IPL 2020: ಸ್ಟಾರ್​ ಆಟಗಾರರ ಮೂಲ ಬೆಲೆ ಪ್ರಕಟ: ಪಟ್ಟಿಯಲ್ಲಿರುವುದು ಏಕೈಕ ಭಾರತೀಯ ಕ್ರಿಕೆಟಿಗ

ರಂಗು ರಂಗಿನ ಕ್ರಿಕೆಟ್​ ಹಬ್ಬ ಐಪಿಎಲ್‌ 2020 ಹರಾಜಿಗೆ ದಿನಗಣನೆ ಆರಂಭವಾಗಿದೆ.

ಡಿಸೆಂಬರ್ 19 ರಂದು ಕೋಲ್ಕತ್ತಾದಲ್ಲಿ ನಡೆಯಲಿರುವ ಐಪಿಎಲ್ 13ನೇ ಆವೃತ್ತಿಯ ಹರಾಜು ಪ್ರಕ್ರಿಯೆಯ ಮೇಲೆ ಎಲ್ಲ ಕ್ರಿಕೆಟ್ ಪ್ರೇಮಿಗಳ ಕಣ್ಣು ನೆಟ್ಟಿದೆ.

ಈಗಾಗಲೇ ಎಲ್ಲಾ ತಂಡಗಳ ಫ್ರಾಂಚೈಸಿ ತಮಗೆ ಬೇಕಾದ ಆಟಗಾರರನ್ನು ಉಳಿಸಿ, ಅಗತ್ಯವಿಲ್ಲದವರನ್ನು ಬಿಡುಗಡೆ ಮಾಡಿದೆ.

ಇನ್ನು ಬಿಡುಗಡೆಯಾದ ಆಟಗಾರರು ಹಾಗೂ ಇದೇ ಮೊದಲ ಐಪಿಎಲ್ ಆಡುವ ಆಟಗಾರರು ಉತ್ತಮ ಮೊತ್ತದ ಖರೀದಿ ನಿರೀಕ್ಷೆಯಲ್ಲಿದ್ದಾರೆ.

ಅದರಂತೆ ಈ ಬಾರಿ ಐಪಿಎಲ್ ಹರಾಜಿನಲ್ಲಿ ಬರೊಬ್ಬರಿ 971 ಆಟಗಾರರ ನಡುವೆ ಪೈಪೋಟಿ ನಡೆಯಲಿದೆ.

ಇದರಲ್ಲಿ ಟೀಂ ಇಂಡಿಯಾವನ್ನು ಪ್ರತಿನಿಧಿಸಿರುವ 19 ಆಟಗಾರರರು ಇರುವುದು ವಿಶೇಷ.

ಅಲ್ಲದೆ ದೇಸಿ ಕ್ರಿಕೆಟ್‌ನಲ್ಲಿ ಮಿಂಚಿರುವ 634 ಆಟಗಾರರು ಕೂಡ ಚೊಚ್ಚಲ ಬಾರಿ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದಾರೆ.

ಇನ್ನು ಅಂತರಾಷ್ಟ್ರೀಯ ತಂಡವನ್ನು ಪ್ರತಿನಿಧಿಸಿರುವ 60 ವಿದೇಶಿ ಆಟಗಾರರು ಹರಾಜಿಗೆ ಹೆಸರು ನೊಂದಾಯಿಸಿಕೊಂಡಿದ್ದಾರೆ.

ಇವರಲ್ಲದೆ ವಿದೇಶಿ ಲೀಗ್​ಗಳನ್ನು ಪ್ರತಿನಿಧಿಸಿರುವ 258 ವಿದೇಶಿ ಆಟಗಾರರು ಸಹ ಹರಾಜಿಗೆ ತಮ್ಮ ಹೆಸರನ್ನು ಸೂಚಿಸಿದ್ದಾರೆ.

ಇದರಲ್ಲಿ 16 ಆಟಗಾರರು ತಮ್ಮ ಗರಿಷ್ಠ ಬೇಸ್ ಪ್ರೈಸ್ ಪ್ರಕಟಿಸಿದ್ದು, ಅದರಲ್ಲಿ ಬೃಹತ್ ಮೊತ್ತವನ್ನು ಡಿಮ್ಯಾಂಡ್ ಮಾಡಿರುವುದು ಏಕೈಕ ಭಾರತೀಯ ಕ್ರಿಕೆಟಿಗ ಎಂಬುದು ವಿಶೇಷ.

7 ವಿದೇಶಿ ಆಟಗಾರರು ತಮ್ಮ ಮೂಲ ಬೆಲೆಯನ್ನು 2 ಕೋಟಿ ಎಂದು ತಿಳಿಸಿದ್ದಾರೆ. ಇನ್ನು 9 ಆಟಗಾರರು 1.5 ಕೋಟಿಗೆ ತಮ್ಮ ಬೆಲೆಯನ್ನು ನಿಕ್ಕಿ ಮಾಡಿಕೊಂಡಿದ್ದಾರೆ.

ಒಂದು ಕೋಟಿಗಿಂತ ಹೆಚ್ಚು ಮೂಲ ಬೆಲೆಯನ್ನು ಪ್ರಕಟಿಸಿರುವ ಆಟಗಾರರ ಪಟ್ಟಿ ಇಲ್ಲಿದೆ.

ಪ್ಯಾಟ್ ಕಮ್ಮಿನ್ಸ್ (ಆಸ್ಟ್ರೇಲಿಯಾ): ಮೂಲ ಬೆಲೆ 2 ಕೋಟಿ

ಜೋಶ್ ಹ್ಯಾಝ್ಲೆವುಡ್ (ಆಸ್ಟ್ರೇಲಿಯಾ): ಮೂಲ ಬೆಲೆ 2 ಕೋಟಿ

ಕ್ರಿಸ್ ಲಿನ್ (ಆಸ್ಟ್ರೇಲಿಯಾ): ಮೂಲ ಬೆಲೆ 2 ಕೋಟಿ

ಮಿಚೆಲ್ ಮಾರ್ಷ್ (ಆಸ್ಟ್ರೇಲಿಯಾ): ಮೂಲ ಬೆಲೆ 2 ಕೋಟಿ

ಗ್ಲೆನ್ ಮ್ಯಾಕ್ಸ್‌ವೆಲ್ (ಆಸ್ಟ್ರೇಲಿಯಾ): ಮೂಲ ಬೆಲೆ 2 ಕೋಟಿ

ಡೇಲ್ ಸ್ಟೇನ್ (ದಕ್ಷಿಣ ಆಫ್ರಿಕಾ): ಮೂಲ ಬೆಲೆ 2 ಕೋಟಿ

ಏಂಜೆಲೊ ಮ್ಯಾಥ್ಯೂಸ್ (ಶ್ರೀಲಂಕಾ): ಮೂಲ ಬೆಲೆ 2 ಕೋಟಿ

ರಾಬಿನ್ ಉತ್ತಪ್ಪ (ಭಾರತ): ಮೂಲ ಬೆಲೆ   1.5 ಕೋಟಿ. ಈ ಪಟ್ಟಿಯಲ್ಲಿರುವ ಏಕೈಕ ಭಾರತೀಯ ಆಟಗಾರ.

ಶಾನ್ ಮಾರ್ಷ್ (ಆಸ್ಟ್ರೇಲಿಯಾ): ಮೂಲ ಬೆಲೆ 1.5 ಕೋಟಿ

ಕೇನ್ ರಿಚರ್ಡ್ಸನ್ (ಆಸ್ಟ್ರೇಲಿಯಾ): ಮೂಲ ಬೆಲೆ 1.5 ಕೋಟಿ

ಇಯಾನ್ ಮೋರ್ಗನ್ (ಇಂಗ್ಲೆಂಡ್): ಮೂಲ ಬೆಲೆ 1.5 ಕೋಟಿ

ಜೇಸನ್ ರಾಯ್ (ಇಂಗ್ಲೆಂಡ್): ಮೂಲ ಬೆಲೆ 1.5 ಕೋಟಿ

ಕ್ರಿಸ್ ವೋಕ್ಸ್ (ಇಂಗ್ಲೆಂಡ್): ಮೂಲ ಬೆಲೆ 1.5 ಕೋಟಿ

ಡೇವಿಡ್ ವಿಲ್ಲಿ (ಇಂಗ್ಲೆಂಡ್): ಮೂಲ ಬೆಲೆ 1.5 ಕೋಟಿ

ಕ್ರಿಸ್ ಮೋರಿಸ್ (ದಕ್ಷಿಣ ಆಫ್ರಿಕಾ): ಮೂಲ ಬೆಲೆ 1.5 ಕೋಟಿ

ಕೈಲ್ ಅಬಾಟ್ (ದಕ್ಷಿಣ ಆಫ್ರಿಕಾ): ಮೂಲ ಬೆಲೆ 1.5 ಕೋಟಿ

971 ಆಟಗಾರರಲ್ಲಿ 16 ಆಟಗಾರರು ಕೋಟಿ ಲೆಕ್ಕದಲ್ಲಿ ಮೂಲ ಬೆಲೆ ಪ್ರಕಟಿಸಿದ್ದಾರೆ. ಈ ಹರಾಜು ಪ್ರಕ್ರಿಯೆಯಲ್ಲಿ 73 ಆಟಗಾರರನ್ನು ಮಾತ್ರ ಖರೀದಿಸಲು ಅವಕಾಶವಿದೆ. ಹೀಗಾಗಿ ಇದರಲ್ಲಿ ಯಾರು ಉಳಿಯಲಿದ್ದಾರೆ, ಯಾರಿಗೆ ಫ್ರಾಂಚೈಸಿ ಮಣೆ ಹಾಕಲಿದ್ದಾರೆ ಎಂಬುದು ಡಿ. 19 ರಂದು ತಿಳಿದು ಬರಲಿದೆ. ಇನ್ನು ದೇಶಗಳಿಗನುಗುಣವಾಗಿ ಹರಾಜು ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳುವ ಆಟಗಾರ ಸಂಖ್ಯೆ ಹೀಗಿದೆ

ಭಾರತ: 713 ಆಟಗಾರರು

ಅಫ್ಘಾನಿಸ್ತಾನ: 19 ಆಟಗಾರರು

ಆಸ್ಟ್ರೇಲಿಯಾ: 55 ಆಟಗಾರರು

ಬಾಂಗ್ಲಾದೇಶ: 6 ಆಟಗಾರರು

ಇಂಗ್ಲೆಂಡ್: 22 ಆಟಗಾರರು

ನೆದರ್ಲ್ಯಾಂಡ್: 1 ಆಟಗಾರ

ನ್ಯೂಜಿಲೆಂಡ್: 24 ಆಟಗಾರರು

ದಕ್ಷಿಣ ಆಫ್ರಿಕಾ: 54 ಆಟಗಾರರು

ಶ್ರೀಲಂಕಾ: 39 ಆಟಗಾರರು

ಯುಎಸ್ಎ: 1 ಆಟಗಾರ

ವೆಸ್ಟ್ ಇಂಡೀಸ್: 34 ಆಟಗಾರರು

ಜಿಂಬಾಬ್ವೆ: 3ಆಟಗಾರರು