Aaron Finch: ಟಿ20 ಸಿಕ್ಸ್ ಸರದಾರರ ಪಟ್ಟಿಗೆ ಆರೋನ್ ಫಿಂಚ್ ಎಂಟ್ರಿ..!

ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್​ನ ಸಿಕ್ಸರ್ ಸರದಾರರ ಪಟ್ಟಿಗೆ ಆಸ್ಟ್ರೇಲಿಯಾದ ಆರೋನ್ ಫಿಂಚ್ (Aaron Finch) ಎಂಟ್ರಿ ಕೊಟ್ಟಿದ್ದಾರೆ. ನ್ಯೂಜಿಲೆಂಡ್ ವಿರುದ್ಧದ 4ನೇ ಟಿ20 ಪಂದ್ಯದಲ್ಲಿ 4 ಸಿಕ್ಸ್ ಸಿಡಿಸುವ ಮೂಲಕ ಫಿಂಚ್ ಚುಟುಕು ಕ್ರಿಕೆಟ್​ನಲ್ಲಿ 100 ಸಿಕ್ಸ್​ಗಳ ಸಾಧನೆ ಮಾಡಿದರು.

ಅಲ್ಲದೆ ಆಸ್ಟ್ರೇಲಿಯಾ ಪರ ಟಿ20 ಕ್ರಿಕೆಟ್​ನಲ್ಲಿ 100 ಸಿಕ್ಸ್ ಬಾರಿಸಿದ ಮೊದಲ ಬ್ಯಾಟ್ಸ್​ಮನ್​ ಎಂಬ ಹಿರಿಮೆಗೆ ಆರೋನ್ ಫಿಂಚ್ ಪಾತ್ರರಾಗಿದ್ದಾರೆ. 70 ಟಿ20 ಪಂದ್ಯಗಳನ್ನಾಡಿರುವ ಫಿಂಚ್ ಇದುವರೆಗೆ 103 ಸಿಕ್ಸರ್‌ಗಳನ್ನು ಬಾರಿಸಿದ್ದಾರೆ.

ಈ ಮೂಲಕ ಟಿ20 ಕ್ರಿಕೆಟ್​ನ ಸಿಕ್ಸರ್ ಸರದಾರರ ಪಟ್ಟಿಯಲ್ಲಿ 6ನೇ ಸ್ಥಾನದಲ್ಲಿದ್ದಾರೆ. ಇನ್ನು ಈ ಪಟ್ಟಿಯಲ್ಲಿ ನ್ಯೂಜಿಲೆಂಡ್ ಆರಂಭಿಕ ಆಟಗಾರ ಮಾರ್ಟಿನ್ ಗಪ್ಟಿಲ್ ಅಗ್ರಸ್ಥಾನದಲ್ಲಿದ್ದಾರೆ.

ಅಂತರರಾಷ್ಟ್ರೀಯ ಟಿ20 ಕ್ರಿಕೆಟ್​ನಲ್ಲಿ ಅತೀ ಹೆಚ್ಚು ಸಿಕ್ಸರ್ ಸಿಡಿಸಿದ ಆಟಗಾರರ ಪಟ್ಟಿ ಹೀಗಿದೆ.

ಮಾರ್ಟಿನ್ ಗಪ್ಟಿಲ್ (ನ್ಯೂಜಿಲೆಂಡ್): 95 ಇನಿಂಗ್ಸ್​​ - 135 ಸಿಕ್ಸ್​

ರೋಹಿತ್ ಶರ್ಮಾ (ಭಾರತ): 100 ಇನಿಂಗ್ಸ್​ - 127 ಸಿಕ್ಸ್​

ಇಯಾನ್ ಮೋರ್ಗನ್ (ಇಂಗ್ಲೆಂಡ್): 94 ಇನಿಂಗ್ಸ್​ - 113 ಸಿಕ್ಸ್​

ಕಾಲಿನ್ ಮನ್ರೊ (ನ್ಯೂಜಿಲೆಂಡ್) 62 ಇನಿಂಗ್ಸ್​ - 107 ಸಿಕ್ಸ್​

ಆರೋನ್ ಫಿಂಚ್ (Aaron Finch) ( ಆಸ್ಟ್ರೇಲಿಯಾ) 70 ಇನಿಂಗ್ಸ್​ - 103 ಸಿಕ್ಸ್