IPL 2020: ಈ 3 ಆಟಗಾರರಿಗಾಗಿ ಆರ್​​ಸಿಬಿ ಹಾಗೂ ಸಿಎಸ್​ಕೆ ಮಧ್ಯೆ ನಡೆಯಲಿದೆ ಬಿಗ್ ಫೈಟ್!

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ಐಪಿಎಲ್​ನಲ್ಲಿ ಅತೀ ಹೆಚ್ಚು ಎನರ್ಜಿ ಇರುವ ತಂಡ. ಸಿಎಸ್​ಕೆ ಪ್ರಶಸ್ತಿ ಗೆದ್ದಿದ್ದರೆ, ಆರ್​ಸಿಬಿ ಫೈನಲ್ ಹಾದಿಯತ್ತ ಹೋಗಿ ಎಡವಿದೆ.

ಈಗಾಗಲೇ ಐಪಿಎಲ್​​ನ 13ನೇ ಆವೃತ್ತಿಯ ಟ್ರೆಡಿಂಗ್ ಪ್ರಕ್ರಿಯೆ ಮುಗಿದಿದ್ದು, ಡಿಸೆಂಬರ್ 19ಕ್ಕೆ ಹರಾಜು ನಡೆಯಲಿದೆ.

ಆರ್​ಸಿಬಿ ಶಿಮ್ರೋನ್ ಹೆಟ್ಮೇರ್ ಹಾಗೂ ಮಾರ್ಕಸ್ ಸ್ಟಾಯಿನಿಸ್ ಸೇರಿ ಒಟ್ಟು 12 ಆಟಗಾರರನ್ನು ತಂಡದಿಂದ ಬಿಡುಗಡೆಮಾಡಿದೆ. ಕಳೆದ ಬಾರಿ ಫೈನಲ್​ನಲ್ಲಿ ಎಡವಿದ್ದ ಸಿಎಸ್​ಕೆ ಈ ಬಾರಿ 5 ಆಟಗಾರರನ್ನು ರಿಲೀಸ್ ಮಾಡಿದೆ.

ಹೀಗಾಗಿ ಪ್ರಮುಖ ಈ ಆಟಗಾರರನ್ನು ಉಭಯ ತಂಡಗಳು ಹರಾಜಿನಲ್ಲಿ ಕೊಂಡುಕೊಳ್ಳುವ ಸಾಧ್ಯತೆ ಹೆಚ್ಚಿದೆ.

ಮಿಚೆಲ್ ಸ್ಟಾರ್ಕ್: ಆಸೀಸ್​ನ ಸ್ಟಾರ್ ವೇಗಿ ಮಿಚೆಲ್ ಸ್ಟಾರ್ಕ್ ಟಿ-20 ಕ್ರಿಕೆಟ್​ನ ಡೆತ್ ಓವರ್ ಸ್ಪೆಷಲಿಸ್ಟ್ ಎಂದೇ ಗುರುತಿಸಿಕೊಂಡವರು. ಸ್ಟೈನ್, ಕಲ್ಟನ್ ನೈಲ್ ಹಾಗೂ ಟಿಮ್ ಸೌಥಿ ಕೈಬಿಟ್ಟಿರುವ ಆರ್​ಸಿಬಿಗೆ ಅಪಾಯಕಾರಿ ಬೌಲರ್​ನ ಅಗತ್ಯವಿದೆ. ಇತ್ತ ಸಿಎಸ್​ಕೆ ತಂಡಕ್ಕೂ ಪ್ರಮುಖ ವೇಗಿಯ ಅವಶ್ಯತೆಯಿದೆ. ಹೀಗಾಗಿ ಸ್ಟಾರ್ಕ್​​ಗಾಗಿ ಹರಾಜಿನಲ್ಲಿ ಈ ಎರಡು ತಂಡದ ನಡುವೆ ಫೈಟ್ ನಡೆಯಲಿದೆ ಎಂದು ಹೇಳಲಾಗಿದೆ.

ಕ್ರಿಸ್ ಜಾರ್ಡನ್: ಸದ್ಯ ಟಿ-20 ಕ್ರಿಕೆಟ್​ನಲ್ಲಿ ಮಿಂಚುತ್ತಿರುವ ಇಂಗ್ಲೆಂಡ್ ವೇಗಿ ಜಾರ್ಡನ್ ಒಟ್ಟು 43 ಪಂದ್ಯಗಳಲ್ಲಿ 54 ವಿಕೆಟ್ ಕಿತ್ತಿದ್ದಾರೆ. ಯಾರ್ಕರ್ ಎಸೆಯುವುದರಲ್ಲಿ ನಿಪುಣರಾಗಿರುವ ಇವರ ಮೇಲೆ ಆರ್​ಸಿಬಿ- ಸಿಎಸ್​ಕೆ ಕಣ್ಣಿಟ್ಟಿದೆ.

ಸ್ಯಾಮ್ ಕುರ್ರನ್: ಆರ್​ಸಿಬಿಗೆ ಫಾರ್ಮ್​ನಲ್ಲಿರುವ ಅನುಭವಿ ಆಲ್ರೌಂಡರ್ ಆಟಗಾರನ ಅವಶ್ಯಕತೆಯಿದೆ. ಕಳೆದ ಬಾರಿ ಪಂಜಾಬ್ ಪರ ಹ್ಯಾಟ್ರಿಕ್ ವಿಕೆಟ್ ಕಿತ್ತು ಮಿಂಚಿದ್ದ ಸ್ಯಾಮ್​ನನ್ನು ಪಂಜಾಬ್​ ರಿಲೀಸ್ ಮಾಡಿದೆ. ಇತ್ತ ಸಿಎಸ್​ಕೆ ಕೂಡ ಕುರ್ರನ್​ನ್ನು ಖರೀದಿ ಮಾಡಿ ತಮ್ಮ ತಂಡವನ್ನು ಮತ್ತಷ್ಟು ಬಲಿಷ್ಠ ಮಾಡುವತ್ತ ಚಿತ್ತ ನೆಟ್ಟಿದೆ.

ಆರ್​ಸಿಬಿ ಬಿಡುಗಡೆ ಮಾಡಿದ ಆಟಗಾರರು: ಮಾರ್ಕಸ್ ಸ್ಟಾಯಿನಿಸ್, ಶಿಮ್ರೋನ್ ಹೆಟ್ಮೇರ್, ಕಾಲಿನ್ ಗ್ರ್ಯಾಂಡ್ಹೋಮ್, ಟಿಮ್ ಸೌಥಿ, ಡೇಲ್ ಸ್ಟೈನ್, ಹೆನ್ರಿಚ್ ಕ್ಲಾಸೆನ್, ಅಕ್ಷದೀಪ್ ನಾಥ್, ನೇಥನ್ ಕೌಲ್ಟರ್ ನೈಲ್, ಪ್ರಯಾಸ್ ರೇ ಬರ್ಮನ್, ಕುಲ್ವಂತ್ ಕೇಜ್ರೋಲಿಯಾ, ಹಿಮ್ಮತ್ ಸಿಂಗ್, ಮಿಲಿಂದ್ ಕುಮಾರ್.

ಆರ್​ಸಿಬಿ ತನ್ನಲ್ಲೆ ಉಳಿಸಿಕೊಂಡ ಆಟಗಾರರು: ವಿರಾಟ್ ಕೊಹ್ಲಿ, ಎಬಿ ಡಿವಿಲಿಯರ್ಸ್, ಪಾರ್ಥಿವ್ ಪಟೇಲ್, ಶಿವಂ ದುಬೆ, ಗುರುಕ್ರೀತ್ ಮನ್ ಸಿಂಗ್, ಪವನ್ ನೇಗಿ, ಮೊಯೀನ್ ಅಲಿ, ಯಜುವೇಂದ್ರ ಚಹಾಲ್, ಮೊಹಮ್ಮದ್ ಸಿರಾಜ್, ಉಮೇಶ್ ಯಾದವ್, ನವ್ದೀಪ್ ಸೈನಿ.

ಸಿಎಸ್​ಕೆ ಬಿಡುಗಡೆ ಮಾಡಿದ ಆಟಗಾರರು: ಸ್ಯಾಮ್ ಬಿಲ್ಲಿಂಗ್ಸ್, ಮೋಹಿತ್ ಶರ್ಮಾ, ಧ್ರುವ್ ಶೋರೆ, ಡೇವಿಡ್ ವಿಲ್ಲಿ, ಚೈತನ್ಯ ಬಿಶ್ನೋಯ್.

ಸಿಎಸ್​​ಕೆ ತನ್ನಲ್ಲೆ ಉಳಿಸಿಕೊಂಡ ಆಟಗಾರರು: ಎಂಎಸ್ ಧೋನಿ, ಸುರೇಶ್ ರೈನಾ, ಫಾಫ್ ಡುಪ್ಲೆಸಿಸ್, ಅಂಬಟಿ ರಾಯುಡು, ಮುರಳಿ ವಿಜಯ್, ರುತುರಾಜ್ ಗಾಯಕ್ವಾಡ್, ಶೇನ್ ವಾಟ್ಸನ್, ಡ್ವೇನ್ ಬ್ರಾವೋ, ಕೇದರ್ ಜಾಧವ್, ರವೀಂದ್ರ ಜಡೇಜಾ, ಮಿಚೆಲ್ ಸ್ಯಾಂಟನರ್, ಮೋನು ಕುಮಾರ್, ಎನ್ ಜಗದೀಶನ್, ಹರ್ಭಜನ್ ಸಿಂಗ್, ಕರ್ಣ್ ಶರ್ಮಾ, ಇಮ್ರಾನ್ ತಾಹಿರ್, ದೀಪಕ್ ಚಹಾರ್, ಕೆಎಂ ಆಸಿಫ್.