IPL​ ಕಾಮೆಂಟೇಟರ್​ಗಳ​ ಮೇಲೆ ಹಣದ ಸುರಿಮಳೆ! ಯಾರಿಗೆ ಎಷ್ಟು ಪೇಮೆಂಟ್?

IPL 2022 ರ ಸೀಸನ್ ಮಾರ್ಚ್ 26 ರಿಂದ ಪ್ರಾರಂಭವಾಗಲಿದೆ. IPL ಪಂದ್ಯಗಳಿಗಾಗಿ ಸ್ಟಾರ್ ನೆಟ್ವರ್ಕ್ ಕಮೆಂಟರಿ ವಿಭಾಗಕ್ಕಾಗಿ 80 ಜನರ ತಂಡವನ್ನು ರಚಿಸಿದೆ.

IPL 2022 ರ ಆವೃತ್ತಿಯು ಮಾರ್ಚ್ 26 ರಿಂದ ಪ್ರಾರಂಭವಾಗಲಿದೆ. ಈ ವರ್ಷದ IPL ನ ಮೊದಲ ಪಂದ್ಯವು ಹಾಲಿ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್ (CSK vs KKR) ನಡುವೆ ನಡೆಯಲಿದೆ. ಐಪಿಎಲ್ 2022 ಗಾಗಿ ಒಟ್ಟು 80 ಕಾಮೆಂಟೇಟರ್ಗಳ ತಂಡವನ್ನು ರೂಪಿಸಲಾಗಿದೆ. ಎರಡು ತಿಂಗಳ ಅವಧಿಯ ಸರಣಿಯಲ್ಲಿ ವಿವಿಧ ಭಾಷೆಗಳಲ್ಲಿ ಕಾಮೆಂಟರಿ ನೀಡಲಾಗುತ್ತದೆ.

ಐಪಿಎಲ್ 2022 ರ ಕಾಮೆಂಟೇಟರ್ ತಂಡದಲ್ಲಿ ಹಲವು ಅನುಭವಿಗಳಿದ್ದಾರೆ. ಇವರಲ್ಲಿ ಹರ್ಷ ಭೋಗ್ಲೆ, ಸುನಿಲ್ ಗವಾಸ್ಕರ್, ರವಿಶಾಸ್ತ್ರಿ, ಸುರೇಶ್ ರೈನಾ, ಆಕಾಶ್ ಚೋಪ್ರಾ ಮತ್ತು ಇರ್ಫಾನ್ ಪಠಾಣ್ ಮುಂತಾದ ಖ್ಯಾತನಾಮರೂ ಸೇರಿದ್ದಾರೆ.

ಐಪಿಎಲ್ ಪಂದ್ಯಗಳಿಗಾಗಿ ಸ್ಟಾರ್ ನೆಟ್ವರ್ಕ್ ರಚಿಸಿದ 80 ಜನರ ತಂಡ ಕಾಮೆಂಟರಿ ಮಾಡಲಿದೆ. ಎಂಟು ವಿಭಿನ್ನ ಭಾಷೆಗಳಲ್ಲಿ ಸುಮಾರು ಎರಡು ಡಜನ್ ಸ್ಟಾರ್ ನೆಟ್ವರ್ಕ್ ಚಾನೆಲ್ಗಳಲ್ಲಿ ವ್ಯಾಖ್ಯಾನ ಭಿತ್ತರವಾಗಲಿದೆ. ಪಂದ್ಯವನ್ನು ಡಿಸ್ನಿ-ಹಾಟ್​ ಸ್ಟಾರ್​ನಲ್ಲಿ ಲೈವ್-ಸ್ಟ್ರೀಮ್ ಮಾಡಲಾಗುತ್ತದೆ.

sportingfree.com ನೀಡಿರುವ ಮಾಹಿತಿ ಪ್ರಕಾರ ಐಪಿಎಲ್ ಕಾಮೆಂಟರಿ ಮಾಡುವವರಿಗೆ ಗೌರವಧನವಾಗಿ ಕೋಟ್ಯಂತರ ರೂ. ಹಣ ನೀಡಲಾಗುತ್ತದೆ. ಇಂಗ್ಲಿಷ್ ಕಾಮೆಂಟರಿ ತಂಡವು ಅತ್ಯಧಿಕ ಗೌರವಧನವನ್ನು ಪಡೆಯುತ್ತದೆ ಎನ್ನಲಾಗಿದೆ. ಏಕೆಂದರೆ ಇಂಗ್ಲಿಷ್ ಕಾಮೆಂಟರಿಯನ್ನು ಪ್ರಪಂಚದಾದ್ಯಂತ ಭಿತ್ತರಿಸಲಾಗುತ್ತದೆ. ಸುಮಾರು 1.9 ರಿಂದ 4 ಕೋಟಿ ರೂ.ವರೆಗೂ ಇವರಿಗೆ ಪಾವತಿಸಲಾಗುತ್ತದೆ.

ಮತ್ತೊಂದೆಡೆ ಹಿಂದಿ ಕಾಮೆಂಟೇಟರ್ಗಳಿಗೆ 70 ಲಕ್ಷದಿಂದ 3 ಕೋಟಿ ರೂಪಾಯಿಗಳನ್ನು ನೀಡಲಾಗುತ್ತದೆ. ಅದರಲ್ಲಿ ಆಕಾಶ್ ಚೋಪ್ರಾ ಅವರ ಅತಿ ಹೆಚ್ಚು ಎನ್ನಲಾಗಿದೆ.

ಆಕಾಶ್ ಚೋಪ್ರಾ ಅಲ್ಲದೆ, ಇರ್ಫಾನ್ ಪಠಾಣ್ ಮತ್ತು ಗೌತಮ್ ಗಂಭೀರ್ ಕೂಡ ಹಿಂದಿ ಕಾಮೆಂಟರಿಯಿಂದ ಎರಡು ಲಕ್ಷ ಡಾಲರ್ ಗಳಿಸುತ್ತಾರೆ ಎಂದು ವರದಿ ಹೇಳಿದೆ.

ಸುರೇಶ್ ರೈನಾ ಮತ್ತು ರವಿಶಾಸ್ತ್ರಿ ಕೂಡ ಈ ವರ್ಷದ ಐಪಿಎಲ್ನಲ್ಲಿ ಹಿಂದಿ ಕಾಮೆಂಟರಿ ತಂಡದ ಭಾಗವಾಗಿದ್ದಾರೆ. ಈ ಇಬ್ಬರೂ ಅನುಭವಿಗಳಿಗೆ ಕೈತುಂಬಾ ಹಣ ಸಿಗುವುದು ನಿಶ್ಚಿತ.

ಸುರೇಶ್ ರೈನಾ ಈ ವರ್ಷ ಯಾವುದೇ ಐಪಿಎಲ್ ತಂಡದ ಭಾಗವಾಗಿಲ್ಲ, ಅವರು ಕಾಮೆಂಟರಿ ಕ್ಷೇತ್ರಕ್ಕೆ ಪಾದಾರ್ಪಣೆ ಮಾಡಲಿದ್ದಾರೆ, ಆದರೆ ರವಿಶಾಸ್ತ್ರಿ 6 ವರ್ಷಗಳ ನಂತರ ಕಾಮೆಂಟರಿ ಬಾಕ್ಸ್‌ಗೆ ಮರಳುತ್ತಿದ್ದಾರೆ.