Fights In IPL: ಕೊಹ್ಲಿ-ಗಂಭೀರ್ ಗಲಾಟೆ ಏನೂ ಅಲ್ಲ, ಐಪಿಎಲ್‌ ಅಂಗಳದಲ್ಲಿ ನಡೆದಿತ್ತು ಇದಕ್ಕಿಂತ ಬಿಗ್ ಫೈಟ್! ಹಿಸ್ಟರಿ ನೋಡಿದ್ರೆ ಶಾಕ್ ಆಗುತ್ತೆ

ಐಪಿಎಲ್ ವಿಶ್ವದ ಅತ್ಯಂತ ಯಶಸ್ವಿ ಪಂದ್ಯಾವಳಿಯಾಗಿದೆ. ಸದ್ಯ ಐಪಿಎಲ್ 16ನೇ ಸೀಸನ್ ನಡೆಯುತ್ತಿದೆ. ಪ್ರತಿ ಋತುವಿನಲ್ಲಿ ಐಪಿಎಲ್ ಕ್ರೇಜ್ ಹೆಚ್ಚಾಗುತ್ತಿದೆ. ಇವುಗಳ ಜೊತೆಗೆ ಐಪಿಎಲ್ ಇತಿಹಾಸದಲ್ಲಿ ಹಲವು ವಿವಾದಗಳು ನಡೆದಿವೆ. ಈಗ ಇತ್ತೀಚಿನ ಕೊಹ್ಲಿ ಮತ್ತು ಗಂಭೀರ್ ವಾಗ್ವಾದದಿಂದ ಮೊದಲ ಆವೃತ್ತಿಯಲ್ಲಿ ವಾರ್ನ್ ಮತ್ತು ಗಂಗೂಲಿ ಅವರ ಮಾತಿನ ಯುದ್ಧದವರೆಗೆ ಆಟಗಾರರ ನಡುವಿನ ಜಗಳ ಬಗ್ಗೆ ನೋಡೋಣ ಬನ್ನಿ.

ಕೊಹ್ಲಿ vs ಗೌತಮ್ ಗಂಭೀರ್ : ಇತ್ತೀಚೆಗೆ, ಲಕ್ನೋದಲ್ಲಿ ಐಪಿಎಲ್ 2023 ಪಂದ್ಯದ ನಂತರ ವಿರಾಟ್ ಕೊಹ್ಲಿ ಮತ್ತು ಗೌತಮ್ ಗಂಭೀರ್ ನಡುವೆ ವಾಗ್ವಾದ ನಡೆಯಿತು. ಎಲ್‌ಎಸ್‌ಜಿ ಬೌಲರ್ ನವೀನ್-ಉಲ್-ಹಕ್ ಮತ್ತು ಕೊಹ್ಲಿ ನಡುವೆ ವಿವಾದ ಆರಂಭವಾಯಿತು. ಕೊಹ್ಲಿ ಕೂಡ ಅವರಿಗೆ ದಿಟ್ಟ ಉತ್ತರ ನೀಡಿದರು. ಅದಲ್ಲದೆ, ಹಿಂದಿನ ಪಂದ್ಯದಲ್ಲಿ ಲಕ್ನೋ ಗೆದ್ದಾಗ ಗಂಭೀರ್ ಅವರ ಹಾವಭಾವಗಳನ್ನು ಉಲ್ಲೇಖಿಸಿ ಕೊಹ್ಲಿ ಪ್ರತಿಕ್ರಿಯಿಸಿದರು. ಕೊಹ್ಲಿ ಮತ್ತು ಗಂಭೀರ್‌ಗೆ ಪಂದ್ಯದ ಶುಲ್ಕದ ಶೇಕಡಾ 100ರಷ್ಟು ದಂಡ ವಿಧಿಸಲಾಗಿದೆ.

ಹೃತಿಕ್ ಶೋಕೀನ್ vs ನಿತೀಶ್ ರಾಣಾ: 2023ರ ಐಪಿಎಲ್ ಆವೃತ್ತಿಯಲ್ಲಿ, ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತು ಮುಂಬೈ ಇಂಡಿಯನ್ಸ್ ನಡುವಿನ ಪಂದ್ಯದ ವೇಳೆ ಕೆಕೆಆರ್ ನಾಯಕ ನಿತೀಶ್ ರಾಣಾ ಮತ್ತು ಮುಂಬೈ ಸ್ಪಿನ್ನರ್ ಹೃತಿಕ್ ಶೋಕೀನ್ ನಡುವೆ ತೀವ್ರ ವಾಗ್ವಾದ ನಡೆಯಿತು. ಇಬ್ಬರೂ ಆಟಗಾರರಿಗೆ ದಂಡ ವಿಧಿಸಲಾಗಿತ್ತು.

ಧೋನಿ vs ಅಂಪೈರ್‌ಗಳು: ಕ್ಯಾಪ್ಟನ್ ಕೂಲ್ ಎಂಎಸ್ ಧೋನಿ ಐಪಿಎಲ್ 2019ರಲ್ಲಿ ಅಂಪೈರ್‌ಗಳ ನಿರ್ಧಾರದ ಬಗ್ಗೆ ತಮ್ಮ ಕೋಪವನ್ನು ವ್ಯಕ್ತಪಡಿಸಿ ಮೈದಾನಕ್ಕೆ ಎಂಟ್ರಿ ಕೊಟ್ಟಿದ್ದರು. ಡಗೌಟ್‌ನಿಂದ ಧೋನಿ ಕೋಪದಿಂದ ಮೈದಾನಕ್ಕೆ ಬಂದು ಅಂಪೈರ್‌ಗಳೊಂದಿಗೆ ವಾಗ್ವಾದಕ್ಕಿಳಿದಿದ್ದರು. ಇದು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿತ್ತು.

ಹರ್ಭಜನ್ vs ರಾಯುಡು: ಐಪಿಎಲ್ 2016ರ ಮುಂಬೈ ಇಂಡಿಯನ್ಸ್ ಮತ್ತು ರೈಸಿಂಗ್ ಪುಣೆ ಸೂಪರ್‌ಜೈಂಟ್ ನಡುವೆ ಪುಣೆಯಲ್ಲಿ ನಡೆದ ಪಂದ್ಯದಲ್ಲಿ ಮುಂಬೈನ ಹರ್ಭಜನ್ ಸಿಂಗ್ ಮತ್ತು ಅಂಬಟಿ ರಾಯುಡು ನಡುವೆ ಸಣ್ಣ ವಿವಾದ ನಡೆಯಿತು. ಪುಣೆ ಇನ್ನಿಂಗ್ಸ್‌ನ 11ನೇ ಓವರ್‌ನಲ್ಲಿ ಹರ್ಭಜನ್ ಬೌಲಿಂಗ್‌ಗೆ ಬೌಂಡರಿ ಬಾರಿಸುವುದನ್ನು ತಡೆಯಲು ರಾಯುಡು ವಿಫಲರಾದರು. ಹರ್ಭಜನ್ ಅವರನ್ನು ನಿಂದಿಸಿದರು. ರಾಯುಡು ಸಹ ಇದಕ್ಕೆ ತಕ್ಕ ಉತ್ತರ ನೀಡಿದರು.

ಪೊಲಾರ್ಡ್ vs ಮಿಚೆಲ್ ಸ್ಟಾರ್ಕ್: ಮುಂಬೈ ಇಂಡಿಯನ್ಸ್ ಬ್ಯಾಟ್ಸ್‌ಮನ್ ಕೀರನ್ ಪೊಲಾರ್ಡ್ ಮತ್ತು RCB ಬೌಲರ್ ಮಿಚೆಲ್ ಸ್ಟಾರ್ಕ್ IPL 2014 ರಲ್ಲಿ ಜಗಳವಾಡಿದ್ದರು. ಪೊಲಾರ್ಡ್ ಬ್ಯಾಟಿಂಗ್ ಮಾಡುವಾಗ ಬೌನ್ಸರ್ ಬೌಲ್ ಮಾಡಿದ ನಂತರ ಸ್ಟಾರ್ಕ್ ಕೆಲವು ಮಾತುಗಳನ್ನು ಹೇಳಿದರು. ಜೊತೆಗೆ ಪೊಲಾರ್ಡ್ ಬ್ಯಾಟ್ ಎಸೆದ ಸನ್ನಿವೇಶ ಎಲ್ಲರನ್ನೂ ಅಚ್ಚರಿಗೊಳಿಸಿತ್ತು.

ಹರ್ಭಜನ್ ಸಿಂಗ್ vs ಶ್ರೀಶಾಂತ್: ಮೊಹಾಲಿಯಲ್ಲಿ ನಡೆದ ಐಪಿಎಲ್ 2008 ಪಂದ್ಯದ ನಂತರ ಮುಂಬೈ ಇಂಡಿಯನ್ಸ್ ಆಫ್ ಸ್ಪಿನ್ನರ್ ಹರ್ಭಜನ್ ಸಿಂಗ್ ಕಿಂಗ್ಸ್ ಇಲೆವೆನ್ ಬೌಲರ್ ಶ್ರೀಶಾಂತ್ ಅವರಿಗೆ ಕಪಾಳಮೋಕ್ಷ ಮಾಡಿದ್ದರು. ಶ್ರೀಶಾಂತ್ ಅವರ ಕಣ್ಣೀರಿನ ಚಿತ್ರಗಳು ವೈರಲ್ ಆಗಿತ್ತು. ಈ ಘಟನೆಯು 'ಸ್ಲ್ಯಾಪ್‌ಗೇಟ್' ಎಂದು ಜನಪ್ರಿಯವಾಯಿತು.

ಗಂಗೂಲಿ vs ಶೇನ್ ವಾರ್ನ್: 2008ರ ಐಪಿಎಲ್‌ನ ಉದ್ಘಾಟನಾ ಆವೃತ್ತಿಯಲ್ಲಿ, ಕೋಲ್ಕತ್ತಾ ನೈಟ್ ರೈಡರ್ಸ್ ಬ್ಯಾಟ್ಸ್‌ಮನ್ ಸೌರವ್ ಗಂಗೂಲಿ ಮತ್ತು ರಾಜಸ್ಥಾನ ರಾಯಲ್ಸ್ ನಾಯಕ ಶೇನ್ ವಾರ್ನ್ ನಡುವೆ ದೊಡ್ಡ ಹಣಾಹಣಿ ನಡೆದಿತ್ತು.ಇಬ್ಬರಿಗೂ ಪಂದ್ಯ ಶುಲ್ಕದ ಶೇ.10ರಷ್ಟು ದಂಡ ವಿಧಿಸಲಾಗಿತ್ತು.