ಟೀಮ್ ಇಂಡಿಯಾ ವಿರುದ್ಧ ಅತ್ಯಂತ ಯಶಸ್ವಿ ಬ್ಯಾಟ್ಸ್​ಮನ್​ ಯಾರು ಗೊತ್ತಾ?

ಬಲಿಷ್ಠ ಬ್ಯಾಟಿಂಗ್ ಪಡೆ, ಅತ್ಯುತ್ತಮ ಬೌಲಿಂಗ್ ಪಡೆಯನ್ನು ಹೊಂದಿರುವ ಟೀಮ್ ಇಂಡಿಯಾ ವಿಶ್ವದ ಅತ್ಯುತ್ತಮ ತಂಡಗಳಲ್ಲಿ ಒಂದು ಎಂಬುದರಲ್ಲಿ ನೋ ಡೌಟ್.

ಕಳೆದ 2 ದಶಕಗಳಿಂದಲೂ ಅಂತರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಪಾರುಪತ್ಯ ಸಾಧಿಸಿರುವ ಭಾರತ ತಂಡದ ವಿರುದ್ಧ ಅನೇಕ ಬ್ಯಾಟ್ಸ್​ಮನ್​ಗಳು ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಅದರಲ್ಲಿ ಟೀಮ್ ಇಂಡಿಯಾ ವಿರುದ್ಧದ ಏಕದಿನ ಪಂದ್ಯಗಳಲ್ಲಿ ಏಳು ಬ್ಯಾಟ್ಸ್‌ಮನ್‌ಗಳು ಈವರೆಗೆ 2000 ಕ್ಕೂ ಹೆಚ್ಚು ರನ್ ಗಳಿಸಿದ್ದಾರೆ.

ಇನ್ನು 13 ಬ್ಯಾಟ್ಸ್‌ಮನ್‌ಗಳು ಈವರೆಗೆ ಭಾರತದ ವಿರುದ್ಧ ನಾಲ್ಕು ಅಥವಾ ಅದಕ್ಕಿಂತ ಹೆಚ್ಚು ಶತಕಗಳನ್ನು ಸಿಡಿಸಿದ್ದಾರೆ. ಹೀಗೆ ಭಾರತೀಯ ಬೌಲರ್​ಗಳ ವಿರುದ್ಧ ಅಬ್ಬರಿಸಿ ಬೊಬ್ಬಿರಿದು ಅತೀ ಹೆಚ್ಚು ಸೆಂಚುರಿ ಸಿಡಿಸಿದ ಬ್ಯಾಟ್ಸ್​ಮನ್​ಗಳು ಯಾರು ಎಂದು ನೋಡುವುದಾದ್ರೆ...

#4 ಕುಮಾರ್ ಸಂಗಕ್ಕಾರ (ಶ್ರೀಲಂಕಾ): 6 ಶತಕಗಳು

ಶ್ರೀಲಂಕಾದ ಮಾಜಿ ವಿಕೆಟ್ ಕೀಪರ್ ಬ್ಯಾಟ್ಸ್​ಮನ್​ ಕುಮಾರ್ ಸಂಗಕ್ಕಾರ ಭಾರತ ವಿರುದ್ಧದ 76 ಪಂದ್ಯಗಳಲ್ಲಿ 6 ಶತಕಗಳನ್ನು ಬಾರಿಸಿದ್ದಾರೆ. ಹಾಗೆಯೇ 18 ಅರ್ಧಶತಕಗಳನ್ನು ಸಿಡಿಸಿದ್ದಾರೆ. ತಮ್ಮ 71 ಇನ್ನಿಂಗ್ಸ್‌ಗಳಲ್ಲಿ 2700 ರನ್ ಗಳಿಸಿ ಟೀಮ್ ಇಂಡಿಯಾ ವಿರುದ್ಧದ ಯಶಸ್ವಿ ಬ್ಯಾಟ್ಸ್​ಮನ್​ಗಳಲ್ಲಿ ಗುರುತಿಸಿಕೊಂಡಿದ್ದಾರೆ.

#3 ರಿಕಿ ಪಾಂಟಿಂಗ್ (ಆಸ್ಟ್ರೇಲಿಯಾ): 6 ಶತಕಗಳು

ಆಸ್ಟ್ರೇಲಿಯಾದ ಮಾಜಿ ನಾಯಕ ರಿಕಿ ಪಾಂಟಿಂಗ್ ಕೂಡ ಭಾರತದ ವಿರುದ್ಧ 6 ಶತಕಗಳನ್ನು ಸಿಡಿಸಿದ್ದಾರೆ. ಭಾರತ ವಿರುದ್ಧದ 59 ಇನ್ನಿಂಗ್ಸ್‌ಗಳಲ್ಲಿ  2164 ರನ್ ಗಳಿಸಿರುವ ಪಾಂಟಿಂಗ್, 6 ಶತಕ ಹಾಗೂ 9 ಅರ್ಧಶತಕಗಳನ್ನು ಬಾರಿಸಿದ್ದಾರೆ.

#2 ಎಬಿ ಡಿವಿಲಿಯರ್ಸ್ (ದಕ್ಷಿಣ ಆಫ್ರಿಕಾ): 6 ಶತಕಗಳು

ದಕ್ಷಿಣ ಆಫ್ರಿಕಾದ ಸ್ಪೋಟಕ ಬ್ಯಾಟ್ಸ್‌ಮನ್ ಎಬಿ ಡಿವಿಲಿಯರ್ಸ್ ಕೂಡ ಭಾರತದ ವಿರುದ್ಧ ಉತ್ತಮ ದಾಖಲೆ ಹೊಂದಿದ್ದಾರೆ. 6 ಶತಕ ಮತ್ತು 5 ಅರ್ಧಶತಕಗಳನ್ನು ಒಳಗೊಂಡಂತೆ ಡಿವಿಲಿಯರ್ಸ್ ಭಾರತ ವಿರುದ್ಧದ 32 ಪಂದ್ಯಗಳಲ್ಲಿ 1357 ರನ್ ಗಳಿಸಿದ್ದಾರೆ.

#1 ಸನತ್ ಜಯಸೂರ್ಯ (ಶ್ರೀಲಂಕಾ): 7 ಶತಕಗಳು

ಶ್ರೀಲಂಕಾದ ಶ್ರೇಷ್ಠ ಬ್ಯಾಟ್ಸ್‌ಮನ್‌ಗಳಲ್ಲಿ ಒಬ್ಬರಾದ ಸನತ್ ಜಯಸೂರ್ಯ ಭಾರತದ ವಿರುದ್ಧ ಗರಿಷ್ಠ 7 ಏಕದಿನ ಶತಕಗಳನ್ನು ಗಳಿಸಿದ್ದಾರೆ. ಟೀಮ್ ಇಂಡಿಯಾ ವಿರುದ್ಧದ  89 ಪಂದ್ಯಗಳ  85 ಇನ್ನಿಂಗ್ಸ್‌ಗಳಲ್ಲಿ  7 ಶತಕಗಳು ಮತ್ತು 14 ಅರ್ಧಶತಕಗಳು ಒಳಗೊಂಡಂತೆ ಸನತ್ ಜಯಸೂರ್ಯ 2899 ರನ್ ಗಳಿಸಿದ್ದಾರೆ. ಈ ಮೂಲಕ ಭಾರತದ ವಿರುದ್ಧದ ಅತ್ಯಂತ ಯಶಸ್ವಿ ಬ್ಯಾಟ್ಸ್​ಮನ್ ಎನಿಸಿಕೊಂಡಿದ್ದಾರೆ.

ಇನ್ನು ಭಾರತದ ವಿರುದ್ಧ 2000ಕ್ಕೂ ಅಧಿಕ ರನ್ ಸಿಡಿಸಿದ ಆಟಗಾರರ ಪಟ್ಟಿ ನೋಡುವುದಾದ್ರೆ...

1- ಸನತ್ ಜಯಸೂರ್ಯ (2899 ರನ್)

2- ಕುಮಾರ್ ಸಂಗಕ್ಕಾರ (2700 ರನ್)

3- ಮಹೇಲಾ ಜಯವರ್ಧನೆ (2666 ರನ್)

4- ಇಂಜಮಾಮ್-ಉಲ್-ಹಕ್ (2403 ರನ್)

5- ತಿಲಕರತ್ನೆ ದಿಲ್ಶನ್ (2255 ರನ್)

6- ರಿಕಿ ಪಾಂಟಿಂಗ್ (2164 ರನ್)

7- ಸಯೀದ್ ಅನ್ವರ್ (2002 ರನ್).