ಇಂಡಿಯನ್ ಪ್ರೀಮಿಯರ್ ಲೀಗ್ 13ನೇ ಆವೃತ್ತಿಯ ಹರಾಜು ಪ್ರಕ್ರಿಯೆ ಮುಕ್ತಾಯಗೊಂಡಿದೆ. 332 ಆಟಗಾರರ ಪೈಕಿ 8 ತಂಡಗಳು ಸೇರಿ ಒಟ್ಟು 73 ಆಟಗಾರರನ್ನು ಖರೀದಿಸಿದ್ದಾರೆ. ಈ ಪೈಕಿ ಚೆನ್ನೈ ತಂಡ ವಿಶೇಷವಾಗಿತ್ತು.
ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಈ ಬಾರಿಯ ಹರಾಜಿನಲ್ಲಿ ಕೇವಲ 4 ಆಟಗಾರರನ್ನಷ್ಟೆ ಖರೀದಿ ಮಾಡಿತು. ಆದರೆ, ಈ ನಾಲ್ವರು ಪ್ರಮುಖ ಸ್ಟಾರ್ ಆಟಗಾರರು.
ಚೆನ್ನೈ ಗರಿಷ್ಠ ಮೊತ್ತಕ್ಕೆ ಖರೀದಿ ಮಾಡಿದ್ದು ಟೀಂ ಇಂಡಿಯಾ ಸ್ಪಿನ್ನರ್ ಪಿಯೂಷ್ ಚಾವ್ಲಾರನ್ನು. 6 ಕೋಟಿ 75 ಲಕ್ಷಕ್ಕೆ ಚಾವ್ಲಾ ಸಿಎಸ್ಕೆ ತಂಡ ಸೇರಿಕೊಂಡರು. (ಫೋಟೋ ಕೃಪೆ: CSK Twitter)
ಈ ಬಗ್ಗೆ ಮಾತನಾಡಿದ ಚಾವ್ಲಾ ಚೆನ್ನೈ ಸೂಪರ್ ಕಿಂಗ್ಸ್ ನನ್ನನ್ನು ಖರೀದಿ ಮಾಡಿದ್ದಕ್ಕೆ ತುಂಬಾ ಸಂತಸವಾಗಿದೆ ಎಂದು ಹೇಳಿದ್ದಾರೆ.
ಐಪಿಎಲ್ನಲ್ಲಿ ಆಡಲು ಚೆನ್ನೈಗಿಂತ ಉತ್ತಮ ತಂಡ ನನಗೆ ಬೇರೆಯಿಲ್ಲ. ಅದರಲ್ಲು ಎಂಎಸ್ ಧೋನಿಯಂತಹ ಅತ್ಯುತ್ತಮ ನಾಯಕತ್ವದಲ್ಲಿ ಆಡುವ ಅವಕಾಶ ಸಿಕ್ಕಿದೆ ಎಂದು ಚಾವ್ಲಾ ಖುಷಿ ಹಂಚಿಕೊಂಡಿದ್ದಾರೆ.
2020 ಐಪಿಎಲ್ ಹರಾಜು ಪ್ರಕ್ರಿಯೆಗೂ ಮುನ್ನ ಪಿಯೂಷ್ ಚಾವ್ಲಾರನ್ನು ಕೋಲ್ಕತ್ತಾ ನೈಟ್ ರೈಡರ್ಸ್ ತನ್ನ ತಂಡದಿಂದ ಕೈಬಿಟ್ಟಿತ್ತು. 1 ಕೋಟಿ ಮೂಲಬೆಲೆಗೆ ಲಭ್ಯರಿದ್ದ ಚಾವ್ಲಾರನ್ನು ಚೆನ್ನೈ 6.75 ಕೋಟಿಗೆ ಖರೀದಿ ಮಾಡಿತು.
ಉಳಿದ 3 ಆಟಗಾರರ ಪೈಕಿ ಸ್ಯಾಮ್ ಕುರ್ರನ್ 5.5 ಕೋಟಿ, ಜೋಶ್ ಹ್ಯಾಜ್ಲೆವುಡ್ 2 ಕೋಟಿ ಹಾಗೂ ಆರ್ ಸಾಯ್ ಕಿಶೋರ್ 20 ಲಕ್ಷ ಕೊಟ್ಟು ಚೆನ್ನೈ ಈ ಬಾರಿಯ ಹರಾಜಿನಲ್ಲಿ ತನ್ನ ತೆಕ್ಕೆಗೆ ಸೇರಿಸಿಕೊಂಡಿದೆ. (ಫೋಟೋ ಕೃಪೆ: CSK Twitter)
ಈ ಬಾರಿಯ ಹರಾಜು ಪ್ರಕ್ರಿಯೆಯಲ್ಲಿ ಗರಿಷ್ಠ ಮೊತ್ತಕ್ಕೆ ಸೇಲ್ ಆಗಿದ್ದು ಆಸ್ಟ್ರೇಲಿಯಾ ಆಟಗಾರ ಪ್ಯಾಟ್ ಕಮಿನ್ಸ್. ಇವರು ಬರೋಬ್ಬರಿ 15 ಕೋಟಿಯ 50 ಲಕ್ಷಕ್ಕೆ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡ ಸೇರಿಸಿಕೊಂಡಿದ್ದಾರೆ.
