Ajinkya Rahane: ರಹಾನೆ ಮಗನ ಹೆಸರು ಸಖತ್​ ಕ್ಯೂಟ್​, ಎಷ್ಟು ಚಂದ ಅಲ್ವಾ ಅಂತಿದ್ದಾರೆ ಫ್ಯಾನ್ಸ್

ಭಾರತದ ಬ್ಯಾಟ್ಸ್‌ಮನ್ ಅಜಿಂಕ್ಯ ರಹಾನೆ ಕೆಲವು ತಿಂಗಳ ಹಿಂದೆಯಷ್ಟೇ 2ನೇ ಮಗುವಿನ ತಂದೆಯಾದರು. ಈ ಮಾಹಿತಿಯನ್ನು ರಹಾನೆ ಈಗಾಗಲೇ ತಮ್ಮ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದರು, ಆದರೆ ಇದೀಗ ಅವರು ತಮ್ಮ ಮಗನ ಫೋಟೋವನ್ನು ಹಂಚಿಕೊಂಡಿದ್ದಾರೆ. ರಹಾನೆ ಪತ್ನಿ ರಾಧಿಕಾ ಧೋಪಾವ್ಕರ್ ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್‌ನಲ್ಲಿ ಮಗನ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಇದರೊಂದಿಗೆ ಮಗನ ಹೆಸರನ್ನೂ ಬಹಿರಂಗಪಡಿಸಿದ್ದಾರೆ.

ರಾಧಿಕಾ ತನ್ನ ಮಗನ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ, ಅದರಲ್ಲಿ ಮಗ ಮತ್ತು ಮಗಳು ಇಬ್ಬರೂ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರಗಗಳ ಜೊತೆಗೆ, ಎರಡನೇ ಮಗುವಿನ ಹೆಸರನ್ನೂ ರಿವೀಲ್​ ಮಾಡಿದ್ದಾರೆ. ತಮ್ಮ 2ನೇ ಮಗುವಿಗೆ ‘ರಾಘವ್ ರಹಾನೆ‘ ಎಂದು ಹೆಸರಿಟ್ಟಿರುವುದಾಗಿ ಬರೆದುಕೊಂಡಿದ್ದಾರೆ.

ಅಜಿಂಕ್ಯ ರಹಾನೆ ಅವರ ಮಗ 5 ಅಕ್ಟೋಬರ್ 2022 ರಂದು ಜನಿಸಿದರು. ಇದು ಅಜಿಂಕ್ಯ ಮತ್ತು ರಾಧಿಕಾ ದಂಪತಿಗೆ ಎರಡನೇ ಮಗು. ಮೊದಲು ಈ ದಂಪತಿಗಳು 5 ಅಕ್ಟೋಬರ್ 2019 ರಂದು ಮೊದಲ ಮಗುವಿನ ದಂಪತಿಗಳಾಗಿದ್ದರು. ರಹಾನೆ ತಮ್ಮ ಮಗಳಿಗೆ ಆರ್ಯ ಎಂದು ಹೆಸರಿಟ್ಟಿದ್ದಾರೆ. ರಹಾನೆ ಅವರ ಮಕ್ಕಳಿಬ್ಬರ ಜನ್ಮದಿನಗಳು ಒಂದೇ ದಿನ ಅಂದರೆ ಅಕ್ಟೋಬರ್ 5ರಂದು.

ಅಜಿಂಕ್ಯ ರಹಾನೆ ಮತ್ತು ರಾಧಿಕಾ ಧೋಪಾವ್ಕರ್ 26 ಸೆಪ್ಟೆಂಬರ್ 2014 ರಂದು ವಿವಾಹವಾದರು. ಅಜಿಂಕ್ಯ ರಹಾನೆ ಮತ್ತು ರಾಧಿಕಾ ಧೋಪಾವ್ಕರ್ ಅವರ ಪ್ರೇಮಕಥೆಯು ನಿಮಗೆ ಹಳೆಯ ಬಾಲಿವುಡ್ ಚಲನಚಿತ್ರಗಳನ್ನು ನೆನಪಿಸುತ್ತದೆ. ಹೌದು, ಅಜಿಂಕ್ಯ ಮತ್ತು ರಾಧಿಕಾ ಇಬ್ಬರೂ ಅಕ್ಕಪಕ್ಕದ ಮನೆಯವರು. ನಂತರ ಪ್ರೀತಿಸಿ ಮದುವೆ ಆದರು.

ಇನ್ನು, ಅಜಿಂಕ್ಯ ರಹಾನೆ ಮತ್ತು ರಾಧಿಕಾ ಧೋಪಾವ್ಕರ್ ಸ್ವಭಾವತಃ ಸಂಪೂರ್ಣವಾಗಿ ವಿರುದ್ಧವಾಗಿದ್ದರು, ಆದರೆ ಅವರು ಉತ್ತಮ ಸ್ನೇಹಿತರಾದರು. ಅಜಿಂಕ್ಯ ರಹಾನೆ ಮೊದಲಿನಿಂದಲೂ ಸ್ವಲ್ಪ ನಾಚಿಕೆಯ ಸ್ವಭಾವದವರಂತೆ.

ಬಳಿಕ ಅಜಿಂಕ್ಯ ರಹಾನೆ ಮತ್ತು ರಾಧಿಕಾ ಧೋಪಾವ್ಕರ್ ಅವರ ಕುಟುಂಬಗಳು ಇವರಿಬ್ಬರ ಪ್ರೀತಿಯನ್ನು ಒಪ್ಪಿಕೊಂಡರು. ಬಳಿಕ ಈ ಜೋಡಿ ಅದ್ಧೂರಿಯಾಗಿ ವಿವಾಹವಾದರು.

ಅಜಿಂಕ್ಯ ರಹಾನೆ ಮತ್ತು ರಾಧಿಕಾ ಧೋಪಾವ್ಕರ್ ಮುಂಬೈನಲ್ಲಿ 26 ನವೆಂಬರ್ 2014 ರಂದು ಅದ್ಧೂರಿಯಾಗಿ ವಿವಾಹವಾದರು. ಮದುವೆಯಲ್ಲಿ ಅನೇಕ ಸಹ ಕ್ರಿಕೆಟಿಗರು ಮತ್ತು ಬಿಸಿಸಿಐ ಸದಸ್ಯರು ಉಪಸ್ಥಿತರಿದ್ದರು. ಮದುವೆಗೆ ವಧು-ವರರು ಮಹಾರಾಷ್ಟ್ರ ಶೈಲಿಯ ಬಟ್ಟೆಗಳನ್ನು ಧರಿಸಿದ್ದರು. ರಾಧಿಕಾ ಹಳದಿ ಮತ್ತು ಹಸಿರು ಬಣ್ಣದ ಸೀರೆ ಉಟ್ಟಿದ್ದರು. ಅಜಿಂಕ್ಯಾ ಹಸಿರು ಪೈಜಾಮಾದೊಂದಿಗೆ ಬೀಜ್ ಮತ್ತು ಗೋಲ್ಡನ್ ಶೆರ್ವಾನಿ ಧರಿಸಿದ್ದರು.

ಅಜಿಂಕ್ಯ ರಹಾನೆ ಪ್ರಸ್ತುತ ಮೂರು ಮಾದರಿಗಳಲ್ಲಿ ಭಾರತ ತಂಡದ ಭಾಗವಾಗಿಲ್ಲ. ಆಟದ ಸುದೀರ್ಘ ಸ್ವರೂಪದಲ್ಲಿ ಕಳಪೆ ಪ್ರದರ್ಶನದ ನಂತರ ಅವರನ್ನು ಕೈಬಿಡಲಾಯಿತು. ಆದರೆ, ಅವರನ್ನು ರಣಜಿ ಟ್ರೋಫಿಗೆ ಮುಂಬೈ ತಂಡದ ನಾಯಕರನ್ನಾಗಿ ಮಾಡಲಾಗಿದೆ.