Faf du plessis: ಗಂಭೀರವಾಗಿ ಗಾಯಗೊಂಡಿದ್ದ ಡುಪ್ಲೆಸಿಸ್​ ಈಗ ಹೇಗಿದ್ದಾರೆ..?

ದಕ್ಷಿಣ ಆಫ್ರಿಕಾ ತಂಡದ ಮಾಜಿ ನಾಯಕ ಫಾಪ್ ಡು ಪ್ಲೆಸಿಸ್ ಪಾಕಿಸ್ಥಾನ್ ಸೂಪರ್ ಲೀಗ್​ನಲ್ಲಿ ಗಂಭೀರವಾಗಿ ಗಾಯಗೊಂಡಿದ್ದರು. ಪಿಎಸ್​ಎಲ್​ನಲ್ಲಿ ಕ್ವೆಟ್ಟಾ ಗ್ಲಾಡಿಯೇಟರ್ಸ್ ಪರ ಆಡಿದ್ದ ಫಾಫ್ ಡು ಪ್ಲೆಸಿಸ್ ಪೇಶಾವರ್ ಝಲ್ಮಿ ವಿರುದ್ಧದ ಪಂದ್ಯದ ವೇಳೆ ಪಾಕ್ ಆಟಗಾರ ಮೊಹಮ್ಮದ್ ಹಸ್ನೈನ್​ಗೆ ಢಿಕ್ಕಿ ಹೊಡೆದಿದ್ದರು.

ಬೌಂಡರಿ ಲೈನ್​ನಲ್ಲಿ ಚೆಂಡನ್ನು ಹಿಡಿಯುವ ಯತ್ನದಲ್ಲಿ ಡುಪ್ಲೆಸಿಸ್​ ಡೈವ್ ಮಾಡಿದ್ದರು. ಈ ವೇಳೆ ಎದುರಿನಿಂದ ಬಂದ ಹಸ್ನೈನ್ ಕಾಲು ಡುಪ್ಲೆಸಿಸ್​ ತಲೆಗೆ ಬಡಿದಿದೆ. ಮೈದಾನದಲ್ಲೇ ಕುಸಿದ ಬಿದ್ದ ದಕ್ಷಿಣ ಆಫ್ರಿಕಾ ಆಟಗಾರನನ್ನು ಆ ಬಳಿಕ ಚಿಕಿತ್ಸೆಗೆ ಅಬುಧಾಬಿಯ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಅಲ್ಲಿಂದ ಚೇತರಿಸಿಕೊಂಡ ಡುಪ್ಲೆಸಿಸ್ ಪಿಎಸ್​ಎಲ್ ತೊರೆದು ತವರಿಗೆ ಮರಳಿದ್ದರು. ಅಲ್ಲದೆ ತಲೆಗೆ ಉಂಟಾದ ಪೆಟ್ಟಿನಿಂದ ನೆನಪಿನ ಶಕ್ತಿ ಕಡಿಮೆಯಾಗಿದ್ದು, ಮರೆವಿನ ಸಮಸ್ಯೆ ಎದುರಾಗುತ್ತಿದೆ ಎಂದು ತಿಳಿಸಿದ್ದರು.

ಅಲ್ಲದೆ ಅಬುಧಾಬಿಯಿಂದ ದಕ್ಷಿಣ ಆಫ್ರಿಕಾಗೆ ತೆರಳಿ ಚಿಕಿತ್ಸೆ ಮುಂದುವರೆಸಲು ಡುಪ್ಲೆಸಿಸ್ ನಿರ್ಧರಿಸಿದ್ದರು. ಆದರೆ ಆ ಬಳಿಕ ಡುಪ್ಲೆಸಿಸ್ ಬಗ್ಗೆ ಯಾವುದೇ ಅಪ್ಡೇಟ್ ಸಿಕ್ಕಿರಲಿಲ್ಲ. ಇದೀಗ ಡುಪ್ಲೆಸಿಸ್​ ಕುರಿತಾದ ಮಹತ್ವದ ಮಾಹಿತಿ ಹೊರಬಿದ್ದಿದ್ದು, ಸಿಎಸ್​ಕೆ ಆಟಗಾರ ಸಂಪೂರ್ಣ ಚೇತರಿಸಿಕೊಳ್ಳುತ್ತಿದ್ದಾರೆ ಎಂದು ತಿಳಿದು ಬಂದಿದೆ.

ನೆನಪಿನ ಶಕ್ತಿಗಾಗಿ ಮನೆಯಲ್ಲಿಯೇ ಚಿಕಿತ್ಸೆ ಮುಂದುವರೆದಿದ್ದು, ಬಹುತೇಕ ಚೇತರಿಸಿಕೊಂಡಿದ್ದಾರೆ. ಅಲ್ಲದೆ ಸದ್ಯ ಹೇಳಿಕೊಳ್ಳುವಂತಹ ಯಾವುದೇ ದೊಡ್ಡ ಸಮಸ್ಯೆಯಿಲ್ಲ ಎಂದು ತಿಳಿಸಲಾಗಿದೆ. ಇದಕ್ಕೆ ಸಾಕ್ಷಿಯಾಗಿ ಇತ್ತೀಚೆಗೆ ಡುಪ್ಲೆಸಿಸ್ ತಮ್ಮ ಮಗಳ ಹುಟ್ಟುಹಬ್ಬವನ್ನು ಅದ್ಧೂರಿಯಾಗಿ ಆಚರಿಸಿಕೊಂಡಿದ್ದಾರೆ.

ಅಲ್ಲದೆ ಈ ಸಂಭ್ರಮದಲ್ಲಿ ಸಿಎಸ್​ಕೆ ಆಟಗಾರ ಈ ಹಿಂದಿನಂತೆ ಹೆಚ್ಚು ಆಕ್ಟೀವ್ ಆಗಿದ್ದರು ಎಂಬುದು ವಿಶೇಷ. ಹೀಗಾಗಿ ಯುಎಇನಲ್ಲಿ ನಡೆಯಲಿರುವ ಐಪಿಎಲ್​ನ ಉಳಿದ ಪಂದ್ಯಗಳ​ ವೇಳೆಗೆ ಸಂಪೂರ್ಣ ಫಿಟ್​ನೆಸ್​ನೊಂದಿಗೆ ಫಾಫ್ ಡುಪ್ಲೆಸಿಸ್ ಮತ್ತೆ ಕ್ರಿಕೆಟ್ ಅಂಗಳಕ್ಕೆ ಮರಳಲಿದ್ದಾರೆ .

ಒಟ್ಟಿನಲ್ಲಿ ಡುಪ್ಲೆಸಿಸ್ ಕಂಬ್ಯಾಕ್ ಮಾಡಲಿ ಆಶಿಸಿದ್ದ ಅಭಿಮಾನಿಗಳಿಗೆ ಫಾಫ್​ ಡಿ ಐಪಿಎಲ್ ಮೂಲಕ ಕ್ರಿಕೆಟ್​ ಅಂಗಳಕ್ಕೆ ರಿ ಎಂಟ್ರಿ ಕೊಡಲಿದ್ದಾರೆ ಎಂಬ ಸಿಹಿ ಸುದ್ದಿ ಸಿಕ್ಕಿದೆ. ಅದರಂತೆ ಯುಎಇ ಮೈದಾನದಲ್ಲಿ ಫಾಫ್ ಸಿಎಸ್​ಕೆ ಪರ ಆರಂಭಿಕರಾಗಿ ಮತ್ತೆ ಆರ್ಭಟಿಸಲಿರುವುದರಲ್ಲಿ ಡೌಟೇ ಇಲ್ಲ ಎನ್ನಬಹುದು.