Sourav Ganguly: ಮೂರು ತಿಂಗಳು, ಮೂರು ಪಂದ್ಯ ನೀಡಿ ಮತ್ತೆ ರನ್ ಗಳಿಸಿ ತೋರಿಸುವೆ..!

ಟೀಮ್ ಇಂಡಿಯಾ ಮಾಜಿ ನಾಯಕ/ಹಾಲಿ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಕ್ರಿಕೆಟ್ ಮೈದಾನ ತೊರೆದು 12 ವರ್ಷಗಳು ಕಳೆದಿವೆ. ಕೊನೆಯ ಬಾರಿ ಭಾರತದ ಪರ 2008ರಲ್ಲಿ ಕಣಕ್ಕಿಳಿದಿದ್ದರು.

ಇದೀಗ ಸಂದರ್ಶನವೊಂದರಲ್ಲಿ ತಮ್ಮ ವೃತ್ತಿಜೀವನದ ಬಗ್ಗೆ ಮಾತನಾಡಿದ ದಾದಾ, ನನ್ನಲ್ಲಿ ಇನ್ನೂ ಕ್ರಿಕೆಟ್ ಬಾಕಿ ಇದೆ. ನಿವೃತ್ತಿಗೂ ಮುನ್ನ ನನಗೆ ಇನ್ನೆರಡು ಸರಣಿಗಳಲ್ಲಿ ಅವಕಾಶ ನೀಡಿದ್ರೆ ಮತ್ತಷ್ಟು ರನ್ ಗಳಿಸುತ್ತಿದ್ದೆ ಎಂದಿದ್ದಾರೆ.

ಇದೀಗ ಸಂದರ್ಶನವೊಂದರಲ್ಲಿ ತಮ್ಮ ವೃತ್ತಿಜೀವನದ ಬಗ್ಗೆ ಮಾತನಾಡಿದ ದಾದಾ, ನನ್ನಲ್ಲಿ ಇನ್ನೂ ಕ್ರಿಕೆಟ್ ಬಾಕಿ ಇದೆ. ನಿವೃತ್ತಿಗೂ ಮುನ್ನ ನನಗೆ ಇನ್ನೆರಡು ಸರಣಿಗಳಲ್ಲಿ ಅವಕಾಶ ನೀಡಿದ್ರೆ ಮತ್ತಷ್ಟು ರನ್ ಗಳಿಸುತ್ತಿದ್ದೆ ಎಂದಿದ್ದಾರೆ.

ಈಗಲೂ ಸಹ ರನ್​ಗಳಿಸುವ ಸಾಮರ್ಥ್ಯವಿದೆ. ನನಗೆ ಕೇವಲ 6 ತಿಂಗಳ ಅಭ್ಯಾಸ ಸಾಕು. ಮತ್ತೆ ರನ್ ಕಲೆಹಾಕುತ್ತೇನೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು. ಮಾತು ಮುಂದುವರೆಸಿದ ದಾದಾ, 6 ತಿಂಗಳು ಬೇಡ, ಮೂರು ತಿಂಗಳ ತರಬೇತಿ, 3 ರಣಜಿ ಪಂದ್ಯ ಆಡಿದರೂ ನಾನು ಮತ್ತೆ ಟೆಸ್ಟ್ ಕ್ರಿಕೆಟ್​ನಲ್ಲಿ ರನ್​ ಗಳಿಸುತ್ತೇನೆ ಎಂದರು.

ನಾನು ಈಗಲೂ ಕ್ರಿಕೆಟ್ ಆಡಲು ಫಿಟ್ ಆಗಿದ್ದೇನೆ. ನೀವು ನನಗೆ ಆಡಲು ಅವಕಾಶವನ್ನು ನೀಡದಿರಬಹುದು. ಆದರೆ ನನ್ನೊಳಗಿನ ಆತ್ಮವಿಶ್ವಾಸವನ್ನು ಹೇಗೆ ಹೋಗಲಾಡಿಸುತ್ತೀರಿ? ಎಂದು ಭಾರತದ ಮಾಜಿ ನಾಯಕ ಕೇಳಿದರು.

2007-08ರ ಸೀಸನ್​ನಲ್ಲಿ ಉತ್ತಮ ಪ್ರದರ್ಶನ ನೀಡಿದವರಲ್ಲಿ ನಾನು ಕೂಡ ಒಬ್ಬ. ಆದರೂ ಏಕದಿನ ತಂಡದಿಂದ ಕೈ ಬಿಡಲಾಯಿತು. ನನಗೆ ನಂಬಲಾಗಿರಲಿಲ್ಲ. ನಿಮ್ಮ ಸಾಮರ್ಥ್ಯ ಎಷ್ಟೇ ಉತ್ತಮವಾಗಿದ್ದರೂ, ನಿಮಗೆ ಅವಕಾಶ ತಪ್ಪಿದ್ರೆ ಹೇಗೆಸಾಬೀತುಪಡಿಸುತ್ತೀರಿ? ಮತ್ತು ಯಾರಿಗೆ? ನನ್ನ ವಿಷಯದಲ್ಲೂ ಅದೇ ನಡೆಯಿತು ಗಂಗೂಲಿ ತಮ್ಮ ವೃತ್ತಿ ಜೀವನದ ಕೊನೆಯ ದಿನಗಳನ್ನು ನೆನಪಿಸಿಕೊಂಡರು.

2005 ರಲ್ಲಿ ಕೋಚ್​ ಗ್ರೆಗ್ ಚಾಪೆಲ್ ವಿವಾದದೊಂದಿಗೆ ಗಂಗೂಲಿ ಯುಗಾಂತ್ಯ ಆರಂಭವಾಗಿತ್ತು. ಟೀಮ್ ಇಂಡಿಯಾದಿಂದ ಹೊರಬಿದಿದ್ದ ದಾದಾ 2006 ರಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್​ ಸರಣಿಗಾಗಿ ತಂಡಕ್ಕೆ ಆಯ್ಕೆಯಾದರು. ಈ ಸರಣಿಯಲ್ಲಿ ಸೆಂಚುರಿ ಸಿಡಿಸುವ ಮೂಲಕ ಭರ್ಜರಿ ತಿರುಗೇಟು ನೀಡಿದ್ದರು.

2007-08ರ ಆಸ್ಟ್ರೇಲಿಯಾ ಏಕದಿನ ಪ್ರವಾಸದಿಂದ ಸೌರವ್ ಗಂಗೂಲಿ ಹಾಗೂ ರಾಹುಲ್ ದ್ರಾವಿಡ್ ಅವರನ್ನು ಕೈ ಬಿಡಲಾಯಿತು. ಇದಾದ ಒಂದು ವರ್ಷದ ಬಳಿಕ ಗಂಗೂಲಿ ಅಂತರರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತಿ ಘೋಷಿಸಿದರು.

ಇದೀಗ ಗಂಗೂಲಿ ತಮ್ಮ ಕ್ರಿಕೆಟ್​ ಬದುಕಿನ ಕೊನೆಯ ದಿನಗಳನ್ನು ನೀಡಿರುವ ಸ್ಮರಿಸಿ ನೀಡಿರುವ ಹೇಳಿಕೆ ವೃತ್ತಿ ಬದುಕಿಗೆ ಉತ್ತಮ ವಿದಾಯ ಸಿಗದ ನೋವು ಎಂದು ವಿಶ್ಲೇಷಿಸಲಾಗುತ್ತಿದೆ.

ಒಟ್ಟಿನಲ್ಲಿ ಟೀಮ್ ಇಂಡಿಯಾ ಪರ ಒಟ್ಟಾರೆ  18,575 ರನ್ ಗಳಿಸಿರುವ ಸೌರವ್ ಗಂಗೂಲಿ ಭಾರತ ಕಂಡಂತಹ ಸರ್ವಶ್ರೇಷ್ಠ ಕ್ರಿಕೆಟಿಗರಲ್ಲಿ ಒಬ್ಬರು ಎಂಬುದಕ್ಕೆ ಎರಡು ಮಾತಿಲ್ಲ.