IPL 2021 ರಲ್ಲಿ ಈ ಸ್ಟಾರ್ ಆಟಗಾರ ಕಣಕ್ಕಿಳಿಯುವುದು ಖಚಿತ: ಈಗಿನಿಂದಲೇ ಅಭ್ಯಾಸ ಶುರು

14ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಆಯೋಜನೆಗೆ ಬಿಸಿಸಿಐ ಈಗಾಗಲೇ ಭರ್ಜರಿ ಸಿದ್ದತೆ ಮಾಡಿಕೊಳ್ಳುತ್ತಿದೆ. ಜೊತೆಗೆ ಈ ಬಾರಿಯ ಐಪಿಎಲ್​ನಲ್ಲಿ ಕಣಕ್ಕಿಳಿಯದ ಸ್ಟಾರ್ ಆಟಗಾರ ಕೂಡ ಅಭ್ಯಾಸ ಶುರುಮಾಡಿಕೊಂಡಿದ್ದು ಐಪಿಎಲ್ 2021 ರಲ್ಲಿ ಆಡುವುದು ಖಚಿತ ಪಡಿಸಿದ್ದಾರೆ.

ಹೌದು, ಮಿಸ್ಟರ್ ಐಪಿಎಲ್ ಎಂದೇ ಕರೆಸಿಕೊಳ್ಳುವ ಸ್ಟಾರ್ ಬ್ಯಾಟ್ಸ್​ಮನ್​ ಸುರೇಶ್ ರೈನಾ ಈ ಬಾರಿಯ ಐಪಿಎಲ್​ನಿಂದ ವೈಯಕ್ತಿಕ ಕಾರಣ ಹೇಳಿ ಹಿಂದೆ ಸರಿದಿದ್ದರು. ಆದರೆ, ರೈನಾ ಸೂಪರ್ ಕಿಂಗ್ಸ್ ತಂಡದ ಟೀಂ ಮ್ಯಾನೇಜ್ಮೆಂಟ್ ಜೊತೆ ಹೋಟೆಲ್ ರೂಮ್ ವಿಚಾರವಾಗಿ ಗಲಾಟೆ ನಡೆದಿದೆ. ಧೋನಿ ಮತ್ತು ರೈನಾ ನಡುವೆ ವೈಮನಸ್ಸು ಮೂಡಿದೆ. ಹೀಗೆ ಹಲವಾರು ಊಹಾಪೋಹಗಳು ತಲೆಯೆತ್ತಿದ್ದವು.

ಬಳಿಕ ಈ ವಿಚಾರ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುವ ಹೊತ್ತಿಗೆ ಸ್ವತಃ ಸುರೇಶ್ ರೈನಾ ಅವರೇ, ಇದು ಸಂಪೂರ್ಣ ನನ್ನ ವೈಯಕ್ತಿಕ ನಿರ್ಧಾರ. ನನ್ನ ಕುಟುಂಬದ ಜೊತೆಗಿರುವ ಅವಶ್ಯಕತೆಯಿತ್ತು ಎಂದು ಹೇಳಿದ್ದರು.

ಇದರ ಬೆನ್ನಲ್ಲೇ ರೈನಾ ಅವರನ್ನು ಸಿಎಸ್​ಕೆ ತನ್ನ ವಾಟ್ಸ್ಆಪ್ ಗ್ರೂಪಿನಿಂದ ರಿಮೂವ್ ಮಾಡಿದೆ ಎಂದು ಸುದ್ದಿ ಕೂಡ ವೈರಲ್ ಆಗಿತ್ತು. ಅಲ್ಲದೆ ರೈನಾ ಐಪಿಎಲ್ಗೂ ಗುಡ್ ಬೈ ಹೇಳಿದರು ಎನ್ನಲಾಗಿತ್ತು. ಹೀಗಾಗಿ ಮುಂದಿನ ಸೀಸನ್​ನಲ್ಲಿ ರೈನಾ ಆಡುತ್ತಾರೋ ಇಲ್ಲವೋ ಎಂಬ ಬಗ್ಗೆ ಅಭಿಮಾನಿಗಳಲ್ಲಿ ಗೊಂದಲ ಮೂಡಿತ್ತು.

ಸದ್ಯ ಈ ಎಲ್ಲ ಊಹಾಪೋಗಳಿಗೆ ಸ್ವತಃ ರೈನಾ ತೆರೆಯೆಳೆದು ಉತ್ತರ ಪ್ರದೇಶ ಕ್ರಿಕೆಟ್ ತಂಡದ ಜೊತೆ ಮುಂದಿನ ಆವೃತ್ತಿಯ ಐಪಿಎಲ್​ಗೆ ಅಭ್ಯಾಸ ಪ್ರಾರಂಭಿಸಿದ್ದಾರೆ. ಅಲ್ಲದೆ ಮುಂಬವರು ಸೈಯದ್ ಮುಸ್ತಾಕ್ ಅಲಿ ಟಿ-20 ಟೂರ್ಮಿಯಲ್ಲಿ ರೈನಾ ಕಣಕ್ಕಿಳಿಯುವ ಅಂದಾಜಿದೆ.

ಸುರೇಶ್ ರೈನಾ ತನ್ನ ಟ್ವಿಟ್ಟರ್ ಖಾತೆಯಲ್ಲಿ ಅಭ್ಯಾಸ ನಡೆಸುತ್ತಿರುವ ಫೋಟೋವನ್ನು ಹಂಚಿಕೊಂಡಿದ್ದಾರೆ.

ಸುರೇಶ್ ರೈನಾ ಹಂಚಿಕೊಂಡ ಫೋಟೊ.

ಸುರೇಶ್ ರೈನಾ ಹಂಚಿಕೊಂಡ ಫೋಟೊ.

ಐಪಿಎಲ್ 2021 ರಲ್ಲಿ ರೈನಾ ಆಡುವುದು ಖಚಿತವಾಗಿದೆ ಆದರೂ ಯಾವ ತಂಡದ ಪರ ಎಂಬುದು ಇನ್ನೂ ನಿಗೂಡವಾಗಿದೆ. ಚೆನ್ನೈ ಫ್ರಾಂಚೈಸಿ ರೈನಾರನ್ನ ತನ್ನಲ್ಲಿಯೇ ಉಳಿಸಿಕೊಂಡರೆ ಧೋನಿ ತಂಡದಲ್ಲೇ ಮುಂದುವರೆಯಲಿದ್ದಾರೆ. ಇಲ್ಲವಾದಲ್ಲಿ ರೈನಾ ಹರಾಜಿನಲ್ಲಿ ಪಾಳ್ಗೊಳ್ಳಬೇಕಿದೆ.

ಸುರೇಶ್ ರೈನಾ 13ನೇ ಆವೃತ್ತಿಯ ಐಪಿಎಲ್ ಆಡಲೆಂದು ಯುಎಇಗೂ ತೆರಳಿದ್ದರು. ಆದರೆ, ಸಿಎಸ್​ಕೆ ಫ್ರಾಂಚೈಸಿಯಲ್ಲಿ 13 ಆಟಗಾರರಿಗೆ ಕೊರೋನಾ ಪಾಸಿಟಿಬ್ ಬಂದ ಬೆನ್ನಲ್ಲೇ ತವರಿಗೆ ಹಿಂತಿರುಗಿದ್ದರು.

ಇನ್ನೂ ಈ ಬಾರಿಯ ಐಪಿಎಲ್​ನಲ್ಲಿ ಸಿಎಸ್​ಕೆ ಪ್ರದರ್ಶನ ಕೂಡ ಅತ್ಯಂತ ಕಳಪೆಯಾಗಿತ್ತು. ಮೊದಲ ತಂಡವಾಗಿ ಟೂರ್ನಿಯಿಂದ ಹೊರಬಿದ್ದಿತ್ತು.