Stuart Broad: ಹುಟ್ಟುಹಬ್ಬದಂದು ಸಿಹಿ ಸುದ್ದಿ ನೀಡಿದ ಸ್ಟಾರ್​ ಕ್ರಿಕೆಟಿಗ! ವಿವಾಹವಾಗದೇ ಮೊದಲ ಮಗುವಿನ ನಿರೀಕ್ಷೆಯಲ್ಲಿ ಸ್ಟುವರ್ಟ್ ಬ್ರಾಡ್

ಸ್ಟುವರ್ಟ್ ಬ್ರಾಡ್ ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಬಹಳ ಸುಂದರವಾದ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಚಿತ್ರದಲ್ಲಿ, ಬ್ರಾಡ್ ತನ್ನ ಹೆಂಡತಿ ಮೊಲಿ ಕಿಂಗ್ ಜೊತೆಗೆ ಬೇಬಿ ಬಂಪ್ ಫೋಟೋಶೂಟ್ ಮಾಡಿಸಿದ್ದಾರೆ.

ಸ್ಟುವರ್ಟ್ ಬ್ರಾಡ್ ಅವರು ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡ ಫೋಟೋದ ಅಡಿಯಲ್ಲಿ 'ಮೋಲಿ ಮತ್ತು ನಾನು ಈ ವರ್ಷದ ಅಂತ್ಯದ ವೇಳೆಗೆ ನಮ್ಮ ಮೊದಲ ಮಗುವನ್ನು ನಿರೀಕ್ಷಿಸುತ್ತಿದ್ದೇವೆ. ಮುಂದಿನ ಸಮಯ ರೋಚಕವಾಗಿದೆ ಎಂದು ಬರೆದಿದ್ದಾರೆ.

ವಿಶ್ವದ ಅತ್ಯುತ್ತಮ ವೇಗದ ಬೌಲರ್ಗಳಲ್ಲಿ ಸ್ಟುವರ್ಟ್ ಬ್ರಾಡ್ ಒಬ್ಬರಾಗಿದ್ದಾರೆ. ಅವರು 2021ರಲ್ಲಿ ರೇಡಿಯೊ 1 ನಿರೂಪಕಿ ಮೊಲ್ಲಿ ಕಿಂಗ್ ಅವರನ್ನು ನಿಶ್ಚಿತಾರ್ಥ ಮಾಡಿಕೊಂಡರು. ಕಳೆದ ವರ್ಷ ಇಬ್ಬರೂ ಮದುವೆಯಾಗಲು ಬಯಸಿದ್ದರು, ಆದರೆ ಕಾರಣಾಂತರಗಳಿಂದ ಅದನ್ನು ಮುಂದೂಡಬೇಕಾಯಿತು.

ಸ್ಟುವರ್ಟ್ ಬ್ರಾಡ್ ಮತ್ತು ಮೊಲ್ಲಿ ಕಿಂಗ್ ಮೊದಲ ಬಾರಿಗೆ ಮಾರ್ಚ್ 2018 ರಲ್ಲಿ ಭೇಟಿಯಾದರು. ಆದರೆ, ಕೆಲವು ತಿಂಗಳುಗಳ ನಂತರ, ಅಂದರೆ ಆಗಸ್ಟ್ನಲ್ಲಿ, ಅವರಿಬ್ಬರು ಒಂದಾದರು.

2007ರಲ್ಲಿ ಇಂಗ್ಲೆಂಡ್ ಪರ ಟೆಸ್ಟ್ಗೆ ಪದಾರ್ಪಣೆ ಮಾಡಿದ್ದ ಸ್ಟುವರ್ಟ್ ಬ್ರಾಡ್ 154 ಟೆಸ್ಟ್ ಪಂದ್ಯಗಳಲ್ಲಿ 546 ವಿಕೆಟ್ ಪಡೆದಿದ್ದಾರೆ. ಬ್ರಾಡ್ ಅವರು 121 ಏಕದಿನ ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ 178 ವಿಕೆಟ್ಗಳನ್ನು ಪಡೆದಿದ್ದರೆ, ಅವರು 56 ಟಿ20ಐಗಳಲ್ಲಿ 65 ವಿಕೆಟ್ಗಳನ್ನು ಪಡೆದಿದ್ದಾರೆ. )

ಸ್ಟುವರ್ಟ್ ಬ್ರಾಡ್ ಅವರ ಒಂದು ಓವರ್ನಲ್ಲಿ ಭಾರತದ ಆಲ್ರೌಂಡರ್ ಯುವರಾಜ್ ಸಿಂಗ್ ಆರು ಸಿಕ್ಸರ್ಗಳನ್ನು ಹೊಡೆದಿದ್ದರು. 2007ರ ಟಿ20 ವಿಶ್ವಕಪ್ನ ಪಂದ್ಯದಲ್ಲಿ ಯುವಿ ಬ್ರಾಡ್ನ ಓವರ್ನಲ್ಲಿ ಸತತ 6 ಸಿಕ್ಸರ್ಗಳನ್ನು ಬಾರಿಸಿದ್ದರು. ಅದರ ನಂತರ ಬ್ರಾಡ್ ಅವರ ವೃತ್ತಿಜೀವನವು ಕುಂಠಿತಗೊಳ್ಳಲು ಪ್ರಾರಂಭಿಸಿತು, ಆದರೆ ನಂತರ ಅವರು ಅದ್ಭುತವಾದ ಪುನರಾಗಮನವನ್ನು ಮಾಡಿದರು.