India vs New Zealand: ಭಾರತ ಸೋಲುಂಡಿದ್ದು ಕೇವಲ ಬೌಲರ್​ಗಳಿಂದ ಮಾತ್ರವಲ್ಲ; ಇಲ್ಲಿವೆ 3 ಕಾರಣ

ನ್ಯೂಜಿಲೆಂಡ್ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ಭಾರತ ಕಳಪೆ ಪ್ರದರ್ಶನ ನೀಡಿತು. ಟಿ-20 ಸರಣಿ ಕ್ಲೀನ್​ಸ್ವೀಪ್​ ಮಾಡಿ ಬೀಗುತ್ತಿದ್ದ ಕೊಹ್ಲಿ ಪಡೆಗೆ ಕಿವೀಸ್ ಶಾಕ್ ನೀಡಿತು.

ಇನ್ನು ಉಳಿದಿರುವ ಎರಡು ಪಂದ್ಯಗಳಲ್ಲಿ ಸರಣಿ ವಶಪಡಿಸಿಕೊಳ್ಳ ಬೇಕಾದರೆ ಟೀಂ ಇಂಡಿಯಾ ಎರಡೂ ಪಂದ್ಯವನ್ನು ಗೆಲ್ಲಬೇಕಾಗಿದೆ.

ಭಾರತ ಮೊದಲ ಏಕದಿನ ಪಂದ್ಯದಲ್ಲಿ ಸೋಲಲು ಬೌಲರ್​ಗಳು ದುಬಾರಿ ಎನಿಸಿಕೊಂಡಿದ್ದು ಪ್ರಮುಖ ಕಾರಣ ಹೌದು. ಆದರೆ, ಇದರ ಜೊತೆ ಇನ್ನೆರಡು ಅಂಶಕೂಡ ಇವೆ.

ರಾಸ್ ಟೇಲರ್ ಹಾಗೂ ನಾಯಕ ಟಾಮ್ ಲೇಥಮ್ ಬ್ಯಾಟಿಂಗ್ ಅಬ್ಬರವನ್ನು ಕಟ್ಟಿ ಹಾಕಲು ಭಾರತ ಎಡವಿತು.

ಬೌಂಡರಿ-ಸಿಕ್ಸರ್​​ಗಳ ಮಳೆ ಸುರಿಸಿದ ಟೇಲರ್-ಲೇಥಮ್ ತಂಡಕ್ಕೆ ಗೆಲುವನ್ನು ತುಂಬಾ ಹತ್ತಿರ ಮಾಡಿಬಿಟ್ಟರು. ಅದರಲ್ಲು ಒಂದು ಸಂದರ್ಭದಲ್ಲಿ ಕೇವಲ 4 ಓವರ್​​ನಲ್ಲಿ ಈ ಜೋಡಿ 57 ರನ್​ಗಳನ್ನು ಚಚ್ಚಿತು.

ಅದರಲ್ಲು ಟೀಂ ಇಂಡಿಯಾ ಪ್ರಮುಖ ಸ್ಪಿನ್ನರ್ ಕುಲ್ದೀಪ್ ಯಾದವ್ 10 ಓವರ್​​ನಲ್ಲಿ ಬರೋಬ್ಬರಿ 84 ರನ್ ಹಾಗೂ ಶಾರ್ದೂಲ್ ಠಾಕೂರ್ 9 ಓವರ್​​ಗೆ 80 ರನ್ ನೀಡಿ ಅತ್ಯಂತ ಕಳಪೆ ಪ್ರದರ್ಶನ ತೋರಿದರು.

ಟೀಂ ಇಂಡಿಯಾ ಫೀಲ್ಡಿಂಗ್ ಕೂಡ ನಿನ್ನೆಯ ಪಂದ್ಯದಲ್ಲಿ ಕಳಪೆಯಾಗಿತ್ತು. ವಿರಾಟ್ ಕೊಹ್ಲಿ ರನೌಟ್ ಮಾಡಿದ್ದು ಬಿಟ್ಟರೆ ಫೀಲ್ಡಿಂಗ್​ನಲ್ಲಿ ಉಳಿದವರ ಪ್ರದರ್ಶನ ಕೆಟ್ಟದಾಗಿತ್ತು.

ಕಿವೀಸ್ ಗೆಲುವಿನ ರುವಾರಿ ರಾಸ್ ಟೇಲರ್ ಅವರ ಕ್ಯಾಚ್ ಅನ್ನು ಕುಲ್ದೀಪ್ ಯಾದವ್ ಬಿಟ್ಟಿದ್ದಕ್ಕೆ ಭಾರತ ಭಾರೀ ಬೆಲೆ ತೆತ್ತಬೇಕಾಯಿತು.

ಇದರ ಜೊತೆಗೆ ಬೌಂಡರಿ ಲೈನ್ ಪಕ್ಕ ಭಾರತೀಯ ಆಟಗಾರರು ಅನೇಕ ತಪ್ಪುಗಳನ್ನು ಮಾಡಿದರು. ಇದು ಕಿವೀಸ್ ಖಾತೆಗೆ ಸಾಕಷ್ಟು ರನ್ ಹರಿಬರುವಂತೆ ಮಾಡಿತು.

ಪರಿಣಾಮ ನ್ಯೂಜಿಲೆಂಡ್ 4 ವಿಕೆಟ್​ಗಳ ಗೆಲುವು ಸಾಧಿಸುವಂತಾಯಿತು. ಮೂರು ಏಕದಿನ ಪಂದ್ಯದಲ್ಲಿ 1-0 ಮುನ್ನಡೆ ಸಾಧಿಸಿತು.

ಎಡರಡನೇ ಏಕದಿನ ಭಾರತಕ್ಕೆ ಮಾಡು ಇಲ್ಲವೇ ಮಡಿ ಪಂದ್ಯವಾಗಿದೆ. ಫೆಬ್ರವರಿ 8 ರಂದು ಆಕ್ಲೆಂಡ್​ನಲ್ಲಿ ಈ ಪಂದ್ಯ ನಡೆಯಲಿದೆ.