IPL 2022: ಕಡಿಮೆ ಹಣಕ್ಕೆ ಸಖತ್ ಆಟ! ಪ್ರಸಿದ್ಧ ದುಬಾರಿ ಆಟಗಾರರಿಗಿಂತ ಇವರೇ ಬೆಸ್ಟ್!
ಕಡಿಮೆ ಹಣ ನೀಡಿ ಖರೀದಿಸಿದ ಈ ಆಟಗಾರರು ಈ ಬಾರಿಯ ಐಪಿಎಲ್ನಲ್ಲಿ ಪ್ರಾಬಲ್ಯ ಮೆರೆದಿದ್ದಾರೆ. ಮತ್ತೊಂದೆಡೆ ತಂಡಗಳು ಹೆಚ್ಚು ಹಣ ನೀಡಿ ಖರೀದಿಸಿದ್ದ ಆಟಗಾರರು ತಂಡಕ್ಕೆ ತಲೆನೋವಾಗಿ ಪರಿಣಮಿಸುತ್ತಿದ್ದಾರೆ.
IPL (IPL 2022) 15 ನೇ ಸೀಸನ್ ಅನುಭವಿ ಆಟಗಾರರಿಗಿಂತ ಯುವ ಆಟಗಾರರ ಪ್ರದರ್ಶನ ವೀಕ್ಷಕರನ್ನು ಮನರಂಜಿಸುತ್ತಿದೆ. ಲಕ್ನೋದ ಆಯುಷ್ ಬದೋನಿಯಿಂದ ಹಿಡಿದು ಪಂಜಾಬ್ನ ಜಿತೇಶ್ ಶರ್ಮಾವರೆಗೆ ಹೊಸ ಆಟಗಾರರು ಸಖತ್ ಆಟ ಆಡುತ್ತಿದ್ದಾರೆ. ಕಡಿಮೆ ಹಣ ನೀಡಿ ಖರೀದಿಸಿದ ಈ ಆಟಗಾರರು ಈ ಬಾರಿಯ ಐಪಿಎಲ್ನಲ್ಲಿ ಪ್ರಾಬಲ್ಯ ಮೆರೆದಿದ್ದಾರೆ. ಮತ್ತೊಂದೆಡೆ ತಂಡಗಳು ಹೆಚ್ಚು ಹಣ ನೀಡಿ ಖರೀದಿಸಿದ್ದ ಆಟಗಾರರು ತಂಡಕ್ಕೆ ತಲೆನೋವಾಗಿ ಪರಿಣಮಿಸುತ್ತಿದ್ದಾರೆ.
ಇದೀಗ ಆಯುಷ್ ಬಡೋನಿ ಹೆಸರಿನ ಬಗ್ಗೆ ಕ್ರಿಕೆಟ್ ವಲಯದಲ್ಲಿ ಸಾಕಷ್ಟು ಚರ್ಚೆ ನಡೆಯುತ್ತಿದೆ. ತಂಡವು ಆಯುಷ್ ಬದೋನಿಯನ್ನು ಲಕ್ನೋ ಸೂಪರ್ ಜೈಂಟ್ಸ್ನಿಂದ 20 ಲಕ್ಷ ರೂ.ಗೆ ಖರೀದಿಸಿತು. ಎರಡೂ ಪಂದ್ಯಗಳಲ್ಲಿ ಲಕ್ನೋ ಪರ ಆಯುಷ್ ಅದ್ಭುತವಾಗಿ ಆಡಿದ್ದರು. ಲಕ್ನೋ ಪರ ಮೊದಲ ಪಂದ್ಯದಲ್ಲಿ ಆಯುಷ್ 54 ಹಾಗೂ ಚೆನ್ನೈ ವಿರುದ್ಧ 19 ರನ್ ಗಳಿಸಿ ತಂಡವನ್ನು ಗೆಲುವಿನತ್ತ ಮುನ್ನಡೆಸಿದರು. ಈ ಲೀಗ್ನಲ್ಲಿ ಅವರು ಇಲ್ಲಿಯವರೆಗೆ 74 ರನ್ ಗಳಿಸಿದ್ದಾರೆ.
ಸನ್ ರೈಸರ್ಸ್ ಹೈದರಾಬಾದ್ ತಂಡ ಉಮ್ರಾನ್ ಮಲಿಕ್ ಅವರನ್ನು 4 ಕೋಟಿ ರೂ.ಗೆ ಉಳಿಸಿಕೊಂಡಿದೆ. ಇಮ್ರಾನ್ ಮಲಿಕ್ ಲೀಗ್ನಲ್ಲಿ ಇದುವರೆಗೆ ಕೇವಲ ಒಂದು ಪಂದ್ಯವನ್ನಾಡಿದ್ದು 39 ರನ್ ನೀಡಿ 2 ವಿಕೆಟ್ ಪಡೆದಿದ್ದಾರೆ. ಈ ಋತುವಿನಲ್ಲಿ ಉಮ್ರಾನ್ ಮಲಿಕ್ ಮೇಲೆ ಎಲ್ಲರ ಕಣ್ಣು ನೆಟ್ಟಿದೆ. ಅವರ ಅತ್ಯುತ್ತಮ ಆಟ ಮತ್ತು ವೇಗದ ಬಗ್ಗೆ ಕ್ರಿಕೆಟ್ ವಲಯದಲ್ಲಿ ಚರ್ಚೆಗಳು ನಡೆಯುತ್ತಲೇ ಇವೆ.
ಚೆನ್ನೈ ವಿರುದ್ಧ ಚೊಚ್ಚಲ ಪಂದ್ಯವನ್ನಾಡಿದ ಜಿತೇಶ್ ಶರ್ಮಾ ಅವರನ್ನು ಪಂಜಾಬ್ ಕಿಂಗ್ಸ್ ಕೇವಲ 20 ಲಕ್ಷಕ್ಕೆ ಖರೀದಿಸಿತ್ತು. ಜಿತೇಶ್ ಶರ್ಮಾ ಅವರು ಚೆನ್ನೈ ವಿರುದ್ಧ 3 ಸಿಕ್ಸರ್ಗಳೊಂದಿಗೆ ತಮ್ಮ ಲೀಗ್ ವೃತ್ತಿಜೀವನವನ್ನು ಪ್ರಾರಂಭಿಸಿದರು. 28 ವರ್ಷದ ಜಿತೇಶ್ ಶರ್ಮಾ ಅವರು ವಿದರ್ಭ ಪರ ದೇಶೀಯ ಕ್ರಿಕೆಟ್ ಆಡುತ್ತಿದ್ದಾರೆ. ಚೆನ್ನೈ ವಿರುದ್ಧದ ಅವರ ಅಮೋಘ ಪ್ರದರ್ಶನವು ಮುಂಬರುವ ಪಂದ್ಯಗಳಿಗೆ ಖಂಡಿತವಾಗಿಯೂ ಅವರಿಗೆ ಆತ್ಮವಿಶ್ವಾಸವನ್ನು ನೀಡುತ್ತದೆ.
ಮೆಗಾ ಹರಾಜಿನಲ್ಲಿ 2 ಕೋಟಿ ರೂ.ಗೆ ಮಾರಾಟವಾದ ವೈಭವ್ ಅರೋರಾ, ಜಿತೇಶ್ ಶರ್ಮಾ ಅವರೊಂದಿಗೆ ಚೆನ್ನೈ ವಿರುದ್ಧವೂ ಪದಾರ್ಪಣೆ ಮಾಡಿದರು. ವೈಭವ್ ಅರೋರಾ ಚೆನ್ನೈ ವಿರುದ್ಧ 4 ಓವರ್ ಗಳಲ್ಲಿ 21 ರನ್ ನೀಡಿ 2 ವಿಕೆಟ್ ಪಡೆದರು. ಅವರು ರಾಬಿನ್ ಉತ್ತಪ್ಪ ಮತ್ತು ಮೊಯಿನ್ ಅಲಿ ಅವರ ವಿಕೆಟ್ಗಳನ್ನು ಕಬಳಿಸುವ ಮೂಲಕ ಪಂಜಾಬ್ ತಂಡವನ್ನು ಚೆನ್ನೈ ವಿರುದ್ಧ ಬಲಿಷ್ಠ ಸ್ಥಿತಿಗೆ ತಂದರು. ಪಂದ್ಯವನ್ನು ಪಂಜಾಬ್ 54 ರನ್ಗಳಿಂದ ಗೆದ್ದುಕೊಂಡಿತು.
