Virat Kohli: ಮೊದಲ ಎಸೆತದಲ್ಲಿಯೇ ಕೊಹ್ಲಿಯನ್ನು ಔಟ್​ ಮಾಡಿದ ಬೌಲರ್​ಗಳು, ಲಿಸ್ಟ್​ನಲ್ಲಿದ್ದಾರೆ ಭಾರತೀಯ ಪ್ಲೇಯರ್ಸ್​

ಆಶಿಶ್ ನೆಹ್ರಾ ಅವರು 2008ರ ಐಪಿಎಲ್‌ನಲ್ಲಿ ವಿರಾಟ್ ಕೊಹ್ಲಿಯನ್ನು ಮೊದಲ ಬಾರಿಗೆ ಮೊದಲ ಎಸೆತದಲ್ಲಿಯೇ ಔಟ್​ ಮಾಡಿದ್ದರು. ಐಪಿಎಲ್‌ನಲ್ಲಿ ಮೊದಲ ಬಾರಿಗೆ ಕೊಹ್ಲಿಯನ್ನು ಗೋಲ್ಡನ್ ಡಕ್‌ಗೆ ಔಟ್ ಮಾಡಿದ ಏಕೈಕ ಬೌಲರ್ ನೆಹ್ರಾ.

ಸಂದೀಪ್ ಶರ್ಮಾ ಅವರು ಹೆಚ್ಚು ವಿರಾಟ್​ ಕೊಹ್ಲಿಗೆ ಐಪಿಎಲ್​ನಲ್ಲಿ ಕಾಟ ನೀಡಿದ ಬೌಲರ್​ ಎನ್ನಬಹುದು. 2014 ರಲ್ಲಿ, ಸಂದೀಪ್ ಮೊದಲ ಎಸೆತದಲ್ಲಿ ವಿರಾಟ್ ಕೊಹ್ಲಿಯನ್ನು ಔಟ್ ಮಾಡಿದ್ದರು.

2017ರಲ್ಲಿ ಆಸ್ಟ್ರೇಲಿಯಾದ ನಾಥನ್ ಕೌಲ್ಟರ್ ನೈಲ್ ಮೊದಲ ಎಸೆತದಲ್ಲಿ ವಿರಾಟ್ ಕೊಹ್ಲಿಯನ್ನು ಔಟ್ ಮಾಡಿದ್ದರು. ಈ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಕೇವಲ 47 ರನ್‌ಗಳಿಗೆ ಆಲೌಟ್ ಆಗಿತ್ತು.

ದುಷ್ಮಂತ ಚಮೀರಾ 2022 ರಲ್ಲಿ ಲಕ್ನೋ ಸೂಪರ್‌ಜೈಂಟ್ಸ್ ಪರ ಆಡುವಾಗ ವಿರಾಟ್ ಕೊಹ್ಲಿಯನ್ನು ಗೋಲ್ಡನ್ ಡಕ್‌ಗೆ ಔಟ್​ ಮಾಡಿದ್ದರು.

ಈ ಪಟ್ಟಿಯಲ್ಲಿ ಸನ್‌ರೈಸರ್ಸ್ ಹೈದರಾಬಾದ್‌ನ ಮಾರ್ಕೊ ಜಾನ್ಸನ್ ಕೂಡ ಸೇರಿದ್ದಾರೆ. 2022ರಲ್ಲಿ ಮೊದಲ ಎಸೆತದಲ್ಲೇ ವಿರಾಟ್ ಕೊಹ್ಲಿಯನ್ನು ಔಟ್ ಮಾಡಿದ ಸಾಧನೆ ಮಾಡಿದ್ದರು.

2022ರಲ್ಲಿ ಮತ್ತೊಮ್ಮೆ ವಿರಾಟ್ ಕೊಹ್ಲಿ ಗೋಲ್ಡನ್ ಡಕ್‌ ಆಗಿ ಎಲ್ಲರಿಗೂ ನಿರಾಸೆ ಮೂಡಿಸಿದ್ದರು. ಈ ಬಾರಿ ಅವರನ್ನು ಜಗದೀಶ್ ಸುಚಿತ್ ಮೊದಲ ಎಸೆತದಲ್ಲಿಯೇ ಔಟ್​ ಮಾಡಿದ್ದರು,.

ಈ ವರ್ಷದ (2023) ಐಪಿಎಲ್‌ನಲ್ಲಿ ವೇಗದ ಬೌಲರ್ ಟ್ರೆಂಟ್ ಬೌಲ್ಟ್ ಈ ಸಾಧನೆ ಮಾಡುವ ಮೂಲಕ ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ ಆಡುವಾಗ ಅವರು ವಿರಾಟ್ ಅವರನ್ನು ಗೋಲ್ಡನ್ ಡಕ್‌ಗೆ ಔಟ್​ ಮಾಡಿದ್ದರು.