Rohit Sharma: ಟೆಸ್ಟ್​ ನಾಯಕತ್ವವನ್ನೂ ಕಳೆದುಕೊಳ್ತಾರಾ ರೋಹಿತ್? ಮಹತ್ವದ ನಿರ್ಧಾರಕ್ಕೆ ಮುಂದಾದ ಬಿಸಿಸಿಐ!

ಬಾರ್ಡರ್-ಗವಾಸ್ಕರ್ ಟ್ರೋಫಿಗೆ ಟೀಂ ಇಂಡಿಯಾ ಸಜ್ಜಾಗುತ್ತಿದೆ. ಇನ್ನೊಂದೆಡೆ ರೋಹಿತ್ ಶರ್ಮಾ ಅವರ ಟೆಸ್ಟ್ ನಾಯಕತ್ವ ಸಂಕಷ್ಟದಲ್ಲಿದೆ. ವಿರಾಟ್ ಕೊಹ್ಲಿಯಿಂದ ನಾಯಕತ್ವವನ್ನು ವಹಿಸಿಕೊಂಡ ನಂತರ, ರೋಹಿತ್ ಎರಡು ಪ್ರಮುಖ ಐಸಿಸಿ ಪಂದ್ಯಾವಳಿಗಳಲ್ಲಿ ಏಷ್ಯಾ ಕಪ್ ಮತ್ತು ಟಿ 20 ವಿಶ್ವಕಪ್‌ನಲ್ಲಿ ಭಾರತ ತಂಡವನ್ನು ಮುನ್ನಡೆಸಿದರು.

ಆದರೆ ರೋಹಿತ್ ಪ್ರಮುಖ 2 ಐಸಿಸಿ ಟೂರ್ನಿಗಳಲ್ಲಿ ಯಾವುದೇ ಫಲಿತಾಂಸ ತರುವಲ್ಲಿ ವಿಫಲರಾಗಿದ್ದಾರೆ. ಇದರೊಂದಿಗೆ ಆಸ್ಟ್ರೇಲಿಯಾ ವಿರುದ್ಧದ ಸರಣಿ ರೋಹಿತ್ ಅವರ ಟೆಸ್ಟ್ ನಾಯಕತ್ವಕ್ಕೆ ಕಠಿಣ ಸವಾಲಾಗಿ ಪರಿಣಮಿಸಿದೆ.

ಇದೇ ತಿಂಗಳ 9ರಿಂದ ಆರಂಭವಾಗಲಿರುವ ಬಾರ್ಡರ್​ ಗವಾಸ್ಕರ್ ಸರಣಿಯನ್ನು ಗೆಲ್ಲುವುದರ ಜೊತೆಗೆ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್‌ನಲ್ಲಿ ಟೀಂ ಇಂಡಿಯಾ ಗೆಲ್ಲಲೇಬೇಕು. ಹೀಗಾದರೆ ಹಿಟ್​ಮ್ಯಾನ್ ಇನ್ನೂ ಕೆಲವು ದಿನಗಳ ಕಾಲ ಟೆಸ್ಟ್ ನಾಯಕನಾಗಿ ಮುಂದುವರಿಯುತ್ತಾರೆ ಇಲ್ಲವಾದಲ್ಲಿ ಅವರ ಜಾಗಕ್ಕೆ ಕೆಎಲ್ ರಾಹುಲ್ ಅಥವಾ ಬೇರೆಯವರು ಬರಬಹುದು. ಬಿಸಿಸಿಐ ಈಗಾಗಲೇ ಈ ವಿಷಯವನ್ನು ರೋಹಿತ್ ಅವರ ಗಮನಕ್ಕೆ ತಂದಿದೆಯಂತೆ.

2013ರಲ್ಲಿ ಭಾರತ ಕೊನೆಯ ಬಾರಿಗೆ ಐಸಿಸಿ ಟ್ರೋಫಿ ಗೆದ್ದಿತ್ತು. ಅದರ ನಂತರ, 2018 ರಲ್ಲಿ, ಅವರು ಏಷ್ಯಾ ಕಪ್ ಅನ್ನು ಗೆದ್ದರು. ರೋಹಿತ್ ನಾಯಕರಾದ ನಂತರ.. ದ್ವಿಪಕ್ಷೀಯ ಸರಣಿಯಲ್ಲಿ ಟೀಂ ಇಂಡಿಯಾ ಸೂಪರ್ ಪ್ರದರ್ಶನ ನೀಡುತ್ತಿದೆ. ಏಕದಿನ ಮತ್ತು ಟಿ20ಯಲ್ಲಿ ಭಾರತ ನಂಬರ್ ಒನ್ ರ‍್ಯಾಂಕಿಂಗ್ ಗಳಿಸಿದೆ.

ದ್ವಿಪಕ್ಷೀಯ ಸರಣಿಯಲ್ಲಿ ಎಷ್ಟೇ ಉತ್ತಮವಾಗಿದ್ದರೂ, ಐಸಿಸಿ ಟ್ರೋಫಿ ವೇಳೆ ಭಾರತ ನಿರೀಕ್ಷಿತ ಪ್ರದರ್ನಶ ನೀಡುತ್ತಿಲ್ಲ. ಹೀಗಾಗಿ ಬಿಸಿಸಿಐ ಕೂಡ ಐಸಿಸಿ ಟ್ರೋಫಿಗಾಗಿ ಕಾತರದಿಂದ ಕಾಯುತ್ತಿದೆ.

ಸದ್ಯದ ಪರಿಸ್ಥಿತಿಯಲ್ಲಿ ಮತ್ತೊಂದು ಐಸಿಸಿ ಟ್ರೋಫಿ ಕಳೆದುಕೊಳ್ಳಲು ಸಾಧ್ಯವಿಲ್ಲ ಎಂದು ರೋಹಿತ್‌ಗೆ ಈಗಾಗಲೇ ಹೇಳಿರುವುದಾಗಿ ಬಿಸಿಸಿಐ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ನಾವು ವಿಶ್ವಕಪ್ ಗೆಲ್ಲದಿದ್ದರೆ, ದ್ವಿಪಕ್ಷೀಯ ಸರಣಿಯಲ್ಲಿ ನಾವು ಗಳಿಸಿದ ಎಲ್ಲಾ ಗೆಲುವುಗಳು ವ್ಯರ್ಥವಾಗುತ್ತವೆ.

ವಾಸ್ತವವಾಗಿ, 2021-23ರ WTC ಫೈನಲ್‌ನೊಂದಿಗೆ ಕೊನೆಗೊಳ್ಳುತ್ತಿದ್ದಂತೆ, ಹೊಸ ನಾಯಕತ್ವದಲ್ಲಿ 2023-25ನ್ನು ಪ್ರಾರಂಭಿಸಲು BCCI ಆಶಿಸುತ್ತಿದೆ.

ನಾಯಕತ್ವ ಬದಲಾವಣೆಯ ಬಗ್ಗೆ ಯಾವುದೇ ಚರ್ಚೆ ಇಲ್ಲ. ಆದರೆ ಹೊಸ ವರ್ಷದಲ್ಲಿ ನಾಯಕನಾಗಿ ಮುಂದುವರಿಯಲು, ರೋಹಿತ್ ಶರ್ಮಾ ಅವರು ಟೆಸ್ಟ್​ ವಿಶ್ವಕಪ್​ನ ಫಲಿತಾಂಶದ ಮೇಲೆ ಹೆಚ್ಚು ಅವಲಂಭಿತರಾಗಿದ್ದಾರೆ.

ಬಹುನಿರೀಕ್ಷಿತ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ 2021-23 ಫೈನಲ್​ನ ದಿನಾಂಕ ಮತ್ತು ಆಟ ನಡೆಯಲಿರುವ ಸ್ಥಳದ ಬಗ್ಗೆ ಐಸಿಸಿ ಬಹಿರಂಗಪಡೆಸಿದೆ. ಈ ಟೆಸ್ಟ್​ ವಿಶ್ವಕಪ್​ ಪಂದ್ಯವು ಲಂಡನ್​ನ ಓವೆಲ್​ನಲ್ಲಿ ಜೂನ್​ 7ರಿಂದ 11ರ ವರೆಗೆ ನಡೆಯಲಿದೆ.