ICC Rankings: ಮೂರು ಮಾದರಿಯಲ್ಲೂ ಟಾಪ್-3ಯಲ್ಲಿ ಟೀಮ್ ಇಂಡಿಯಾ..!

ಮೂರು ಮಾದರಿ ಕ್ರಿಕೆಟ್​ನ ನೂತನ ಪಟ್ಟಿಯಲ್ಲಿ ಟೀಮ್ ಇಂಡಿಯಾ ಮೂರರಲ್ಲೂ ಟಾಪ್ 3ನಲ್ಲಿ ಕಾಣಿಸಿಕೊಂಡಿರುವುದು ವಿಶೇಷ.

ನೂತನ ಏಕದಿನ ರ‍್ಯಾಕಿಂಗ್ ಪಟ್ಟಿಯಲ್ಲಿ 38 ಪಂದ್ಯಗಳಿಂದ 4,820 ಪಾಯಿಂಟ್​ಗಳೊಂದಿಗೆ ವಿಶ್ವ ಚಾಂಪಿಯನ್ ಇಂಗ್ಲೆಂಡ್ ತಂಡ ಅಗ್ರಸ್ಥಾನದಲ್ಲಿದೆ.

ನಂತರ ಸ್ಥಾನವನ್ನು ಟೀಮ್ ಇಂಡಿಯಾ ಅಲಂಕರಿಸಿದೆ. ಭಾರತ 49 ಪಂದ್ಯಗಳಿಂದ 5,819 ಅಂಕ ಪಡೆಯುವ ಮೂಲಕ ದ್ವಿತೀಯ ಸ್ಥಾನದಲ್ಲಿದೆ.

ಮೂರನೇ ಸ್ಥಾನದಲ್ಲಿ ನ್ಯೂಜಿಲೆಂಡ್​ ತಂಡವಿದ್ದು, 32 ಪಂದ್ಯಗಳಿಂದ ಕಿವೀಸ್ ಪಡೆ 3,716 ಪಾಯಿಂಟ್ ಕಲೆ ಹಾಕಿದೆ.

31 ಪಂದ್ಯಗಳಿಂದ 3,345 ಅಂಕಗಳಿಸುವ ಮೂಲಕ ದಕ್ಷಿಣ ಆಫ್ರಿಕಾ ತಂಡವು ರ್ಯಾಂಕಿಂಗ್ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನದಲ್ಲಿದೆ.

ಆಸ್ಟ್ರೇಲಿಯಾ ತಂಡವು 33 ಪಂದ್ಯಗಳಿಂದ 3,518 ಅಂಕಗಳಿಸುವ ಮೂಲಕ ಐದನೇ ಸ್ಥಾನಕ್ಕೆ ತೃಪ್ತಿ ಪಟ್ಟುಕೊಂಡಿದೆ.

ಟೆಸ್ಟ್ ರ‍್ಯಾಕಿಂಗ್ ಪಟ್ಟಿ:

ಟೆಸ್ಟ್ ರ್ಯಾಂಕಿಂಗ್​ ಪಟ್ಟಿಯಲ್ಲಿ 26 ಪಂದ್ಯಗಳಿಂದ 3,028 ಅಂಕಗಳಿಸಿ ಆಸ್ಟ್ರೇಲಿಯಾ ಟೀಮ್ ಇಂಡಿಯಾವನ್ನು ಹಿಂದಿಕ್ಕಿ ಅಗ್ರಸ್ಥಾನ ಅಲಂಕರಿಸಿದೆ.

21 ಪಂದ್ಯಗಳಿಂದ 2,406 ಪಾಯಿಂಟ್ ಕಲೆಹಾಕಿರುವ ನ್ಯೂಜಿಲೆಂಡ್ ತಂಡವು ಟೆಸ್ಟ್​ ರ್ಯಾಂಕಿಂಗ್​ ಪಟ್ಟಿಯಲ್ಲಿ ಎರಡನೇ ತಂಡವಾಗಿ ಹೊರಹೊಮ್ಮಿದೆ.

ಕಳೆದ ಮೂರುವರೆ ವರ್ಷಗಳಿಂದ ನಂಬರ್ ಒನ್ ಸ್ಥಾನದಲ್ಲಿ ಭದ್ರವಾಗಿದ್ದ ವಿರಾಟ್ ಕೊಹ್ಲಿ ಪಡೆ ಈ ಬಾರಿ 27 ಪಂದ್ಯಗಳಿಂದ 3,085 ಪಾಯಿಂಟ್ ಸಂಪಾದಿಸಿ ಮೂರನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿದೆ.

33 ಮ್ಯಾಚ್​ಗಳಿಂದ 3,466 ಅಂಕಗಳಿಸಿರುವ ಇಂಗ್ಲೆಂಡ್ ತಂಡವು ಈ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನದಲ್ಲಿದೆ.

5ನೇ ಸ್ಥಾನವನ್ನು 27 ಪಂದ್ಯಗಳಿಂದ 2,454 ಪಾಯಿಂಟ್ ಸಂಪಾದಿಸುವ ಮೂಲಕ ಶ್ರೀಲಂಕಾ ತನ್ನದಾಗಿಸಿಕೊಂಡಿದೆ.

ಟಿ20 ರ‍್ಯಾಕಿಂಗ್ ಪಟ್ಟಿ

ಟಿ20 ಕ್ರಿಕೆಟ್​ನಲ್ಲೂ ಅದ್ಭುತ ಪ್ರದರ್ಶನ ನೀಡುತ್ತಿರುವ ಆಸ್ಟ್ರೇಲಿಯಾ 19 ಪಂದ್ಯಗಳಿಂದ 5,285 ಅಂಕ ಸಂಪಾದಿಸುವ ಮೂಲಕ ನಂಬರ್ 1 ಸ್ಥಾನವನ್ನು ಉಳಿಸಿಕೊಂಡಿದೆ.

ದ್ವಿತೀಯ ಸ್ಥಾನದಲ್ಲಿ ಇಂಗ್ಲೆಂಡ್ ತಂಡವಿದ್ದು, 17 ಪಂದ್ಯಗಳಿಂದ 4,564 ಪಾಯಿಂಟ್​ಗಳಿಸಿ ಆಂಗ್ಲರ ಪಡೆ ಟಿ20ಯಲ್ಲಿ 2ನೇ ಸ್ಥಾನದಲ್ಲಿದೆ.

ತೃತೀಯ ಸ್ಥಾನದಲ್ಲಿ ಟೀಮ್ ಇಂಡಿಯಾ ಇದ್ದು, ವಿರಾಟ್ ಕೊಹ್ಲಿ ಪಡೆ 35 ಪಂದ್ಯಗಳಿಂದ 9,319 ಅಂಕಗಳಿಸಿ ಮೂರನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿದೆ.

ಪಾಕಿಸ್ತಾನ ತಂಡ ಈ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನದಲ್ಲಿದ್ದು, 21 ಪಂದ್ಯಗಳಿಂದ 5,470 ಪಾಯಿಂಟ್ ಸಂಪಾದಿಸಿದೆ.

ಇನ್ನು 17 ಪಂದ್ಯಗಳಿಂದ 4,380 ಪಾಯಿಂಟ್​ ಸಂಪಾದಿಸಿರುವ ದಕ್ಷಿಣ ಆಫ್ರಿಕಾ ಈ ಪಟ್ಟಿಯಲ್ಲಿ ಐದನೇ ಸ್ಥಾನದಲ್ಲಿದೆ.