ABD ಫೇವರೇಟ್​ IPL​ ತಂಡದ ನಾಯಕ ಕೊಹ್ಲಿ ಅಲ್ಲ.. ಮತ್ಯಾರು?

ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಮತ್ತು ದಕ್ಷಿಣ ಆಫ್ರಿಕಾ ತಂಡದ ಮಾಜಿ ಕ್ರಿಕೆಟಿಗ ಎಬಿ ಡಿವಲಿಯರ್ಸ್ ಫ್ರೆಂಡ್​ಶಿಪ್ ಎಲ್ಲರಿಗೂ ಗೊತ್ತಿರುವುದೇ. ಅದರಲ್ಲೂ ಐಪಿಎಲ್​ನಲ್ಲಿ ಇವರಿಬ್ಬರ ಬ್ಯಾಟಿಂಗ್ ಜುಗಲ್​ಬಂದಿಯನ್ನು ವರ್ಣಿಸಲಾಗದು.

ಆರ್​ಸಿಬಿ ತಂಡದ ಆಟಗಾರರು ಮೈದಾನದಲ್ಲಿ ಮಾತ್ರವಲ್ಲ, ಹೊರಗೆ ಕೂಡ ಉತ್ತಮ ಗೆಳೆಯರಾಗಿ ಗುರುತಿಸಿಕೊಂಡಿದ್ದಾರೆ. ಈ ಇಬ್ಬರು ಸ್ಟಾರ್ ಆಟಗಾರರ ಬಗ್ಗೆ ಇಷ್ಟೊಂದು ಪೀಠಿಕೆ ಯಾಕೆಂದರೆ ಎಬಿ ಡಿವಿಲಿಯರ್ಸ್ ತಮ್ಮ ಆಲ್​ಸ್ಟಾರ್ ಐಪಿಎಲ್ ತಂಡವನ್ನು ಪ್ರಕಟಿಸಿದ್ದಾರೆ.

ಆದರೆ ಇಲ್ಲಿ ರಾಯಲ್ ಚಾಲೆಂಜರ್ಸ್​ ತಂಡದ ನಾಯಕ ಕಮ್ ತಮ್ಮ ಫ್ರೆಂಡ್ ವಿರಾಟ್ ಕೊಹ್ಲಿಗೆ ಕಪ್ತಾನನ ಪಟ್ಟ ನೀಡಿಲ್ಲ. ಬದಲಾಗಿ ಚೆನ್ನೈ ಸೂಪರ್ ಕಿಂಗ್ಸ್​ ತಂಡದ ಸಾರಥಿ ಮಹೇಂದ್ರ ಸಿಂಗ್ ಧೋನಿಯನ್ನು ನಾಯಕನಾಗಿ ಆಯ್ಕೆ ಮಾಡಿದ್ದಾರೆ.

ಇನ್ನು ಐಪಿಎಲ್ ನಿಯಮದಂತೆ ಆಲ್​ಟೈಮ್ ಫೇವರೇಟ್ ತಂಡದಲ್ಲೂ ನಾಲ್ಕು ವಿದೇಶಿ ಆಟಗಾರರಿಗೆ ಎಬಿಡಿ ಮಣೆ ಹಾಕಿದ್ದಾರೆ. ಅಂದಹಾಗೆ ಮಿಸ್ಟರ್ 360 ಆರಿಸಿರುವ ಆಲ್​ಟೈಮ್ ಐಪಿಎಲ್​ ಇಲೆವೆನ್ ತಂಡ ಹೀಗಿದೆ.

ಎಂ.ಎಸ್ ಧೋನಿ (ನಾಯಕ)

ವೀರೇಂದ್ರ ಸೆಹ್ವಾಗ್

ರೋಹಿತ್ ಶರ್ಮಾ

ವಿರಾಟ್ ಕೊಹ್ಲಿ

ಎಬಿ ಡಿವಿಲಿಯರ್ಸ್ (ದಕ್ಷಿಣ ಆಫ್ರಿಕಾ)

ಬೆನ್ ಸ್ಟೋಕ್ಸ್ (ಇಂಗ್ಲೆಂಡ್​)

ರವೀಂದ್ರ ಜಡೇಜಾ

ರಶೀದ್ ಖಾನ್ (ಅಫ್ಘಾನಿಸ್ತಾನ್)

ಭುವನೇಶ್ವರ್ ಕುಮಾರ್

ಕಗಿಸೊ ರಬಾಡಾ (ದಕ್ಷಿಣ ಆಫ್ರಿಕಾ)

ಜಸ್​ಪ್ರೀತ್ ಬುಮ್ರಾ

ಇದರೊಂದಿಗೆ ಎಬಿಡಿ ಅವರ ಐಪಿಎಲ್​ನ ನೆಚ್ಚಿನ ನಾಯಕ ಕೂಡ ಧೋನಿ ಎಂಬುದು ಬಹಿರಂಗವಾಗಿದೆ. ಇನ್ನು ಅಂಕಿ-ಅಂಶಗಳ ಲೆಕ್ಕಚಾರದಲ್ಲೂ ಕೊಹ್ಲಿಗಿಂತ ಮಾಹೀ ಐಪಿಎಲ್​ನ ಸರ್ವಶ್ರೇಷ್ಠ ನಾಯಕರಾಗಿ ಗುರುತಿಸಿಕೊಂಡಿದ್ದಾರೆ.

ಸದ್ಯ ಐಪಿಎಲ್ 13ನೇ ಸೀಸನ್​ ಆಯೋಜನೆ ಬಗ್ಗೆ ಚರ್ಚೆಗಳು ನಡೆಯುತ್ತಿದೆ. ಅಕ್ಟೋಬರ್-ನವೆಂಬರ್​ ವೇಳೆ ಭಾರತದಲ್ಲಿ ಸಾಧ್ಯವಾಗದಿದ್ರೆ ವಿದೇಶದಲ್ಲಿ ಇಂಡಿಯನ್ ಪ್ರೀಮಿಯರ್​ ಲೀಗ್ ಆಯೋಜಿಸಲು ಬಿಸಿಸಿಐ ಚಿಂತನೆ ನಡೆಸಿದೆ.

ಅದರೊಂದಿಗೆ ಮತ್ತೆ ಕೊಹ್ಲಿ-ಎಬಿಡಿ ಜುಗಲ್​ಬಂದಿಯನ್ನು ನೋಡುವ ಅವಕಾಶ ಐಪಿಎಲ್​ ಪ್ರೇಮಿಗಳಿಗೆ ಒದಗಿ ಬರಲಿದೆ.