Polluted Cities: ಈ ನಗರಗಳಲ್ಲಿ ಮಾಲಿನ್ಯ ಅತೀ ಹೆಚ್ಚು, ಭಾರತದ ನಗರಗಳೂ ಈ ಲಿಸ್ಟ್ ನಲ್ಲಿದೆ!

2022 ರ ವಿಶ್ವದ 50 ಅತ್ಯಂತ ಕಲುಷಿತ ನಗರಗಳ ಪಟ್ಟಿಯಲ್ಲಿರುವ ಮೊದಲ ಹತ್ತು ಅತ್ಯಂತ ಕಲುಷಿತ ದೇಶಗಳ ಹೆಸರು ಹೀಗಿದೆ. ಚಾಡ್, ಇರಾಕ್, ಪಾಕಿಸ್ತಾನ, ಬಹ್ರೇನ್, ಬಾಂಗ್ಲಾದೇಶ, ಬುರ್ಕಿನಾ ಫಾಸೊ, ಕುವೈತ್, ಭಾರತ, ಈಜಿಪ್ಟ್ ಮತ್ತು ತಜಿಕಿಸ್ತಾನ್. ಈ ಮಧ್ಯೆ ಆರು ದೇಶಗಳು ವಿಶ್ವ ಸಂಸ್ಥೆಯ PM2.5 ಮಾರ್ಗಸೂಚಿ ಫಾಲೋ ಮಾಡಿವೆ. ಅವುಗಳೆಂದರೆ ಆಸ್ಟ್ರೇಲಿಯಾ, ಎಸ್ಟೋನಿಯಾ, ಫಿನ್ಲ್ಯಾಂಡ್, ಗ್ರೆನಡಾ, ಐಸ್ಲ್ಯಾಂಡ್ ಮತ್ತು ನ್ಯೂಜಿಲೆಂಡ್.

ಇಂದು ಬಿಡುಗಡೆ ಮಾಡಿದ ವಿಶ್ವ ವಾಯು ಗುಣಮಟ್ಟ ವರದಿಯಲ್ಲಿ ಸ್ವಿಸ್ ಸಂಸ್ಥೆ IQAir ಶ್ರೇಯಾಂಕ ನಿರ್ಧರಿಸಿದೆ. ಇದು PM 2.5 ಮಟ್ಟ ಆಧರಿಸಿದೆ. ವಿಜ್ಞಾನಿಗಳು ಮತ್ತು ಆರೋಗ್ಯ ತಜ್ಞರು ನಿಕಟವಾಗಿ ಮಾಲಿನ್ಯಕಾರಕವನ್ನು ಪತ್ತೆ ಮಾಡಿದ್ದಾರೆ.

ಸ್ವಿಸ್ ಸಂಸ್ಥೆಯು 30,000 ಭೂ ಆಧಾರಿತ ಮಾನಿಟರ್‌ ಗಳ ಮೂಲಕ 131 ದೇಶಗಳ ಡೇಟಾ ಸಂಗ್ರಹಿಸಿದೆ. ಈ ಪಟ್ಟಿಯು ಆರು ಮೆಟ್ರೋ ನಗರಗಳನ್ನು ಒಳಗೊಂಡಿದೆ. ದೆಹಲಿ ಮತ್ತು ನಂತರದಲ್ಲಿ ಕೋಲ್ಕತ್ತಾ ನಗರವು ಅತ್ಯಂತ ಕಲುಷಿತ ಪಟ್ಟಿಯಲ್ಲಿದೆ.

ಚೆನೈ ಡಬ್ಲುಎಚ್ ಒ ಸುರಕ್ಷಿತ ಮಟ್ಟಕ್ಕಿಂತ ಅತ್ಯಂತ ಸ್ವಚ್ಛವಾಗಿದೆ. 2017 ರ ನಂತರ ಇತ್ತೀಚಿನ ದಿನಗಳಲ್ಲಿ ಮಾಲಿನ್ಯ ಮಟ್ಟವು ಸರಾಸರಿಗಿಂತ ಹೆಚ್ಚಾಗಿರುವ ಏಕೈಕ ಮಹಾನಗರಗಳೆಂದರೆ ಅದು ಹೈದರಾಬಾದ್ ಮತ್ತು ಬೆಂಗಳೂರು ಆಗಿದೆ.

ಇಂದು ಬಿಡುಗಡೆಯಾದ ಕಲುಷಿತ ನಗರಗಳ ಪಟ್ಟಿಯ ಪ್ರಕಾರ, ದೆಹಲಿ ಇನ್ನು ಹೆಚ್ಚು ಕಲುಷಿತವಾಗಿಲ್ಲ ಎನ್ನಲಾಗಿದೆ. ಯಾಕಂದ್ರೆ ಗ್ರೇಟ್ ದೆಹಲಿ ಮತ್ತು ನವದೆಹಲಿ ರಾಜಧಾನಿ ನಡುವೆ ಸ್ವಲ್ಪ ವ್ಯತ್ಯಾಸವಿದೆ. ಎರಡೂ ನಗರಗಳು ಟಾಪ್ 10 ರಲ್ಲಿವೆ. ಆದರೆ ನವದೆಹಲಿ 2 ನೇ ಸ್ಥಾನದಲ್ಲಿದೆ.

ಇನ್ನು ವಿಶ್ವದ ಅತ್ಯಂತ ಕಲುಷಿತ ರಾಜಧಾನಿ ಎಂಬ ಕುಖ್ಯಾತಿಯು ಚಾಡ್‌ ದೇಶದ ಎನ್ ಡ್ಜಿಮೆನಾ ಗೆ ಸಂದಿದೆ. ಇತ್ತೀಚಿನ ದಿನಗಳಲ್ಲಿ ವಾಯು ಮಾಲಿನ್ಯವು ಪ್ರಪಂಚದ ಅತಿದೊಡ್ಡ ಪರಿಸರ ಸಮಸ್ಯೆ ಮತ್ತು ಆರೋಗ್ಯ ಅಪಾಯವಾಗಿದೆ. ವಿಶ್ವಾದ್ಯಂತ ಗಾಳಿಯ ಗುಣಮಟ್ಟ ಕುಸಿದಿದೆ. ವಾತಾವರಣ ಕಲುಷಿತವಾಗುತ್ತಿದೆ.

ವಾಯು ಕಲುಷಿತದಿಂದಾಗಿ ಜನರು ಅಸ್ತಮಾ, ಕ್ಯಾನ್ಸರ್, ಶ್ವಾಸಕೋಶದ ಕಾಯಿಲೆಗಳು, ಹೃದ್ರೋಗ ಮತ್ತು ಅಕಾಲಿಕ ಮರಣ ಸೇರಿದಂತೆ ಹಲವು ಆರೋಗ್ಯ ಅಪಾಯ ಎದುರಿಸುವಂತಾಗಿದೆ. ಭಾರತದಲ್ಲಿ ವಾಯು ಮಾಲಿನ್ಯ ಹೆಚ್ಚಿದೆ. ಜೊತೆಗೆ ಆರ್ಥಿಕ ವೆಚ್ಚವೂ ಹೆಚ್ಚಿದೆ.

ಮಾಲಿನ್ಯದ ಮುಖ್ಯ ಮೂಲಗಳೆಂದರೆ ಸಾರಿಗೆ ವಲಯ, ಕೈಗಾರಿಕಾ ಘಟಕಗಳು, ಕಲ್ಲಿದ್ದಲು ಆಧಾರಿತ ವಿದ್ಯುತ್ ಸ್ಥಾವರಗಳು ಮತ್ತು ಕಸ ಮತ್ತು ತ್ಯಾಜ್ಯ ಸುಡುವುದು ಇದು ಅನಾರೋಗ್ಯ ಮತ್ತು ಕಾಯಿಲೆ ಹಾಗೂ ಸಾವಿನ ಅಪಾಯ ಹೆಚ್ಚಿಸಿದೆ.