ಟಿ-20 ವಿಶ್ವಕಪ್​ಗೆ ಅಚ್ಚರಿಯ ಟೀಂ ಇಂಡಿಯಾ; ಟಾಪ್ 15ರಲ್ಲಿಲ್ಲ ಇಬ್ಬರು ಸ್ಟಾರ್ ಆಟಗಾರರು!

ಐಸಿಸಿ ಏಕದಿನ ವಿಶ್ವಕಪ್ ಸೆಮಿ ಫೈನಲ್​ನಲ್ಲಿ ಸೋತ ಬಳಿಕ ಟೀಂ ಇಂಡಿಯಾ ಟಿ-20 ವಿಶ್ವಕಪ್ ಮೇಲೆ ಕಣ್ಣಿಟ್ಟಿದೆ.

ಇದೇ ವರ್ಷ ಅಕ್ಟೋಬರ್ ವೇಳೆ ಕಾಂಗರೂಗಳ ನಾಡು ಆಸ್ಟ್ರೇಲಿಯಾದಲ್ಲಿ ಐಸಿಸಿ ಟಿ-20 ವಿಶ್ವಕಪ್ ಟೂರ್ನಿ ನಡೆಯಲಿದೆ.

ಈ ಮಹಾ ಟೂರ್ನಿಗಾಗಿ ಎಲ್ಲ ತಂಡಗಳು ಈಗಿನಿಂದಲೇ ಸಿದ್ಧತೆ ಮಾಡಿಕೊಳ್ಳುತ್ತಿದ್ದು, ಭಾರತ ಕೂಡ ಪ್ರಯೋಗ ನಡೆಸುತ್ತಿದೆ.

ಟಿ-20 ವಿಶ್ವಕಪ್​ಗೆ ಬಲಿಷ್ಠ ತಂಡವನ್ನೇ ಕಳುಹಿಸಬೇಕೆಂದು ಬಿಸಿಸಿಐ ಯೋಜನೆ ಹಾಕಿಕೊಂಡಿದ್ದು ಪ್ರತಿಯೊಬ್ಬ ಆಟಗಾರನ ಆಟವನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದೆ.

ಈ ನಡುವೆ ಮಾಜಿ ದಿಗ್ಗಜ ವಿವಿಎಸ್ ಲಕ್ಷ್ಮಣ್ ಟಿ-20 ವಿಶ್ವಕಪ್​ಗೆ ಭಾರತದ ಸಾಧ್ಯತಾ ತಂಡವನ್ನು ಆರಿಸಿದ್ದಾರೆ.

ಆದರೆ, ಅಚ್ಚರಿಯೆಂಬಂತೆ ಲಕ್ಷ್ಮಣ್ ಆಯ್ಕೆ ಮಾಡಿರುವ ತಂಡದಲ್ಲಿ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಹಾಗೂ ಅನುಭವಿ ಎಡಗೈ ಆರಂಭಿಕ ಶಿಖರ್ ಧವನ್​ರನ್ನು ಕೈಬಿಡಲಾಗಿದೆ.

ಎಂಎಸ್ ಧೋನಿ ಅವರ ನಾಯಕತ್ವದಲ್ಲಿ ಭಾರತ 2007ರಲ್ಲಿ ಚೊಚ್ಚಲ ಟಿ-20 ವಿಶ್ವಕಪ್ ಗೆದ್ದು ಬೀಗಿತ್ತು. ಆದರೆ, ಸದ್ಯ 2019 ಏಕದಿನ ವಿಶ್ವಕಪ್ ಅಂತ್ಯಕಂಡ ಬಳಿಕ ಧೋನಿ ಮೈದಾನಕ್ಕಿಳಿಯಲಿಲ್ಲ. ಹೀಗಾಗಿ ಧೋನಿ ಬದಲು ಲಕ್ಷ್ಮಣ್ ಅವರು ಯುವ ವಿಕೆಟ್ ಕೀಪರ್ ರಿಷಬ್ ಪಂತ್​ಗೆ ಅವಕಾಶ ನೀಡಿದ್ದಾರೆ.

ಶಿಖರ್ ಧವನ್ ಪದೇಪದೇ ಇಂಜುರಿಗೆ ತುತ್ತಾಗುವ ಜೊತೆ ಫಾರ್ಮ್ ಕಳೆದುಕೊಳ್ಳುತ್ತಿದ್ದಾರೆ. ಹೀಗಾಗಿ ಧವನ್​ರನ್ನು ತಂಡದಿಂದ ಕೈಬಿಟ್ಟಿದ್ದಾರೆ.

ಟಿ-20 ವಿಶ್ವಕಪ್​ಗೆ ಲಕ್ಷ್ಮಣ್ ಆಯ್ಕೆ ಮಾಡಿರುವ ಭಾರತದ 15 ಸದಸ್ಯರ ಪಟ್ಟಿ ಇಲ್ಲಿದೆ…

ವಿರಾಟ್ ಕೊಹ್ಲಿ (ನಾಯಕ).

ರೋಹಿತ್ ಶರ್ಮಾ.

ರೋಹಿತ್ ಜೊತೆ ಆರಂಭಿಕನಾಗಿ ಕೆ ಎಲ್ ರಾಹುಲ್ ಇನ್ನಿಂಗ್ಸ್​ ಆರಂಭಿಸಿದರೆ ಉತ್ತಮ ಎಂಬುವುದು ಲಕ್ಷ್ಮಣ್ ಮಾತು.

ಶ್ರೇಯಸ್ ಐಯರ್.

ರಿಷಭ್ ಪಂತ್.

ಹಾರ್ದಿಕ್ ಪಾಂಡ್ಯ.

ಜಸ್​ಪ್ರೀತ್ ಬುಮ್ರಾ.

ಪ್ರಮುಖ ಸ್ಪಿನ್ನರ್​ಗಳಾದ ಯಜುವೇಂದ್ರ ಚಹಾಲ್ ಹಾಗೂ ಕುಲ್ದೀಪ್ ಯಾದವ್.

ಮನೀಶ್ ಪಾಂಡೆ.

ಶಿವಂ ದುಬೆ.

ರವೀಂದ್ರ ಜಡೇಜಾ.

ಮೊಹಮ್ಮದ್ ಶಮಿ.

ದೀಪಕ್ ಚಹಾರ್.

ಭುವನೇಶ್ವರ್ ಕುಮಾರ್.