ಮಹಿಳಾ ಟಿ-20 ವಿಶ್ವಕಪ್​ಗೆ ಭಾರತ ತಂಡ ಪ್ರಕಟ; 15 ವರ್ಷದ ಬಾಲಕಿಗೆ ಚಾನ್ಸ್ ನೀಡಿದ ಬಿಸಿಸಿಐ

ಫೆಬ್ರವರಿಯಲ್ಲಿ ಆರಂಭವಾಗಲಿರುವ ಮಹಿಳಾ ಟಿ-20 ಕ್ರಿಕೆಟ್ ವಿಶ್ವಕಪ್ ಮಹಾಟೂರ್ನಿಗೆ ಭಾರತ ಮಹಿಳಾ ತಂಡವನ್ನು ಬಿಸಿಸಿಐ ಪ್ರಕಟಮಾಡಿದೆ.

15 ಮಂದಿ ಸಮಸ್ಯರಿರುವ ಭಾರತ ಮಹಿಳಾ ವಿಶ್ವಕಪ್ ತಂಡದವನ್ನು ಹರ್ಮನ್​​ಪ್ರೀತ್​​ ಕೌರ್ ನಾಯಕಿಯಾಗಿ ಮುನ್ನಡೆಸುತ್ತಿದ್ದಾರೆ. ಸ್ಮೃತಿ ಮಂಧಾನ ಉಪ ನಾಯಕಿಯಾಗಿದ್ದಾರೆ.

ಕಳೆದ ಒಂದು ವರ್ಷದಿಂದ ಭಾರತ ಮಹಿಳಾ ಕ್ರಿಕೆಟ್ ತಂಡದಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡುತ್ತಿರುವ 15 ವರ್ಷ ಪ್ರಾಯದ ಬಾಲಕಿ ಶಫಾಲಿ ವರ್ಮಾ ಅವರಿಗೆ ಬಿಸಿಸಿಐ ಅವಕಾಶ ನೀಡಿದೆ.

ಭಾರತ ಮಹಿಳಾ ಕ್ರಿಕೆಟ್ ತಂಡದ ಭವಿಷ್ಯದ ತಾರೆ ಎಂದು ಹೇಳಲಾಗುತ್ತಿರುವ ಹರಿಯಾಣದ ಶಾಲಾ ಬಾಲಕಿ ಶಫಾಲಿ ವರ್ಮಾ ಅವರಿಗೆ ಇದು ಚೊಚ್ಚಲ ವಿಶ್ವಕಪ್.

ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಭರ್ಜರಿ ಪ್ರದರ್ಶನ ನೀಡಿರುವ ಶಫಾಲಿ ಅವರನ್ನು ಮೊದಲ ಆದ್ಯತೆ ಮೇಲೆ ತಂಡಕ್ಕೆ ಆಯ್ಕೆ ಮಾಡಲಾಗಿದೆ.

ಇನ್ನು ಬಂಗಳಾದ ಯುವ ಪ್ರತಿಭೆ ರಿಚಾ ಘೋಶ್ ಅವರಿಗೂ ಸ್ಥಾನ ನೀಡುವುದು ಅಚ್ಚರಿ ಮೂಡಿಸಿದೆ.

ಮಹಿಳಾ ಟಿ-20 ವಿಶ್ವಕಪ್ ಟೂರ್ನಿಗೆ ಆಸ್ಟ್ರೇಲಿಯಾ ಈ ಬಾರಿ ಆತಿಥ್ಯ ವಹಿಸುತ್ತಿದೆ.

ಸಿಡ್ನಿ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಫೆ. 21ರಂದು ಉದ್ಘಾಟನಾ ಪಂದ್ಯ ನಡೆಯಲಿದ್ದು, ಭಾರತ ತಂಡ ಆಸ್ಟ್ರೇಲಿಯಾ ಮಹಿಳಾ ಪಡೆ ವಿರುದ್ಧ ಸೆಣೆಸಲಿದೆ.

ಮಹಿಳಾ ಟಿ-20 ವಿಶ್ವಕಪ್​ಗೆ ಭಾರತ ತಂಡದ ಸದಸ್ಯರ ವಿವರ ಇಲ್ಲಿದೆ...

ಹರ್ಮನ್​ಪ್ರೀತ್​ ಕೌರ್ (ನಾಯಕಿ).

ಸ್ಮೃತಿ ಮಂಧಾನಾ.

ಶಫಾಲಿ ವರ್ಮಾ.

ಜೆಮಿಮಾ ರೊಡ್ರಿಗಸ್.

ಹರ್ಲೀನ್ ಡಿಯೋಲ್.

ದೀಪ್ತಿ ಶರ್ಮಾ.

ವೇದ ಕೃಷ್ಣಮೂರ್ತಿ.

ರಿಚಾ ಘೋಷ್.

ತಾನಿಯಾ ಭಾಟಿಯಾ.

ಪೂನಂ ಯಾದವ್.

ರಾಧಾ ಯಾದವ್.

ರಾಜೇಶ್ವರಿ ಗಾಯಕ್ವಾಡ್.

ಶಿಖಾ ಪಾಂಡೆ.

ಅರುಂಧತಿ ರೆಡ್ಡಿ..