ನಾಯಕನಾಗಿ ಐಪಿಎಲ್​​ನಲ್ಲಿ ಗರಿಷ್ಠ ಪಂದ್ಯವನ್ನಾಡಿದ ಆಟಗಾರರು ಯಾರು ಗೊತ್ತಾ?

ನಾಯಕನಾಗಿ ಐಪಿಎಲ್​​ನಲ್ಲಿ ಗರಿಷ್ಠ ಪಂದ್ಯವನ್ನಾಡಿದ ಆಟಗಾರರ ಪೈಕಿ 5 ಸ್ಥಾನದಲ್ಲಿ ಆ್ಯಡಂ ಗಿಲ್​​ಕ್ರಿಸ್ಟ್​​ ಇದ್ದಾರೆ. ಇವರು 74 ಪಂದ್ಯಗಳನ್ನಾಡಿದ್ದು, ಇದರಲ್ಲಿ 35 ಪಂದ್ಯಗಳಲ್ಲಿ ಜಯ ಸಾಧಿಸಿದ್ದಾರೆ.

ಐಪಿಎಲ್​ನಲ್ಲಿ ಪ್ರಸ್ತುತ ಮುಂಬೈ ಇಂಡಿಯನ್ಸ್ ತಂಡದ ನಾಯಕನಾಗಿರುವ ರೋಹಿತ್ ಶರ್ಮಾ ಗರಿಷ್ಠ ಪಂದ್ಯವನ್ನಾಡಿದ ಸಾಲಿನಲ್ಲಿ 4ನೇಯವರಾಗಿದ್ದಾರೆ. ಇವರು ಒಟ್ಟು 89 ಪಂದ್ಯಗಳನ್ನಾಡಿದ್ದು 37 ಪಂದ್ಯದಲ್ಲಿ ಗೆಲುವು ಕಂಡಿದ್ದಾರೆ.

ಅತ್ಯಧಿಕ ಪಂದ್ಯವನ್ನಾಡಿದ ಸಾಲಿನಲ್ಲಿ 3ನೇಯವರಾಗಿ ವಿರಾಟ್ ಕೊಹ್ಲಿ ಇದ್ದಾರೆ. ಇವರು 96 ಪಂದ್ಯಗಳನ್ನು ಆಡಿದ್ದು, 44 ಪಂದ್ಯ ಗೆದ್ದುಕೊಂಡಿದ್ದಾರೆ.

ಇನ್ನು ಗೌತಮ್ ಗಂಭೀರ್ ಐಪಿಎಲ್​ನಲ್ಲಿ ಒಟ್ಟು 129 ಪಂದ್ಯಗಳನ್ನಾಡಿದ್ದಾರೆ. ಇದರಲ್ಲಿ 71 ಪಂದ್ಯ ಗೆದ್ದು ಬೀಗಿದರೆ, 57 ಪಂದ್ಯ ಸೋಲುಂಡು 1 ಪಂದ್ಯ ಡ್ರಾದಲ್ಲಿ ಅಂತ್ಯಕಂಡಿದೆ.

ಐಪಿಎಲ್ ಇತಿಹಾಸದಲ್ಲೇ ಗರಿಷ್ಠ ಪಂದ್ಯವನ್ನಾಡಿದ ನಂಬರ್ 1 ಆಟಗಾರ ಎಂದರೆ ಎಂ ಎಸ್ ಧೋನಿ. ಈವರೆಗೆ ಒಟ್ಟು 159 ಪಂದ್ಯಗಳನ್ನು ಆಡಿರುವ ಧೋನಿ 94 ಪಂದ್ಯಗಳಲ್ಲಿ ಜಯ ಸಾಧಿಸಿದ್ದಾರೆ.