IPL 2021: ಐಪಿಎಲ್​ ಟಾಪ್-5 ರನ್​ ಸರದಾರರು ಯಾರು ಗೊತ್ತಾ?

ಇಂಡಿಯನ್ ಪ್ರೀಮಿಯರ್ ಲೀಗ್​ನಲ್ಲಿ ಕೆಲ ಆಟಗಾರರಿದ್ದಾರೆ. ಈ ಪ್ಲೇಯರ್ಸ್ ಪ್ರತಿ ಸೀಸನ್​ನಲ್ಲೂ ಅವರು ಸ್ಥಿರ ಪ್ರದರ್ಶನ ನೀಡುವ ಮೂಲಕ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದಾರೆ.

ತಮ್ಮ ಸ್ಪೋಟಕ ಬ್ಯಾಟಿಂಗ್ ಮೂಲಕ ಎದುರಾಳಿ ಬೌಲರ್​ಗಳಿಗೆ ನಡುಕ ಹುಟ್ಟಿಸಿ ಐಪಿಎಲ್​ನಲ್ಲಿ ಅತ್ಯಧಿಕ ರನ್ ಬಾರಿಸಿದ ಆಟಗಾರರಾಗಿ ಗುರುತಿಸಿಕೊಂಡಿದ್ದಾರೆ. ಹೀಗೆ ಕಳೆದ 13 ಸೀಸನ್​ಗಳಲ್ಲೂ ರನ್ ಮಳೆ ಸುರಿಸಿದ ಟಾಪ್ 5 ಬ್ಯಾಟ್ಸ್​​ಮನ್​ಗಳ ಪಟ್ಟಿ ಇಲ್ಲಿದೆ.

5- ಶಿಖರ್ ಧವನ್:

ಐಪಿಎಲ್​ನಲ್ಲಿ ಶಿಖರ್ ಧವನ್ ಇದುವರೆಗೂ 176 ಪಂದ್ಯಗಳನ್ನು ಆಡಿದ್ದಾರೆ. ಸಾಕಷ್ಟು ರನ್ ಪೇರಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರೂ ಗಬ್ಬರ್ ಸಿಂಗ್ ಬ್ಯಾಟ್​ನಿಂದ ಶತಕ ಮಾತ್ರ ಮೂಡಿಬಂದಿಲ್ಲ. ಆದರೂ 41 ಅರ್ಧಶತಕದೊಂದಿಗೆ 5197 ರನ್ ಪೇರಿಸಿ ಟಾಪ್ 5 ರನ್​ ಸರದಾರರ ಪಟ್ಟಿಯಲ್ಲಿ ಕಾಣಿಸಿಕೊಂಡಿದ್ದಾರೆ.

4- ರೋಹಿತ್ ಶರ್ಮಾ

200 ಪಂದ್ಯಗಳನ್ನಾಡಿರುವ ರೋಹಿತ್ ಶರ್ಮಾ ಐಪಿಎಲ್​ನಲ್ಲಿ ಒಂದು ಶತಕ ಹಾಗೂ  39 ಅರ್ಧಶತಕ ಬಾರಿಸಿದ್ದಾರೆ. ಇದರೊಂದಿಗೆ ಹಿಟ್​ಮ್ಯಾನ್ ಬ್ಯಾಟ್​​ನಿಂದ ಒಟ್ಟಾರೆ ಮೂಡಿಬಂದಿರುವುದು  5230 ರನ್​ಗಳು.

3- ಡೇವಿಡ್ ವಾರ್ನರ್:

ಆಸ್ಟ್ರೇಲಿಯಾ ಕ್ರಿಕೆಟಿಗ ಡೇವಿಡ್ ವಾರ್ನರ್ ಐಪಿಎಲ್​ನಲ್ಲಿ ಇದುವರೆಗೂ  142 ಪಂದ್ಯಗಳನ್ನಾಡಿದ್ದಾರೆ. ಇದರಲ್ಲಿ 4 ಶತಕ ಮತ್ತು 48 ಅರ್ಧಶತಕಗಳೊಂದಿಗೆ  5254 ರನ್​ ಕಲೆಹಾಕಿದ್ದಾರೆ. ಈ ಮೂಲಕ ರನ್​ ಸರದಾರರ ಪಟ್ಟಿಯಲ್ಲಿ 3ನೇ ಸ್ಥಾನವನ್ನು ಪಡೆದುಕೊಂಡಿದ್ದಾರೆ.

2- ಸುರೇಶ್ ರೈನಾ:

ಐಪಿಎಲ್​ನಲ್ಲಿ  1 ಶತಕ ಮತ್ತು 38 ಅರ್ಧಶತಕ ಬಾರಿಸಿರುವ ಸುರೇಶ್ ​ ರೈನಾ  193 ಪಂದ್ಯಗಳಿಂದ ಪೇರಿಸಿರುವುದು ಬರೋಬ್ಬರಿ  5368 ರನ್​ಗಳು. ಈ ಮೂಲಕ ಐಪಿಎಲ್​ ರನ್​ ಸರದಾರರ ಪಟ್ಟಿಯಲ್ಲಿ  2ನೇ ಸ್ಥಾನ ಅಲಂಕರಿಸಿದ್ದಾರೆ.

1- ವಿರಾಟ್ ಕೊಹ್ಲಿ:

ಐಪಿಎಲ್​ನಲ್ಲಿ  192 ಪಂದ್ಯಗಳನ್ನಾಡಿರುವ ರನ್ ಮಿಷನ್, ಇಲ್ಲೂ ಕೂಡ ಅತೀ ಹೆಚ್ಚು ರನ್​ ಬಾರಿಸಿ ತಮ್ಮ ಬ್ಯಾಟಿಂಗ್ ಚಾಕಚಕ್ಯತೆ ಮೆರೆದಿದ್ದಾರೆ. 5 ಶತಕ ಮತ್ತು 39 ಅರ್ಧಶತಕಗಳೊಂದಿಗೆ ಕೊಹ್ಲಿ ಗಳಿಸಿರುವುದು ಒಟ್ಟು  5878 ರನ್​ಗಳು. ಹಾಗೆಯೇ ರನ್ ಸರದಾರರ ಪಟ್ಟಿಯಲ್ಲಿ ನಂಬರ್ 1 ಸ್ಥಾನದಲ್ಲಿದ್ದಾರೆ ಕೊಹ್ಲಿ.