IPL 2021: ಚಹಲ್ ಹ್ಯಾಪಿ: RCB ಡಬಲ್ ಹ್ಯಾಪಿ..!

ಯುಎಇಗೆ ಇಂಡಿಯನ್ ಪ್ರೀಮಿಯರ್ ಲೀಗ್ ಶಿಫ್ಟ್ ಆಗಿದೆ. ಸೆಪ್ಟೆಂಬರ್ 19 ರಿಂದ ಶುರುವಾಗಲಿರುವ ಟೂರ್ನಿಯನ್ನು ಕಾತುರದಿಂದ ಕಾಯುತ್ತಿರುವವರಲ್ಲಿ ಯುಜುವೇಂದ್ರ ಚಹಲ್ ಕೂಡ ಒಬ್ಬರು. ಏಕೆಂದರೆ ಚಹಲ್ ಮೊದಲಾರ್ಧದಲ್ಲಿ ಹೇಳಿಕೊಳ್ಳುವಂತಹ ಪ್ರದರ್ಶನ ನೀಡಿರಲಿಲ್ಲ. ಆಡಿದ 7 ಪಂದ್ಯಗಳಲ್ಲಿ ಕೇವಲ 4 ವಿಕೆಟ್ ಮಾತ್ರ ಕಬಳಿಸಿದ್ದರು.

ಆದರೀಗ ಟೂರ್ನಿ ಯುಎಇಗೆ ಶಿಫ್ಟ್ ಆಗುತ್ತಿದ್ದಂತೆ ಚಹಲ್ ಫುಲ್ ಹ್ಯಾಪಿಯಾಗಿದ್ದಾರೆ. ಇದಕ್ಕೆ ಕಾರಣ ಕೂಡ ಇದೆ.
ಏಕೆಂದರೆ ಕಳೆದ ಸೀಸನ್​ನಲ್ಲಿ ಯುಎಇನಲ್ಲಿ ಮಿಂಚಿದ ಕೆಲವೇ ಕೆಲವು ಸ್ಪಿನ್ನರ್​ಗಳಲ್ಲಿ ಚಹಲ್ ಕೂಡ ಒಬ್ಬರು. ಅದರಲ್ಲೂ ಕಳೆದ ಸೀಸನ್​ ಐಪಿಎಲ್​ನ ಟಾಪ್ 5 ವಿಕೆಟ್ ಟೇಕರ್ ಪಟ್ಟಿಯಲ್ಲಿ ಸ್ಥಾನ ಪಡೆದ ಏಕೈಕ ಸ್ಪಿನ್ನರ್ ಚಹಲ್. ಹೀಗಾಗಿ ಯುಎಇ ಮೈದಾನದಲ್ಲಿ ಚಹಲ್ ಸ್ಪಿನ್ ಮೋಡಿ ಮಾಡುವುದು ಖಚಿತ.

ಕಳೆದ ಸೀಸನ್​ನ ಬೌಲಿಂಗ್ ಪ್ರದರ್ಶನವೇ ಇದಕ್ಕೆ ಸಾಕ್ಷಿ.
ಹೌದು, ಯುಎಇನಲ್ಲಿ ನಡೆದ ಈ ಹಿಂದಿನ ಐಪಿಎಲ್ ಟೂರ್ನಿಯಲ್ಲಿ ಚಹಲ್ 15 ಪಂದ್ಯಗಳನ್ನು ಆಡಿದ್ದರು. ಈ ವೇಳೆ 343 ಬಾಲ್​ಗಳನ್ನು ಎಸೆದಿದ್ದ ಬಲಗೈ ಸ್ಪಿನ್ನರ್ ಕೇವಲ 405 ರನ್​ಗಳನ್ನು ಮಾತ್ರ ನೀಡಿದ್ದರು.

ಅಂದರೆ ಪ್ರತಿ ಓವರ್​ಗೆ 7 ರನ್​ಗಳ ಸರಾಸರಿಯಲ್ಲಿ ಮಾತ್ರ ರನ್​ ಬಿಟ್ಟುಕೊಟ್ಟಿದ್ದರು. ಅಷ್ಟೇ ಅಲ್ಲದೆ 21 ವಿಕೆಟ್ ಪಡೆಯುವ ಮೂಲಕ ಆರ್​ಸಿಬಿ 4 ವರ್ಷಗಳ ಬಳಿಕ ಮತ್ತೊಮ್ಮೆ ಪ್ಲೇ ಆಫ್ ಪ್ರವೇಶಿಸುವಲ್ಲಿ ಪ್ರಮುಖ ಪಾತ್ರವಹಿಸಿದ್ದರು.

ಇದೀಗ ಐಪಿಎಲ್ ಮತ್ತೊಮ್ಮೆ ಯುಎಇನಲ್ಲಿ ನಡೆಯಲಿದೆ. ಇತ್ತ ಲೆಗ್ ಸ್ಪಿನ್ನರ್ ಕೂಡ ಮತ್ತೊಮ್ಮೆ ಮೋಡಿ ಮಾಡುವ ವಿಶ್ವಾಸದಲ್ಲಿದ್ದಾರೆ. ಅದರಲ್ಲೂ ಈ ಬಾರಿ ಆರ್​ಸಿಬಿ ಬೌಲರ್​ಗಳು ಮಿಂಚಿದರೂ ಚಹಲ್ ನೀರಸ ಪ್ರದರ್ಶನ ನೀಡಿದ್ದರು. ಒಂದೆಡೆ ಸಿರಾಜ್, ಜೇಮಿಸನ್, ಹರ್ಷಲ್ ಪಟೇಲ್ ಮಾರಕ ಬೌಲಿಂಗ್ ದಾಳಿ ಸಂಘಟಿಸುವಲ್ಲಿ ಯಶಸ್ವಿಯಾಗಿದ್ದರು.

ಆದರೆ ಸ್ಪಿನ್ ವಿಭಾಗದಿಂದ ಹೇಳಿಕೊಳ್ಳುವಂತಹ ಪ್ರದರ್ಶನ ಮೂಡಿಬಂದಿರಲಿಲ್ಲ. ಆದರೀಗ ಯುಎಇ ಮೈದಾನದಲ್ಲಿ ಲೆಗ್ ಸ್ಪಿನ್ ಮೋಡಿ ಮಾಡುವ ಚಹಲ್ ಆರ್​ಸಿಬಿ ತಂಡ ಆ ಕೊರತೆಯನ್ನು ನೀಗಿಸಲಿದ್ದಾರೆ. ಅದರೊಂದಿಗೆ ಆರ್​ಸಿಬಿ ತಂಡದ ಬೌಲಿಂಗ್ ವಿಭಾಗ ಮತ್ತಷ್ಟು ಬಲಿಷ್ಠವಾಗಲಿದೆ. ಈ ಮೂಲಕ ಆರ್​ಸಿಬಿಗೆ ಚೊಚ್ಚಲ ಬಾರಿ ಕಪ್ ಗೆದ್ದು ಕೊಡುವ ವಿಶ್ವಾಸದಲ್ಲಿದ್ದಾರೆ ಯುಜುವೇಂದ್ರ ಚಹಲ್.

ಚಹಲ್cha