ಅಂದು ಟೀಂ ಇಂಡಿಯಾ ಆಟಗಾರ ಬಾರಿಸಿದ್ದ 10 ಸಾವಿರ ರನ್ ಇಂದಿನ 16 ಸಾವಿರ ರನ್​ಗೆ ಸಮ; ಪಾಕ್ ದಿಗ್ಗಜ

ಟೀಂ ಇಂಡಿಯಾದ ಮಾಜಿ ನಾಯಕ ಸುನೀಲ್ ಗಾವಸ್ಕರ್ ಟೆಸ್ಟ್​​​ ಕ್ರಿಕೆಟಿನಲ್ಲಿ ಬಾರಿಸಿದ ಹತ್ತು ಸಾವಿರ ರನ್ ಇಂದಿನ 16 ಸಾವಿರ ರನ್​ಗೆ ಸಮಾನವಾಗಿದೆ ಎಂದು ಪಾಕಿಸ್ಥಾನದ ಮಾಜಿ ಆಟಗಾರ ಇಂಝಮಾಮ್ ಉಲ್ ಹಕ್ ಹೇಳಿದ್ದಾರೆ.

ಕ್ರಿಕೆಟ್ ಲೋಕದಲ್ಲಿ ಬ್ಯಾಟ್ಸ್​​ಮನ್ ಸುನೀಲ್ ಗವಾಸ್ಕರ್ ಸಾಕಷ್ಟು ಸಾಧನೆಯನ್ನು ಮಾಡಿದ್ದಾರೆ. ಆದರೆ ಅಂದು ಅವರು ಟೆಸ್ಟ್ ಕ್ರಿಕೆಟಿನಲ್ಲಿ ಬಾರಿಸಿದ 10 ಸಾವಿರ ರನ್ ಆ ಕಾಲದಲ್ಲಿ ಯೋಚನೆ ಮಾಡುವುದಕ್ಕೂ ಕಷ್ಟವಾಗಿತ್ತು ಎಂದು ಇಂಝಮಾಮ್ ಉಲ್ ಹಕ್ ಹೇಳಿದ್ದಾರೆ.

ಆ ಸಮಯದಲ್ಲಿ ಅನೇಕ ದಿಗ್ಗಜರು ಕ್ರಿಕೆಟ್ ಲೋಕದಲ್ಲಿದ್ದರು. ಜಾವೇದ್ ಮಿಯಾಂದಾದ್, ವಿವಿಯನ್ ರಿಚರ್ಡ್, ಗ್ಯಾರಿ ಸೋಬರ್ಸ್, ಡಾನ್ ಬ್ರಾಡ್ಮನ್ ಮುಂತಾದವರು ಕ್ರಿಕೆಟ್​​ನಲ್ಲಿ ಮಿಂಚಿದ್ದರು.

ಆದರೆ ಅವರ್ಯಾರಿಗೂ ಕೂಡ  ಹತ್ತು ಸಾವಿರ ರನ್​​ಗಳಿಸಲು ಸಾಧ್ಯವಾಗಿರಲಿಲ್ಲ ಎಂದು ಹೇಳಿದ್ದಾರೆ.

ಇತ್ತೀಚೆಗೆ ಇಂಝಮಾಮ್ ಉಲ್ ಹಕ್ ಯ್ಯೂಟೂಬ್ ಚಾನೆನ್​​ನಲ್ಲಿ ಮಾತನಾಡುತ್ತಾ. ಇತ್ತೀಚಿನ ವರ್ಷಗಳಲ್ಲಿ ಹಲವಾರು ಟೆಸ್ಟ್ ಪಂದ್ಯಗಳು ನಡೆಯುತ್ತಾ ಬಂದಿದೆ. ಹಾಗಾಗಿ ಅನೇಕರಿಗೆ ಈ ಸಾಧನೆಯನ್ನು ಮೀರಿಸಲು ಸಾಧ್ಯವಾಗುತ್ತಿದೆ ಎಂದು ಹೇಳಿದ್ದಾರೆ.

ಸುನೀಲ್ ಗವಾಸ್ಕರ್ ಅವರು 1987ರಲ್ಲಿ ಪಾಕ್ ವಿರುದ್ಧದ ಅಹಮದಾಬಾದ್ ಟೆಸ್ಟ್ ಪಂದ್ಯದಲ್ಲಿ ಹತ್ತು ಸಾವಿರ ರನ್ ಬಾರಿಸುವ ಮೂಲಕ ಸಾಧನೆ ಮಾಡಿದ್ದರು. ಅಷ್ಟು ಮಾತ್ರವಲ್ಲದೆ ,ಈ ಸಾಧನೆ ಮಾಡಿರುವ ವಿಶ್ವದ ಮೊದಲ ಆಟಗಾರ ಎಂಬ ಹೆಗ್ಗಳಿಕೆಗೂ ಗವಾಸ್ಕರ್ ಪಾತ್ರರಾಗಿದ್ದರು.

ಈ ವಿಚಾರವಾಗಿ ಮಾತನಾಡಿದ್ದ ಇಂಝಮಾಮ್ ಉಲ್ ಹಕ್ ಅವರು ಸುನೀಲ್ ಗವಾಸ್ಕರ್ ಅಂದು ಬಾರಿಸಿದ 10 ಸಾವಿರ ರನ್ ಇಂದಿನ 16 ಸಾವಿರ ರನ್​ಗೆ ಸಮಾನ ಎಂದು ಹೇಳಿದ್ದಾರೆ.

ಇಂಝಮಾಮ್ ಉಲ್ ಹಕ್ ಒಟ್ಟು 120 ಟೆಸ್ಟ್ ಪಂದ್ಯಗಳನ್ನು ಆಡಿದ್ದಾರೆ. ಅದರಲ್ಲಿ 8830 ರನ್ ಗಳಿಸಿದ್ದಾರೆ . 378 ಏಕದಿನ ಪಂದ್ಯಗಳಲ್ಲಿ ಬ್ಯಾಟ್ ಬೀಸಿದ್ದಾರೆ. ಒಟ್ಟು ಏಕದಿನ ಪಂದ್ಯದಲ್ಲಿ 11,739 ರನ್ ಗಳಿಸಿದ್ದಾರೆ.

ಸುನೀಲ್ ಗಾವಸ್ಕರ್

ಸುನೀಲ್ ಗಾವಸ್ಕರ್

ಸುನೀಲ್ ಗಾವಸ್ಕರ್

ಸುನೀಲ್ ಗಾವಸ್ಕರ್