IPL 2021 Auction: ಈ ನಾಲ್ಕು ಆಟಗಾರರನ್ನು ತಂಡದಿಂದ ಕೈ ಬಿಡಲು ಮುಂದಾದ ಆರ್​ಸಿಬಿ?

ವಿರಾಟ್ ಕೊಹ್ಲಿ ನೇತೃತ್ವದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಐಪಿಎಲ್ 2020 ರಲ್ಲಿ ಅಂದುಕೊಂಡಂತೆ ಆರಂಭದಲ್ಲಿ ಉತ್ತಮ ಆಟ ಪ್ರದರ್ಶಿಸಿತು. ಆದರೆ, ನಂತರದಲ್ಲಿ ಬರಬರುತ್ತಾ ತನ್ನ ಹಳೇಯ ಚಾಳಿಯನ್ನೇ ಮುಂದುವರೆಸಿತು.

ಇದರ ಪರಿಣಾಮ ಕೂದಳೆಯಲ್ಲಿ ಪ್ಲೇ ಆಫ್​ಗೆ ಪ್ರವೇಶ ಪಡೆಯಿತಾದರೂ ಎಲಿಮಿನೇಟರ್ ಪಂದ್ಯದಲ್ಲಿ ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ ಹೀನಾಯ ಸೋಲುಕಂಡು ಟೂರ್ನಿಯಿಂದ ಹೊರಬಿದ್ದಿತು.

ಆರ್​ಸಿಬಿ ತಂಡದಲ್ಲಿ ಈ ಬಾರಿ ವಿಶೇಷವಾಗಿದ್ದು ಎಂದರೆ ಕರ್ನಾಟಕದ ಯುವ ಪ್ರತಿಭೆ ದೇವದತ್ ಪಡಿಕ್ಕಲ್ ಭರ್ಜರಿ ಆಟ. ಬಿಟ್ಟರೆ ಹಿಂದಿನ ಸೀಸನ್​ನಂತೆ ಆರ್​ಸಿಬಿ ಕಳಪೆ ಬ್ಯಾಟಿಂಗ್, ದುಬಾರಿ ಬೌಲಿಂಗ್ ಮುಂದುವರೆಯಿತು.

ಆ್ಯರೋನ್ ಫಿಂಚ್, ಜೋಶ್ ಫಿಲಿಪ್, ಕ್ರಿಸ್ ಮೊರೀಸ್, ಇಸುರು ಉದಾನ ಅವರನ್ನು ಹರಾಜಿನಲ್ಲಿ ಕೊಂಡುಕೊಂಡರು ಪರಿಣಾಮಕಾರಿ ಪ್ರಯೋಜನ ಆರ್​ಸಿಬಿ ತಂಡಕ್ಕೆ ಆಗಲಿಲ್ಲ. ಹೀಗಾಗಿ ಮುಂದಿನ ಸೀಸನ್​ಗೆ ಕೆಲವು ಆಟಗಾರರನ್ನು ಕೈಬಿಡಲು ಫ್ರಾಂಚೈಸಿ ನಿರ್ಧಾರ ಮಾಡಿದೆ.

ಆರ್​ಸಿಬಿ ಬಿಡುಗಡೆ ಮಾಡಲಿರುವ ಪೈಕಿ ಸದ್ಯ ಮೂರು ಆಟಗಾರರ ಹೆಸರು ಕೇಳಿಬರುತ್ತಿದೆ.

ಜೋಶ್ ಫಿಲಿಪ್: ಬಿಗ್​ಬ್ಯಾಶ್​ ಲೀಗ್​ನಲ್ಲಿ ಅಬ್ಬರಿಸಿದ್ದ ಜೋಶ್ ಫಿಲಿಪ್ ಐಪಿಎಲ್​ನಲ್ಲಿ ಮಂಕಾಗಿ ಹೋದರು. ಮಧ್ಯಮ ಕ್ರಮಾಂಕ ಮತ್ತು ಓಪನರ್ ಆಗಿ ಕಣಕ್ಕಿಳಿದ ಇವರು ನಿಧಾನಗತಿಯಲ್ಲಿ ಬ್ಯಾಟ್ ಬೀಸಿ ಹೊಡಿಬಡಿ ಆಟಕ್ಕೆ ಸೂಕ್ತ ಕೊಡುಗೆ ನೀಡಲಿಲ್ಲ. ಇವರು ಗಳಿಸಿದ್ದು ಕೇವಲ 78 ರನ್​ಗಳನ್ನಷ್ಟೆ. ಹೀಗಾಗಿ ಮುಂದಿನ ಸೀಸನ್​ನಲ್ಲಿ ಇವರ ಆರ್​ಸಿಬಿ ತಂಡದಲ್ಲಿ ಇರುವುದು ಅನುಮಾನ.

ಡೇಲ್ ಸ್ಟೈನ್: ಗನ್ ಬೌಲರ್ ಡೇಲ್ ಸ್ಟೈನ್ ಈ ಬಾರಿ ಸದ್ದು ಮಾಡಲಿಲ್ಲ. ಆಡಿದ ಪಂದ್ಯಗಳಲ್ಲಿ ದುಬಾರಿ ಎನಿಸಿಕೊಂಡರು. ಹೀಗಾಗಿ ನಂತರದ ಪಂದ್ಯಗಳಲ್ಲಿ ಇವರಿಗೆ ಅವಕಾಶವೇ ಸಿಗಲಿಲ್ಲ. 3 ಪಂದ್ಯಗಳಲ್ಲಿ ಇವರು ಪಡೆದಿದ್ದು ಕೇವಲ 1 ವಿಕೆಟ್.

ಉಮೇಶ್ ಯಾದವ್: ಆರ್​ಸಿಬಿ ತಂಡದ ದುಬಾರಿ ಬೌಲರ್ ಎಂದರೆ ಅದು ಉಮೇಶ್ ಯಾದವ್. ಆಡಿದ ಮೊದಲ ಪಂದ್ಯದಲ್ಲಿ 48 ಹಾಗೂ ಎರಡನೇ ಪಂದ್ಯದಲ್ಲಿ 35 ರನ್ ನೀಡಿದ್ದು ಅಷ್ಟೆ. ಮತ್ತೆ ಪ್ಲೇಯಿಂಗ್ 11ರಲ್ಲಿ ಕಾಣಿಸಲೇ ಇಲ್ಲ. ಭಾರತ ಟೆಸ್ಟ್ ತಂಡದಲ್ಲಿ ಕ್ಲಿಕ್ ಆಗಿರುವ ಯಾದವ್ ಐಪಿಎಲ್​ನಲ್ಲಿ ಸಂಪೂರ್ಣ ವೈಫಲ್ಯ ಅನುಭವಿಸಿದ್ದಾರೆ. ಹೀಗಾಗಿ ಇವರು ಕೂಡ ಮುಂದಿನ ಸೀಸನ್​ಗೆ ಅನುಮಾನ.

ಉಸುರು ಉದಾನ: ಶ್ರೀಲಂಕಾ ತಂಡದ ಆಲ್ರೌಂಡರ್ ಉದಾನ ಬ್ಯಾಟಿಂಗ್ – ಬೌಲಿಂಗ್ ಎರಡರಲ್ಲೂ ಕಳಪೆ ಪ್ರದರ್ಶನ ನೀಡಿದರು. ಒಂದು ವಿಭಾಗದಲ್ಲೂ ಆರ್​ಸಿಬಿಗೆ ಕೊಡುಗೆ ನೀಡಲಿಲ್ಲ. ಹೀಗಾಗಿ ಈ ವಿದೇಶಿ ಆಟಗಾರನನ್ನು ಹೊಸ ಮುಖಗಳತ್ತ ಆರ್​ಸಿಬಿ ಕಣ್ಣು ಹಾಯಿಸುವುದು ಖಚಿತ.

ಐಪಿಎಲ್​ನ ಒಟ್ಟು 13 ಆವೃತ್ತಿಯಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 7 ಬಾರಿ ಲೀಗ್ ಹಂತದಲ್ಲೇ ಮುಗ್ಗರಿಸಿದೆ. ಒಟ್ಟು 3 ಬಾರಿ ರನ್ನರ್ ಅಪ್ ಹಾಗೂ 3 ಬಾರಿ ಪ್ಲೇ ಆಫ್​ಗೆ ಪ್ರವೇಶ ಪಡೆದಿದೆ.