India vs England 4th T20 Playing 11: ಭಾರತ-ಇಂಗ್ಲೆಂಡ್ 4ನೇ ಟಿ20: ಟೀಮ್ ಇಂಡಿಯಾದಲ್ಲಿ 2 ಬದಲಾವಣೆ..!

ಅಹ್ಮದಾಬಾದ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಐದು ಪಂದ್ಯಗಳ ಟಿ20 ಸರಣಿಯ 4ನೇ ಪಂದ್ಯ ಆರಂಭವಾಗಿದೆ. ಟಾಸ್ ಗೆದ್ದಿರುವ ಇಂಗ್ಲೆಂಡ್ ನಾಯಕ ಇಯಾನ್ ಮೋರ್ಗನ್ ಬೌಲಿಂಗ್ ಆಯ್ದುಕೊಂಡಿದ್ದಾರೆ.

ಟೀಮ್ ಇಂಡಿಯಾ ವಿರುದ್ಧ 3ನೇ ಪಂದ್ಯದಲ್ಲಿ ಭರ್ಜರಿ ಜಯ ಸಾಧಿಸಿರುವ ಇಂಗ್ಲೆಂಡ್ ಅದೇ ಆತ್ಮ ವಿಶ್ವಾಸದಲ್ಲಿ ಇಂದು ಕೂಡ ಕಣಕ್ಕಿಳಿಯಲಿದೆ. ಇತ್ತ ಮೊದಲ ಸೋಲಿನ ಸೇಡಿನೊಂದಿಗೆ ಸರಣಿ ಉಳಿಸಿಕೊಳ್ಳಲು ಗೆಲ್ಲಲೇಬೇಕಾದ ಅನಿವಾರ್ಯತೆ ಟೀಮ್ ಇಂಡಿಯಾಗಿದೆ.

ಇಂಗ್ಲೆಂಡ್ ತಂಡವು 2-1 ಅಂತರದಿಂದ ಮುನ್ನಡೆ ಹೊಂದಿದ್ದು, ಒಂದು ವೇಳೆ ಗೆಲುವು ದಾಖಲಿಸಿದರೆ, ಟಿ20 ಸರಣಿ ಆಂಗ್ಲರ ಪಾಲಾಗಲಿದೆ. ಇತ್ತ ಸರಣಿಯನ್ನು ಸಮಬಲಗೊಳಿಸಿ ಕೊನೆಯ ಪಂದ್ಯದತ್ತ ಸರಣಿ ಕೊಂಡೊಯ್ಯಲು ವಿರಾಟ್ ಕೊಹ್ಲಿ ಪಡೆ ಪಣತೊಟ್ಟಿದೆ. ಅಲ್ಲದೆ ಈ ಸರಣಿಯು ಐಸಿಸಿ ಟಿ 20 ವಿಶ್ವಕಪ್​ಗಾಗಿ ಪೂರ್ವಾಭ್ಯಾಸದಂತಿದೆ. ಏಕೆಂದರೆ ಐಸಿಸಿ ಟಿ 20 ವಿಶ್ವಕಪ್ ಈ ವರ್ಷಾಂತ್ಯದಲ್ಲಿ ಕೊನೆಯಲ್ಲಿ ಭಾರತದಲ್ಲಿ ನಡೆಯಲಿದೆ. ಹೀಗಾಗಿ ಎರಡು ತಂಡಗಳಿಗೂ ಈ ಸರಣಿ ಮಹತ್ವದೆನಿಸಿಕೊಂಡಿದೆ.

ಇನ್ನು ಟಿ20 ಕ್ರಿಕೆಟ್ ರ್ಯಾಂಕಿಂಗ್​ ಪಟ್ಟಿಯಲ್ಲಿ ಇಂಗ್ಲೆಂಡ್ ತಂಡ ಅಗ್ರಸ್ಥಾನದಲ್ಲಿದ್ದರೆ, ಟೀಮ್ ಇಂಡಿಯಾ ದ್ವಿತೀಯ ಸ್ಥಾನದಲ್ಲಿದೆ. ಹೀಗಾಗಿ ಈ ಸರಣಿ ಜಯವು ಶ್ರೇಯಾಂಕ ಪಟ್ಟಿಯಲ್ಲಿ ಕೆಲ ಬದಲಾವಣೆಗೆ ಕಾರಣವಾಗಬಹುದು. ಹೀಗಾಗಿ ಆಂಗ್ಲರು ಅಗ್ರಸ್ಥಾನವನ್ನು ಉಳಿಸುವ ತವಕದಲ್ಲಿದ್ದರೆ, ಟೀಮ್ ಇಂಡಿಯಾ ಟಿ20 ವಿಶ್ವಕಪ್​ಗೂ ಮುನ್ನ ಅಗ್ರಸ್ಥಾನಕ್ಕೇರಿ ಬಲಿಷ್ಠ ತಂಡವೆಂದು ಸಾರುವ ಇರಾದೆಯಲ್ಲಿದೆ.

ಇನ್ನು ಈ ಪಂದ್ಯದಿಂದ ಇಶಾನ್ ಕಿಶನ್ ಹಾಗೂ ಚಹಲ್ ಹೊರಗುಳಿದಿದ್ದು, ಅವರ ಬದಲಿಗೆ ಸೂರ್ಯಕುಮಾರ್ ಯಾದವ್ ಹಾಗೂ ರಾಹುಲ್ ಚಹರ್ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.

ಭಾರತ: ರೋಹಿತ್ ಶರ್ಮಾ , ಸೂರ್ಯಕುಮಾರ್ ಯಾದವ್ , ವಿರಾಟ್ ಕೊಹ್ಲಿ (ನಾಯಕ) , ರಿಷಭ್ ಪಂತ್ (ವಿಕೆಟ್ ಕೀಪರ್) , ಶ್ರೇಯಸ್ ಅಯ್ಯರ್ , ಕೆಎಲ್ ರಾಹುಲ್ , ಹಾರ್ದಿಕ್ ಪಾಂಡ್ಯ , ವಾಷಿಂಗ್ಟನ್ ಸುಂದರ್ , ಶಾರ್ದುಲ್ ಠಾಕೂರ್ , ಭುವನೇಶ್ವರ್ ಕುಮಾರ್ , ರಾಹುಲ್ ಚಹರ್

ಇಂಗ್ಲೆಂಡ್: ಜೇಸನ್ ರಾಯ್ , ಜೋಸ್ ಬಟ್ಲರ್ (ವಿಕೆಟ್ ಕೀಪರ್) , ಡೇವಿಡ್ ಮಲಾನ್ , ಜಾನಿ ಬೈರ್‌ಸ್ಟೋವ್ , ಇಯೊನ್ ಮೋರ್ಗನ್ (ನಾಯಕ) , ಬೆನ್ ಸ್ಟೋಕ್ಸ್ , ಸ್ಯಾಮ್ ಕರ್ರನ್ , ಕ್ರಿಸ್ ಜೋರ್ಡಾನ್ , ಜೋಫ್ರಾ ಆರ್ಚರ್ , ಆದಿಲ್ ರಶೀದ್ , ಮಾರ್ಕ್ ವುಡ್

ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಪಂದ್ಯದ ಪ್ರಸಾರವು ಸ್ಟಾರ್ ಸ್ಪೋರ್ಟ್ಸ್ ನೆಟ್‌ವರ್ಕ್‌ನಲ್ಲಿದ್ದು, ಇದಲ್ಲದೆ ಜಿಯೋ ಟಿವಿ ಮತ್ತು ಏರ್ಟೆಲ್ ಟಿವಿ ಹಾಗೂ ಹಾಟ್​ ಸ್ಟಾರ್​ನಲ್ಲಿ ನೋಡಬಹುದು.

ಪಂದ್ಯಾವಳಿಯ ದಿನಾಂಕ? ಭಾರತ- ಇಂಗ್ಲೆಂಡ್ ನಡುವಣ ನಾಲ್ಕನೇ ಪಂದ್ಯ ಮಾರ್ಚ್ 18ರಂದು ಮತ್ತು ಕೊನೆಯ ಪಂದ್ಯ ಮಾರ್ಚ್ 20ರಂದು ಇದೇ ಮೈದಾನದಲ್ಲಿ ಜರುಗಲಿದೆ.