಟು ಈ 5 ಆಟಗಾರರಲ್ಲಿ ಒಬ್ಬರಿಗೆ ಮಣೆ ಹಾಕಿದರೂ ಅಚ್ಚರಿಯಿಲ್ಲ.
ಎನ್ ಜಗದೀಶನ್: ಕಳೆದ 5 ವರ್ಷಗಳಿಂದ ಚೆನ್ನೈ ತಂಡದಲ್ಲಿ ಆಡುವ ಬಳಗದಲ್ಲಿ ಕಾಣಿಸಿಕೊಳ್ಳಲು ಹರಸಾಹಸ ಪಡುತ್ತಿರುವ ಆಟಗಾರ ಜಗದೇಶನ್. ಈ ಬಾರಿಯ ತಮಿಳುನಾಡು ಪ್ರೀಮಿಯರ್ ಲೀಗ್ನಲ್ಲಿ(TNPL) ಇವರು ಗರಿಷ್ಠ ರನ್ ಕಲೆಹಾಕಿ ಭರ್ಜರಿ ಫಾರ್ಮ್ನಲ್ಲಿದ್ದಾರೆ. ಹೀಗಾಗಿ ರೈನಾ ಜಾಗದಲ್ಲಿ ಜಗದೀಶನ್ ಆಡುವ ಅಂದಾಜಿದೆ.
ಶಾರುಖ್ ಖಾನ್: ತಮಿಳುನಾಡು ಮೂಲಕ ಸ್ಫೋಟಕ ಆಟಗಾರ ಶಾರುಖ್ ಖಾನ್ TNPL ನಲ್ಲಿ ಉತ್ತಮ ಸ್ಟ್ರೈಕ್ರೇಟ್ ಹೊಂದಿದ್ದಾರೆ. 24 ವರ್ಷ ಪ್ರಾಯದ ಇವರು ವಿಜಯ್ ಹಜಾರೆ ಟ್ರೋಫಿಯಲ್ಲೂ ತಮ್ಮ ರಾಜ್ಯದ ಪರ ಅದ್ಭುತ ಪ್ರದರ್ಶನ ನೀಡಿದ್ದಾರೆ.
ಅಭಿಮನ್ಯು ಈಶ್ವರನ್: ಭಾರತ ಪರ ಟೆಸ್ಟ್ ಕ್ರಿಕೆಟ್ನಲ್ಲಿ ಆಡಿದ್ದ ಅಭಿಮನ್ಯು ಈಶ್ವರನ್ ಟಿ-20 ಆಟಗಾರ ಕೂಡ ಹೌದು. ಈಗಾಗಲೇ ಟಿ-20 ಯಲ್ಲಿ ಶತಕ ಕೂಡ ಸಿಡಿಸಿ 132.15 ಸ್ಟ್ರೈಕ್ರೇಟ್ ಹೊಂದಿದ್ದಾರೆ. ಈ ಅನುಭವಿ ಆಟಗಾರ ಕೂಡ ರೈನಾ ಜಾಗ ತುಂಬಬಲ್ಲರು.
ಮುರಳಿ ವಿಜಯ್: ಚೆನ್ನೈ ತಂಡದಲ್ಲೆ ಒಂದು ಕಾಲದಲ್ಲಿ ಖಾಯಂ ಆರಂಭಿಕ ಆಟಗಾರನಾಗಿದ್ದ ಮುರಳಿ ವಿಜಯ್ಗೆ ಬಳಿಕ ಅವಕಾಶವೇ ಸಿಗಲಿಲ್ಲ. ಕಳೆದ ಸೀಸನ್ನಲ್ಲಿ ಕೆಲ ಪಂದ್ಯಗಳನ್ನ ಆಡಿ ಉತ್ತಮ ಪ್ರದರ್ಶನ ನೀಡಿದ್ದರು. ಆದರೆ, ಸರಿಯಾದ ಕ್ರಮಾಂಕದಲ್ಲಿ ಕಣಕ್ಕಿಳಿಯಲಿಲ್ಲ. ಈ ಬಾರಿ 3ನೇ ಜಾಗಕ್ಕೆ ಇವರೇ ಸೂಕ್ತ ಎಂದು ಹೇಳಬಹುದು.
ಧ್ರುವ್ ಶೋರೆ: ಕಳೆದ ಕೆಲ ವರ್ಷಗಳಿಂದ ಚೆನ್ನೈ ಸೂಪರ್ ಕಿಂಗ್ಸ್ ತಂಡದಲ್ಲಿ ಧ್ರುವ್ ಶೋರೆ ಹೆಸರು ಕೇಳಿ ಬರುತ್ತಲೇ ಇದೆ. 2018 ರಲ್ಲಿ ಎರಡು ಹಾಗೂ ಕಳೆದ ಸೀನನ್ನಲ್ಲಿ ಒಂದು ಪಂದ್ಯದಲ್ಲಿ ಮಾತ್ರ ಇವರಿಗೆ ಅವಕಾಶ ಸಿಕ್ಕಿತ್ತು. ದೇಶೀಯ ಕ್ರಿಕೆಟ್ನಲ್ಲಿ ಆಡಿದ ಅನುಭವ ಇರುವ ಶೋರೆಗೆ ಅವಕಾಶ ನೀಡಿದರೆ ರೈನಾ ಜಾಗ ತುಂಮಬುವುದರಲ್ಲಿ ಎರಡು ಮಾತಿಲ್ಲ.
