Zomato: ಡೆಲಿವೆರಿ ಏಜೆಂಟ್​ಗಳಿಗೆ ಗುಡ್​ ನ್ಯೂಸ್​, ರೆಸ್ಟ್ ಪಾಯಿಂಟ್ ಗಿಫ್ಟ್ ನೀಡಿದ ಈ ಕಂಪನಿ, ಇಂಟರ್ನೆಟ್ ಸೇರಿ ಹಲವು ಸೌಲಭ್ಯ

ಫುಡ್​ ಡೆಲಿವೆರಿ ಸಂಸ್ಥೆಯಾದ ಜೊಮ್ಯಾಟೊ ತನ್ನ ಸಿಬ್ಬಿಂದಿಗಳಿಗೆ ವಿಶ್ರಾಂತಿ ಪಡೆದುಕೊಳ್ಳಲು ಹಾಗೂ ಅಹಾರ ಸೇವನೆ ಮಾಡುವುದಕ್ಕಾಗಿ ದಿ ಶೆಲ್ಟರ್ ಪ್ರಾಜೆಕ್ಟ್​ ಆರಂಭಿಸುತ್ತಿದೆ. ಜೊಮ್ಯಾಟೊ ಮಾತ್ರವಲ್ಲದೆ ವಿವಿಧ ಕಂಪನಿಗಳ ಅಹಾರ ವಿತರಣಾ ಪಾಲುದಾರರೂ ಕೂಡ ಜೊಮಾಟೊ ಪಾಯಿಂಟ್​ ಬಳಸಿಕೊಳ್ಳಬಹುದು ಎಂದು ಕಂಪನಿ ತಿಳಿಸಿದೆ.

ದಿ ಶೆಲ್ಟರ್ ಪ್ರಾಜೆಕ್ಟ್ ಅಡಿಯಲ್ಲಿ ರೆಸ್ಟ್ ಪಾಯಿಂಟ್ಸ್ ಎಂಬ ಸಾರ್ವಜನಿಕ ಮೂಲಸೌಕರ್ಯವನ್ನು ಒದಗಿಸಿಕೊಡಲಿದೆ. ಅಲ್ಲಿ ಶುದ್ಧ ಕುಡಿಯುವ ನೀರು, ಫೋನ್-ಚಾರ್ಜಿಂಗ್ ಸ್ಟೇಷನ್‌ಗಳು, ವಾಶ್‌ರೂಮ್‌ಗಳು, ಹೈ-ಸ್ಪೀಡ್ ಇಂಟರ್ನೆಟ್, 24×7 ಹೆಲ್ಪ್‌ಡೆಸ್ಕ್ ಮತ್ತು ಪ್ರಥಮ ಚಿಕಿತ್ಸಾ ಸೌಲಭ್ಯ ಕೂಡ ಇರಲಿದೆ ಸಂಸ್ಥೆ ತಿಳಿಸಿದೆ.

ಎಲ್ಲಾ ವಿತರಣಾ ಪಾಲುದಾರರಿಗೆ ವಿಶ್ರಾಂತಿ, ರೀಚಾರ್ಜ್ ಮತ್ತು ತಮಗಾಗಿ ಸ್ವಲ್ಪ ಸಮಯ ಕಳೆಯಲು ಸ್ಥಳಾವಕಾಶವನ್ನು ಒದಗಿಸುವ ಮೂಲಕ ನಾವು ಅವರ ದೈಹಿಕ ಮತ್ತು ಮಾನಸಿಕ ಆರೋಗ್ಯವನ್ನು ಉತ್ತೇಜಿಸುವ ಉತ್ತಮ ವಾತಾವರಣವನ್ನು ನಿರ್ಮಿಸಬಹುದು ಎಂದು ನಾವು ನಂಬುತ್ತೇವೆ ಎಂದು Zomato ತನ್ನ ಬ್ಲಾಗ್​ನಲ್ಲಿ ಪ್ರಕಟಿಸಿದೆ.

ಗುರುಗ್ರಾಮ್ ಮೂಲದ ಕಂಪನಿಯ ಸಿಇಒ ದೀಪಿಂದರ್ ಗೋಯಲ್ ಕೂಡ ಈ ಯೋಜನೆಯ ಬಗ್ಗೆ ಟ್ವೀಟ್ ಮಾಡಿದ್ದಾರೆ. ನಾವು ನಮ್ಮ ವಿತರಕರಿಗಾಗಿ " ದಿ ಶೆಲ್ಟರ್ ಪ್ರಾಜೆಕ್ಟ್" ಅನ್ನು ಘೋಷಿಸುತ್ತಿದ್ದೇವೆ. ನಾವು ವಿವಿಧ ಕಂಪನಿಗಳ ಡಿಲೆವರಿ ಪಾರ್ಟ್ನರ್​ಗಳ​ ಯೋಗಕ್ಷೇಮವನ್ನು ಬೆಂಬಲಿಸಲು ಸಾರ್ವಜನಿಕ ಮೂಲಸೌಕರ್ಯಗಳನ್ನು (ರೆಸ್ಟ್ ಪಾಯಿಂಟ್‌ಗಳು) ನಿರ್ಮಿಸಲು ಪ್ರಾರಂಭಿಸಿದ್ದೇವೆ " ಎಂದು ಗೋಯಲ್​ ಟ್ವೀಟ್‌ ಮಾಡಿದ್ದಾರೆ.

ನಮ್ಮ ವಿತರಣಾ ಪಾಲುದಾರರು ಕಠಿಣ ಕೆಲಸವನ್ನು ಹೊಂದಿದ್ದಾರೆ. ಆದರೆ ಅವರು ಕೆಲಸವನ್ನು ಉತ್ತಮವಾಗಿ ನಿರ್ವಹಿಸಲು ನೆರವಾಗುವಂತಹ ಯಾವುದೇ ಸಾರ್ವಜನಿಕ ಮೂಲಸೌಕರ್ಯವನ್ನು ಹೊಂದಿಲ್ಲ, ಹಾಗಾಗಿ ಈ ಯೋಜನೆ ರೂಪಿಸಿದ್ದೇವೆ ಎಂದು ಹೇಳಿದ್ದಾರೆ.

ಎಲ್ಲಾ ವಿತರಣಾ ಪಾಲುದಾರರಿಗೆ ವಿಶ್ರಾಂತಿ ಪಡೆಯಲು, ರೀಚಾರ್ಜ್ ಮಾಡಲು ಮತ್ತು ಸ್ವಲ್ಪ ಸಮಯ ಕಳೆಯಲು ಸ್ಥಳವನ್ನು ನೀಡುವ ಮೂಲಕ ನಾವು ಉತ್ತಮ ಪರಿಸರವನ್ನು ರಚಿಸಬಹುದು ಎಂದು ನಾವು ನಂಬುತ್ತೇವೆ. ಇದರಿಂದ ಅವರ ದೈಹಿಕ ಮತ್ತು ಮಾನಸಿಕ ಆರೋಗ್ಯಕ್ಕೆ ಅನುಕೂಲವಾಗುತ್ತದೆ ಎಂದು ಗೋಯಲ್ ತಿಳಿಸಿದ್ದಾರೆ.

ಪ್ರಸ್ತುತ, ಜೊಮ್ಯಾಟೊ ಗುರುಗ್ರಾಮ್‌ನಲ್ಲಿ ಎರಡು ರೆಸ್ಟ್ ಪಾಯಿಂಟ್‌ಗಳನ್ನು ತೆರೆದಿದೆ. ಕಂಪನಿಯು ಆಹಾರ ವಿತರಣಾ ವ್ಯವಹಾರದ ಹೆಚ್ಚು ನಡೆಯುವ ಸ್ಥಳಗಳಲ್ಲಿ ಹೆಚ್ಚಿನ ರೆಸ್ಟ್​ ಪಾಯಿಂಟ್​ ತೆರೆಯಲು ಯೋಜಿಸಿದೆ.