ಟೆಸ್ಟ್ ಕ್ರಿಕೆಟ್ನಲ್ಲಿ 256 ಕ್ಯಾಚ್ಸ್, 38 ಸ್ಟಂಪಿಂಗ್ಸ್, 3 ರನೌಟ್. ಏಕದಿನ ಕ್ರಿಕೆಟ್ನಲ್ಲಿ 321 ಕ್ಯಾಚ್ಸ್, 123 ಸ್ಟಂಪಿಂಗ್ಸ್ ಹಾಗೂ 22 ರನೌಟ್. ಚುಟುಕು ಕ್ರಿಕೆಟ್ ಟಿ20ಯಲ್ಲಿ 57 ಕ್ಯಾಚ್ಸ್, 8 ರನೌಟ್ ಮತ್ತು 34 ಸ್ಟಂಪಿಂಗ್ಸ್...ವಿಕೆಟ್ ಹಿಂದೆ ನಿಂತು ಈ ಸಾಧನೆ ಮಾಡಿರುವುದು ಯಾರೆಂದು ಕೇಳಿದ್ರೆ ಬರುವ ಉತ್ತಮ ಮಹೇಂದ್ರ ಸಿಂಗ್ ಧೋನಿ.
2/ 11
ಹೀಗಾಗಿ ಧೋನಿಯನ್ನು ಭಾರತದ ನಂಬರ್ 1 ವಿಕೆಟ್ ಕೀಪರ್ ಹಾಗೆಯೇ ವಿಶ್ವದ ಮೂರನೇ ಅತ್ಯುತ್ತಮ ವಿಕೆಟ್ ಕೀಪರ್ ಎನ್ನಲಾಗುತ್ತದೆ. ಟೀಮ್ ಇಂಡಿಯಾ ಪರ ವಿಕೆಟ್ ಹಿಂದೆ ಇಂತಹೊಂದು ಸಾಧನೆ ಮೆರೆದಿರುವುದರಿಂದ ಅವರ ಸ್ಥಾನ ತುಂಬಲು ಯಾರಿಂದಲೂ ಸಾಧ್ಯವಾಗಿಲ್ಲ.
3/ 11
ಆದರೆ ಇದೀಗ ಮಾಜಿ ವಿಕೆಟ್ ಕೀಪರ್ರೊಬ್ಬರು ಧೋನಿಗಿಂತ ದಿನೇಶ್ ಕಾರ್ತಿಕ್ ಅವರು ನ್ಯಾಚುರಲ್ ವಿಕೆಟ್ ಕೀಪರ್ ಎಂದೇಳಿ ಹೊಸ ಚರ್ಚೆಯನ್ನು ಹುಟ್ಟುಹಾಕಿದ್ದಾರೆ.
4/ 11
ಹೀಗೆ ಹೇಳಿರುವುದು ಜಿಂಬಾಬ್ವೆ ತಂಡದ ಮಾಜಿ ನಾಯಕ ಟಟೆಂಡಾ ತೈಬು. ನಾನು ಧೋನಿಯನ್ನು ಮೊದಲ ಬಾರಿಗೆ ನೋಡಿದಾಗ , ದಿನೇಶ್ ಕಾರ್ತಿಕ್ ಅವರೇ ನ್ಯಾಚುರಲ್ ವಿಕೆಟ್ ಕೀಪರ್ ಎಂದನಿಸಿತ್ತು.
5/ 11
ಭಾರತ ಎ ತಂಡದಲ್ಲಿ ದಿನೇಶ್ ಕಾರ್ತಿಕ್ ಹಾಗೂ ಧೋನಿ ಆಡುತ್ತಿದ್ದರು. ಆ ವೇಳೆ ನಾನು ಇವರಿಬ್ಬರ ವಿಕೆಟ್ ಕೀಪಿಂಗ್ನ್ನು ಗಮನಿಸಿದ್ದೆ. ಧೋನಿ ಕೀಪಿಂಗ್ ಮಾಡುವ ವೇಳೆ ಅವರ ಕೈಗಳು ಯಾವಾಗಲೂ ಜೊತೆಯಾಗಿರುವುದಿಲ್ಲ. ಆದರೆ ಅವರು ಕೀಪಿಂಗ್ನಲ್ಲಿ ತಮ್ಮದೇಯಾದ ತಂತ್ರಗಳನ್ನು ಹೊಂದಿದ್ದರು ಎಂದು ತೈಬು ತಿಳಿಸಿದರು.
6/ 11
ಇದೇ ವೇಳೆ ಕಾರ್ತಿಕ್ ಅವರ ವಿಕೆಟ್ ಹಿಂದಿನ ಚಾಕಚಕ್ಯತೆ ತುಂಬಾ ನ್ಯಾಚುರಲ್ ಆಗಿತ್ತು. ಹೀಗಾಗಿಯೇ ನಾನು ಧೋನಿಗಿಂತ ಕಾರ್ತಿಕ್ ನ್ಯಾಚುರಲ್ ವಿಕೆಟ್ ಕೀಪರ್ ಎಂದು ಭಾವಿಸಿರುವುದಾಗಿ ಜಿಂಬಾಬ್ವೆ ತಂಡದ ಮಾಜಿ ವಿಕೆಟ್ ಕೀಪರ್ ತಿಳಿಸಿದರು.
7/ 11
ಇನ್ನು ಎಂಎಸ್ ಧೋನಿಯ ಕೈ ಹಾಗೂ ಕಣ್ಣಿನ ನಡುವೆ ಉತ್ತಮ ಸಂಯೋಜನೆಯಿದೆ. ಹೀಗಾಗಿ ಅವರು ಅದ್ಭುತವಾಗಿ ಕ್ಯಾಚ್ ಹಿಡಿಯುತ್ತಾರೆ. ಅದರೊಂದಿಗೆ ಅಷ್ಟೇ ಚುರುಕಾಗಿ ಸ್ಟಂಪ್ ಮಾಡ್ತಾರೆ ಎಂದು ತೈಬು ಅಭಿಪ್ರಾಯಪಟ್ಟರು.
8/ 11
ಇದೇ ಮಾನಸಿಕ ಸದೃಢತೆಯನ್ನು ಧೋನಿ ಬ್ಯಾಟಿಂಗ್ನಲ್ಲೂ ಅನುಸರಿಸುತ್ತಿದ್ದರು. ಹೀಗಾಗಿಯೇ ಅವರು ಸಮಕಾಲೀನ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ಆಗಿ ಭಿನ್ನವಾಗಿ ನಿಲ್ಲುತ್ತಾರೆ ಎಂದು ತೈಬು ಶ್ಲಾಘಿಸಿದರು.
9/ 11
ಜಿಂಬಾಬ್ವೆ ಪರ 28 ಟೆಸ್ಟ್, 150 ಏಕದಿನ ಹಾಗೂ 16 ಟಿ20 ಪಂದ್ಯಗಳನ್ನು ಪ್ರತಿನಿಧಿಸಿರುವ ಟಟೆಂಡಾ ತೈಬು ಅಂತರಾಷ್ಟ್ರೀಯ ಕ್ರಿಕೆಟ್ನಲ್ಲಿ 177 ಕ್ಯಾಚ್ಸ್, 43 ಸ್ಟಂಪಿಂಗ್ಸ್ ಹಾಗೂ 11 ರನೌಟ್ ಮಾಡಿದ್ದಾರೆ.
10/ 11
ಇನ್ನು ಈಗಾಗಲೇ ಟೆಸ್ಟ್ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿರುವ ಮಹೇಂದ್ರ ಸಿಂಗ್ ಧೋನಿ, ಟಿ20 ವಿಶ್ವಕಪ್ ಮೂಲಕ ತಮ್ಮ ಅಂತರಾಷ್ಟ್ರೀಯ ಕ್ರಿಕೆಟ್ ಕೆರಿಯರ್ಗೆ ಗುಡ್ಬೈ ಹೇಳುವ ಇಂಗಿತದಲ್ಲಿದ್ದಾರೆ.
