Cheteshwar Pujara: 1441 ದಿನವಾದ್ರೂ ನನಸಾಗದ ಪೂಜಾರ ಕನಸು, ಇದೆಂಥಾ ಬ್ಯಾಡ್​ ಲಕ್​ ಅಂದ್ರು ಫ್ಯಾನ್ಸ್

ಜಹೂರ್ ಅಹ್ಮದ್ ಚೌಧರಿ ಸ್ಟೇಡಿಯಂನಲ್ಲಿ ಆತಿಥೇಯ ಬಾಂಗ್ಲಾದೇಶ ವಿರುದ್ಧದ 2 ಪಂದ್ಯಗಳ ಸರಣಿಯ (IND vs BAN) ಮೊದಲ ಟೆಸ್ಟ್‌ನ ಮೊದಲ ಇನ್ನಿಂಗ್ಸ್‌ನಲ್ಲಿ ಚೇತೇಶ್ವರ ಪೂಜಾರ 203 ಎಸೆತಗಳಲ್ಲಿ 11 ಬೌಂಡರಿಗಳ ಸಹಾಯದಿಂದ 90 ರನ್ ಗಳಿಸಿದರು. ಮತ್ತೆ ಪೂಜಾರ ನರ್ವಸ್ ನೈಂಟಿಯಲ್ಲಿ ಔಟಾದರು. ಇದರಿಂದಾಗಿ 1441 ದಿನಗಳಿಂದ ಕಾಡುತ್ತಿರುವ ಶತಕಗಳ ಬರಕ್ಕೆ ಇನ್ನೂ ಪೂರ್ಣವಿರಾಮ ಬಿದ್ದಿಲ್ಲ.

ಪೂಜಾರ ತಮ್ಮ ಕೊನೆಯ ಶತಕವನ್ನು ಜನವರಿ 3, 2019 ರಂದು ಆತಿಥೇಯ ಆಸ್ಟ್ರೇಲಿಯಾ ವಿರುದ್ಧ ಸಿಡ್ನಿ ಟೆಸ್ಟ್‌ನಲ್ಲಿ ಗಳಿಸಿದರು. ಅಂದಿನಿಂದ ಅವರು ಶತಕಕ್ಕಾಗಿ ಕಾಯುತ್ತಿದ್ದಾರೆ. ಅವರು ಚಿತ್ತಗಾಂಗ್‌ನಲ್ಲಿ ಬಾಂಗ್ಲಾದೇಶದ ವಿರುದ್ಧ 10 ರನ್‌ಗಳಿಂದ ತಮ್ಮ 19 ನೇ ಟೆಸ್ಟ್ ಶತಕವನ್ನು ಕಳೆದುಕೊಂಡರು.

ಪೂಜಾರ ಟೆಸ್ಟ್‌ನಲ್ಲಿ ತಮ್ಮ 34ನೇ ಅರ್ಧಶತಕವನ್ನು ದಾಖಲಿಸಿದ್ದಾರೆ. ಇದು 2022ರಲ್ಲಿ ಪೂಜಾರ ಅವರ ಮೂರನೇ ಅರ್ಧಶತಕವಾಗಿದೆ. ಪೂಜಾರ ತಾಳ್ಮೆಯಿಂದ ಬ್ಯಾಟಿಂಗ್ ಮಾಡಿದರು. ಟೆಸ್ಟ್ ಪಂದ್ಯಕ್ಕೂ ಮುನ್ನ ಪೂಜಾರ ಮುಖ್ಯ ಕೋಚ್ ರಾಹುಲ್ ದ್ರಾವಿಡ್ ಅವರೊಂದಿಗೆ ನೆಟ್ಸ್‌ನಲ್ಲಿ ಕಳೆದ ಸಮಯ ಅವರ ಇನ್ನಿಂಗ್ಸ್‌ನಲ್ಲಿ ಸ್ಪಷ್ಟವಾಗಿ ಕಾಣುತ್ತಿತ್ತು.

ಪೂಜಾರ ಜನವರಿ 3, 2019 ರಿಂದ 28 ಟೆಸ್ಟ್ ಪಂದ್ಯಗಳನ್ನು ಆಡಿದ್ದಾರೆ. ಆದಾಗ್ಯೂ, ಈ ಅವಧಿಯಲ್ಲಿ ಅವರು ಮೂರು ಅಂಕಿಗಳನ್ನು ತಲುಪಲು ವಿಫಲರಾಗಿದ್ದಾರೆ. ಅಂದರೆ 2021ರಲ್ಲಿ ಇಂಗ್ಲೆಂಡ್ ವಿರುದ್ಧ 91 ರನ್‌ಗಳ ಇನ್ನಿಂಗ್ಸ್‌ ಆಡಿದ್ದರು. ಇದು 2019 ರಿಂದ ಪೂಜಾರ ಅವರ ಅತ್ಯುತ್ತಮ ಸ್ಕೋರ್ ಆಗಿದೆ.

ಫೆಬ್ರವರಿ 2019 ರಿಂದ 29 ಟೆಸ್ಟ್ ಪಂದ್ಯಗಳನ್ನು ಆಡಿರುವ ಚೇತೇಶ್ವರ್ ಪೂಜಾರ ಅವರು 27.87 ರ ಸರಾಸರಿಯಲ್ಲಿ ಒಟ್ಟು 1366 ರನ್ ಗಳಿಸಿದ್ದಾರೆ. ಬಾಂಗ್ಲಾದೇಶ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ 90 ರನ್ ಗಳಿಸಿ ತಂಡ ಬೃಹತ್ ಮೊತ್ತ ಕಲೆಹಾಕುವಲ್ಲಿ ಸಹಾಯಕರಾದರು.

ಟೀಂ ಇಂಡಿಯಾ 46 ರನ್ ಗಳಿಸುವಷ್ಟರಲ್ಲಿ 3 ವಿಕೆಟ್ ಕಳೆದುಕೊಂಡಿತ್ತು. ಆ ಬಳಿಕ ಪಂತ್ ಹಾಗೂ ಶ್ರೇಯಸ್ ಅಯ್ಯರ್ ಜೊತೆಗೂಡಿ ಉತ್ತಮ ಜೊತೆಯಾಟ ನೀಡಿದ ಪೂಜಾರ ಟೀಂ ಇಂಡಿಯಾ ಇನ್ನಿಂಗ್ಸ್ ಕಟ್ಟುವಲ್ಲಿ ಪ್ರಮುಖರಾದರು.

ನಾಲ್ಕನೇ ವಿಕೆಟ್‌ಗೆ ವಿಕೆಟ್‌ಕೀಪರ್ ರಿಷಭ್ ಪಂತ್ ಜೊತೆಗೆ ಪೂಜಾರ 64 ರನ್​ಗಳ ಹಾಗೂ ಪೂಜಾರ ಶ್ರೇಯಸ್ ಅಯ್ಯರ್ ಜೊತೆ 149 ರನ್ ಜೊತೆಯಾಟ ನಡೆಸಿದರು.

ಪೂಜಾರ ಟೆಸ್ಟ್‌ನಲ್ಲಿ ರನ್‌ಗಳ ವಿಷಯದಲ್ಲಿ ದಿಲೀಪ್ ವೆಂಗ್‌ಸರ್ಕರ್‌ರನ್ನು ಮೀರಿಸಿದ್ದಾರೆ. ಪೂಜಾರ ಇದುವರೆಗೆ ಟೆಸ್ಟ್‌ನಲ್ಲಿ 6882 ರನ್ ಗಳಿಸಿದ್ದಾರೆ. ಅವರು ಭಾರತದ ಪರ ಅತಿ ಹೆಚ್ಚು ಟೆಸ್ಟ್ ರನ್ ಗಳಿಸಿದ ಆಟಗಾರರಾಗಿ 8ನೇ ಸ್ಥಾಣಕ್ಕೆ ಜಿಗಿದಿದ್ದಾರೆ. ಪ್ರಸ್ತುತ ಭಾರತದ ಆಟಗಾರರ ಪೈಕಿ ವಿರಾಟ್ ಕೊಹ್ಲಿ ಮಾತ್ರ ಪೂಜಾರಗಿಂತ ಮುಂದಿದ್ದಾರೆ.ವಿರಾಟ್ ಇದುವರೆಗೆ 8075 ರನ್ ಗಳಿಸಿದ್ದಾರೆ.