Chris Gayle: ಕ್ರಿಸ್ ಗೇಲ್ ಆಯ್ಕೆ ಮಾಡಿದ ಟಾಪ್ 3 ಟಿ20 ಬ್ಯಾಟ್ಸ್​ಮನ್​ಗಳು ಇವರೇ..!

ಸಾವಿರ ಸಿಕ್ಸರ್​ಗಳ ಸರದಾರ ಕ್ರಿಸ್ ಗೇಲ್ ಟಿ20 ಕ್ರಿಕೆಟ್​ನ ಬಾಸ್​ ಎಂಬುದರಲ್ಲಿ ನೋ ಡೌಟ್. 41 ವರ್ಷದ ಯುನಿವರ್ಸ್ ಬಾಲ್ ಮುಂದಿನ ಐಪಿಎಲ್​ನಲ್ಲಿ ಪಂಜಾಬ್ ಕಿಂಗ್ಸ್​ ಪರ ಕಣಕ್ಕಿಳಿಯಲಿದ್ದಾರೆ. ಅಲ್ಲದೆ ಸದ್ಯದ ಮಟ್ಟಿಗೆ ನಿವೃತ್ತಿ ಘೋಷಿಸುವ ಪ್ರಶ್ನೆಯೇ ಇಲ್ಲ ಎಂದಿದ್ದಾರೆ.

2021ರಲ್ಲಿ ಭಾರತದಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್​ನಲ್ಲಿ ಪಾಲ್ಗೊಳ್ಳುವ ವಿಶ್ವಾಸ ವ್ಯಕ್ತಪಡಿಸಿರುವ ಗೇಲ್, ಹಾಗೆಯೇ 2022 ರಲ್ಲಿ ಆಸ್ಟ್ರೇಲಿಯಾದಲ್ಲಿ ಜರುಗಲಿರುವ ಟಿ20 ವಿಶ್ವಕಪ್​ನಲ್ಲೂ ಆಡುವ ಆಸೆಯಿದೆ ಎಂದಿದ್ದಾರೆ.

41ನೇ ವಯಸ್ಸಿನಲ್ಲೂ ವೆಸ್ಟ್ ಇಂಡೀಸ್ ಟಿ20 ತಂಡದಲ್ಲಿ ಸ್ಥಾನ ಪಡೆದಿರುವ ಗೇಲ್ ಇನ್ನು 5 ವರ್ಷಗಳ ಕಾಲ ವಿವಿಧ ಲೀಗ್​ನಲ್ಲಿ ಕ್ರಿಕೆಟ್​ ಆಡಲಿದ್ದೇನೆ ಎಂದು ಗೇಲ್ ತಿಳಿಸಿದ್ದಾರೆ.

ಇನ್ನು ಪ್ರಸ್ತುತ ಟಿ20 ಕ್ರಿಕೆಟ್​ನ ಟಾಪ್ ಬ್ಯಾಟ್ಸ್​ಮನ್​ಗಳಲ್ಲಿ ಯಾರನ್ನು ತಮ್ಮ ಇಲೆವೆನ್​ಗೆ ಆಯ್ಕೆ ಮಾಡಿಕೊಳ್ಳುತ್ತೀರಿ ಎಂಬ ಪ್ರಶ್ನೆಗೆ ಗೇಲ್ ಮೂವರು ಆಟಗಾರರ ಹೆಸರನ್ನು ಸೂಚಿಸಿದ್ದಾರೆ. ಅದರಲ್ಲೊಬ್ಬರು ಟೀಮ್ ಇಂಡಿಯಾ ಕ್ರಿಕೆಟಿಗ ಎಂಬುದು ವಿಶೇಷ. ಹಾಗಿದ್ರೆ ಕ್ರಿಸ್ ಗೇಲ್ ಹೆಸರಿದ ಟಾಪ್ 3 ಟಿ20 ಬ್ಯಾಟ್ಸ್​ಮನ್​ಗಳು ಯಾರು ನೋಡೋಣ.

ಟೀಮ್ ಇಂಡಿಯಾ ಉಪನಾಯಕ, ಮುಂಬೈ ಇಂಡಿಯನ್ಸ್ ತಂಡದ ನಾಯಕ ರೋಹಿತ್ ಶರ್ಮಾ ಟಿ20ಯ ಬೆಸ್ಟ್​ ಬ್ಯಾಟ್ಸ್​ಮನ್ ಎಂದಿದ್ದಾರೆ ಗೇಲ್. ಅಲ್ಲದೆ ತಮ್ಮ ಇಲೆವೆನ್​ನಲ್ಲಿ ಹಿಟ್​ಮ್ಯಾನ್​ರನ್ನು ಆಯ್ಕೆ ಮಾಡಿಕೊಳ್ಳುವುದಾಗಿ ತಿಳಿಸಿದ್ದಾರೆ.

ವೆಸ್ಟ್ ಇಂಡೀಸ್ ಮಸಲ್​ಮ್ಯಾನ್ ಆಲ್​ರೌಂಡರ್​ ಆಂಡ್ರೆ ರಸೆಲ್ ಕೂಡ ಗೇಲ್ ಅವರ ಟಾಪ್-3 ಟಿ20 ಬ್ಯಾಟ್ಸ್​ಮನ್​ಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ.

ಇನ್ನು ಈ ಪಟ್ಟಿಯಲ್ಲಿ ಸ್ಥಾನ ಪಡೆದ ಮೂರನೇ ಬ್ಯಾಟ್ಸ್​ಮನ್ ಕೂಡ ವೆಸ್ಟ್ ಇಂಡೀಸ್ ಕ್ರಿಕೆಟಿಗ. ಹೌದು, ಪಂಜಾಬ್ ಕಿಂಗ್ಸ್​ ತಂಡದ ಆಟಗಾರ ವಿಕೆಟ್ ಕೀಪರ್ ಬ್ಯಾಟ್ಸ್​ಮನ್​ ನಿಕೋಲಸ್ ಪೂರನ್ ಅವರನ್ನು ಸಹ ಗೇಲ್ ಟಾಪ್-3 ಪಟ್ಟಿಯಲ್ಲಿ ಆಯ್ಕೆ ಮಾಡಿದ್ದಾರೆ.