’ಚೆನ್ನೈ ಸೂಪರ್​​ ಕಿಂಗ್ಸ್​ ಯಶಸ್ಸಿಗೆ ಧೋನಿ ಸ್ವಭಾವ ಕಾರಣ‘ - ಹೀಗೆಂದರು RCB ತಂಡದ ಮಾಜಿ ನಾಯಕ

ಮೂರು ಬಾರಿ ಐಪಿಎಲ್ ಫೈನಲ್​​​ಗೆ​, ಎರಡು ಬಾರಿ ಚಾಂಪಿಯನ್ಸ್ ಲೀಗ್​ ಮುಡಿಗೇರಿಸಿಕೊಂಡಿರುವ ತಂಡ ಚೆನ್ನೈ ಸೂಪರ್​​ ಕಿಂಗ್ಸ್​. ಈ ತಂಡದ ಯಶಸ್ಸಿಗೆ ನಾಯಕ ಎಂ.ಎಸ್​​​​ ಧೋನಿಯೇ ಕಾರಣ ಎಂಬುದು ಎಲ್ಲರಿಗೂ ಗೊತ್ತಿರುವ ವಿಚಾರ.

ಎಂ.ಎಸ್​ ಧೋನಿಯೇ ಸಿಎಸ್​​ಕೆ ಸ್ಟ್ರೆಂಥ್​. ಎಂಎಸ್​​ಡಿ ಇಲ್ಲದ ಸಿಎಸ್​​ಕೆ ತಂಡವನ್ನು ಯಾರು ಊಹಿಸಲು ಸಾಧ್ಯವಿಲ್ಲ. ಇವರು ಕ್ಯಾಪ್ಟನ್ ಅನ್ನೋ ಕಾರಣಕ್ಕೆ ಚೆನ್ನೈ ಸೂಪರ್​​ ಕಿಂಗ್ಸ್​​ ತಂಡಕ್ಕೆ ಭಾಷೆ, ಪ್ರದೇಶ ಎನ್ನದೇ ಭಾರತದ ವಿವಿಧ ಮೂಲೆಗಳಿಂದ ಬೆಂಬಲ ನೀಡ್ತಾರೆ ಎಂಎಸ್​​ಡಿ ಫ್ಯಾನ್ಸ್​.

ಹೀಗಿರುವಾಗಲೇ ಚೆನ್ನೈ ಸೂಪರ್​​ ಕಿಂಗ್ಸ್​​​ ಯಶಸ್ಸಿಗೆ ಧೋನಿ ಹೇಗೆ ಕಾರಣ ಎಂಬ ಬಗ್ಗೆ ಆರ್​​ಸಿಬಿ ಕ್ರಿಕೆಟ್​​​ ತಂಡದ ಮಾಜಿ ನಾಯಕ ರಾಹುಲ್​​ ಗಾಂಧಿ ಹೇಳಿದ್ದಾರೆ. ಸಿಎಸ್​​ಕೆ ಯಶಸ್ಸಿಗೆ ಎಂ.ಎಸ್​​ ಧೋನಿಯ ಬಿಹೇವಿಯರ್​​​​​​​, ಪ್ರೀಫ್ಲಾನ್​​​​ ಕಾರಣ ಎಂದಿದ್ದಾರೆ ದ್ರಾವಿಡ್​​.

ಧೋನಿಯರಿಗೆ ಉತ್ತಮ ಜನಸಂಪರ್ಕ ಇದೆ. ಅಲ್ಲದೇ ಸಿಎಸ್​​ಕೆ ತಂಡದ ಸಿಬ್ಬಂದಿಯೂ ಈ ಟೀಮ್​​ ಆಟಗಾರರೊಂದಿಗೆ ನಿರಂತರ ಸಂಪರ್ಕದಲ್ಲಿ ಇರುವಂತೆ ಧೋನಿ ನೋಡಿಕೊಳ್ಳುತ್ತಾರೆ. ಆಟಗಾರರೊಂದಿಗೆ ಧೋನಿ ಎಲ್ಲಾ ರೀತಿಯಲ್ಲೂ ಬೆರೆಯುತ್ತಾರೆ. ಜೂನಿಯರ್​​​ಗಳ ಜತೆ ಹೇಗೆ ನಡೆದುಕೊಳ್ಳಬೇಕು ಎಂಬ ಬಗ್ಗೆ ಧೋನಿಗೆ ಅರಿವಿದೆ ಎನ್ನುತ್ತಾರೆ ದ್ರಾವಿಡ್​.

'ಧೋನಿ ವೃತ್ತಿಪರತೆ ಯಾವತ್ತೂ ಬದಲಾಗಲ್ಲ. ಎಲ್ಲವನ್ನೂ ಸ್ಟಡೀ ಮಾಡಿಯೇ ಅನುಷ್ಠಾನ ಮಾಡುತ್ತಾರೆ. ತಂಡದ ಯಶಸ್ಸಿನ ಇವರದ್ದೇ ಪ್ರಮುಖ ಪಾತ್ರ ಎಂದು ದ್ರಾವಿಡ್​​ ಧೋನಿಯನ್ನು ಕೊಂಡಾಡಿದರು.

ಎಂಎಸ್​​ಡಿ ಸ್ವಭಾವವೇ ಹಾಗೆ. ಪಂದ್ಯ ನಡೆಯುವ ಕಣದಲ್ಲಿಯೇ ಎದುರಾಳಿ ಬ್ಯಾಟ್ಸ್‌ಮನ್‌ಗಳನ್ನು ನೋಡಿ ತಂತ್ರಗಳ ಕುರಿತು ನಿರ್ಣಯಿಸುವ ಆತ್ಮವಿಶ್ವಾಸ ಧೋನಿಗೆ ಮಾತ್ರ ಇದೆ ಎಂದು ಹೊಗಳಿದರು ದ್ರಾವಿಡ್​​.

ಇನ್ನು, ಕಳೆದ ಎರಡು ವರ್ಷಗಳಿಂದ ಧೋನಿ, ಫಾರ್ಮ್​ ಕೈ ಕೊಟ್ಟಿದೆ. ಮೊದಲಿನ ತರ ಬ್ಯಾಟಿಂಗ್​ ಮಾಡೋಕೆ, ಧೋನಿಯಿಂದ ಸಾಧ್ಯ ಆಗ್ತಿಲ್ಲ. ಕಳೆದ ಏಕದಿನ ವಿಶ್ವಕಪ್​ ಟೂರ್ನಿಯಲ್ಲೂ ಧೋನಿ, ತಮ್ಮ ಖ್ಯಾತಿಗೆ ತಕ್ಕದಾಗಿ ಆಡಲಿಲ್ಲ. ಇದರಿಂದ ಧೋನಿ ನಿವೃತ್ತಿಯಾಗ್ಬೇಕು ಅನ್ನೋ ಮಾತುಗಳು ಕೇಳಿ ಬರ್ತಿವೆ.