ಎರಡನೇ ಟೆಸ್ಟ್​ಗೆ ರಹಾನೆ ವಾಪಾಸ್!: ರೋಹಿತ್ ಶರ್ಮಾ ಹೊರಗುಳಿಯುವ ಸಾಧ್ಯತೆ

ಕೇಪ್​ಟೌನ್​ನಲ್ಲಿ ನಡೆದ ಮೊದಲ ಟೆಸ್ಟ್​ನಲ್ಲಿ ಟೀಂ ಇಂಡಿಯಾ ಹೀನಾಯ ಸೋಲನುಭವಿಸಿತು. ಈ ಸೋಲಿಗೆ ತಂಡದ ಆಯ್ಕೆ ಎಂದೂ ಹೇಳಲಾಗುತ್ತಿದೆ. ಅದರಲ್ಲೂ ವಿಶೇಷವಾಗಿ ಮೊದಲ ಟೆಸ್ಟ್​ನಲ್ಲಿ ಮೊದಲ ಟೆಸ್ಟ್​ನ ಪ್ಲೇಯಿಂಗ್ ಇಲೆವೆನ್​ನಲ್ಲಿ ತಂಡದ ಉಪ ನಾಯಕ ಅಜಿಂಕ್ಯ ರಹಾನೆಗೆ ಅವಕಾಶ ನೀಡದಿರುವುದು ಎನ್ನಲಾಗುತ್ತಿದೆ.

ಶ್ರೀಲಂಕಾ ವಿರುದ್ಧ ನಡೆದ ಪಂದ್ಯದಲ್ಲಿ ತೋರಿದ ಅದ್ಭುತ ಪ್ರದರ್ಶನದಿಂದಾಗಿ ರೋಹಿತ್​ ಶರ್ಮಾಗೆ ತಂಡದಲ್ಲಿ ಅವಕಾಶ ನೀಡಲಾಗಿತ್ತು. ಇತ್ತ ಅಜಿಂಕಗ್ಯ ರಹಾನೆ ಈ ಹಿಂದೆ ನಡೆದ ಪಂದ್ಯಗಳಲ್ಲಿ ಕಳಪೆ ಪ್ರದರ್ಶನ ತೋರಿಸಿದ್ದಾರೆಂಬುವುದರಲ್ಲೂ ಯಾವುದೇ ಅನುಮಾನವಿಲ್ಲ. ಆದರೆ ಅಂತರಾಷ್ಟ್ರೀಯ ಪಂದ್ಯದಲ್ಲಿ ರಹಾನೆಯನ್ನು ಕಡೆಗಣಿಸಿರುವುದು ಕೂಡಾ ತಪ್ಪಾಗಿ ಸಾಬೀತಾಗಿದೆ.

ರೋಹಿತ್ V/S ರಹಾನೆ: ವಿದೇಶಿ ನೆಲದಲ್ಲಿ ರೋಹಿತ್ ಈವರೆಗೂ 11 ಪಂದ್ಯಗಳಲ್ಲಿ 23.42 ಸರಾಸರಿಯಲ್ಲಿ 445 ರನ್ ಗಳಿಸಿದ್ದಾರೆ. ಅವುಗಳಲ್ಲಿ ಎರಡು ಅರ್ಧಶತಕಗಳಿವೆ.

ರೋಹಿತ್ V/S ರಹಾನೆ: ಇತ್ತ ರಹಾನೆ 17 ಪಂದ್ಯಗಳಲ್ಲಿ 54.67ರ ಸರಾಸರಿಯಲ್ಲಿ 1312 ರನ್ ಗಳಿಸಿದ್ದಾರೆ. ಇದರಲ್ಲಿ 7 ಅರ್ಧ ಶತಕಗಳಿವೆ.

ಇನ್ನು ಸೌತ್ ಆಫ್ರಿಕಾ ವಿರುದ್ಧದ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಅಜಿಂಕ್ಯ ರಹಾನೆಯ ಆಯ್ಕೆ ಅವರ ಅಂತರಾಷ್ಟರೀಯ ಪಂದ್ಯಗಳ ದಾಖಲೆಯ ಆಧಾರದಲ್ಲಿ ನಡೆಸಬೇಕಿತ್ತು ಎಂಬುವುದು ಗಂಗೂಲಿಯ ಅಭಿಪ್ರಾಯವಾಗಿದೆ.

ಸೌತ್​ ಆಫ್ರಿಕಾ ಕ್ರಿಕೆಟ್​ ತಂಡದ ನಾಯಕ ಫಾಫ್ ಡ್ಯು ಪ್ಲೆಸಿಸ್ ಕೂಡಾ 'ಅಜಿಂಕ್ಯ ರಹಾನೆ ಬದಲಾಗಿ ರೋಹಿತ್ ಶರ್ಮಾರನ್ನು ಆಯ್ಕೆ ಮಾಡಿರುವುದು ನನಗೂ ಅಚ್ಚರಿ ಮೂಡಿಸಿದೆ ಎಂದಿದ್ದಾರೆ.