Taj Mahal: ವಿಶ್ವವಿಖ್ಯಾತ ತಾಜಮಹಲ್​ಗೆ ಸಿಡಿಲು ಬಡಿದು ಹಾನಿ!

ಭಾರತದ ಪ್ರಸಿದ್ಧ ಪ್ರೇಕ್ಷಣೀಯ ಸ್ಥಳಗಳಲ್ಲಿ ತಾಜಮಹಲ್ ಕೂಡ ಒಂದು. ಪ್ರೇಮಸೌಧ ಎಂದೇ ಕರೆಯಲಾಗುವ ಈ ತಾಜಮಹಲ್​ನ ಸೌಂದರ್ಯಕ್ಕೆ ಮಾರುಹೋದವರೇ ಇಲ್ಲ.

ಶಹಜಹಾನ್ ತನ್ನ ಮಡದಿಯ ನೆನಪಿನಲ್ಲಿ ಪ್ರೀತಿಯ ಕಾಣಿಕೆಯಾಗಿ ಈ ಮಹಲನ್ನು ಕಟ್ಟಿಸಿದ್ದಾನೆ ಎಂಬುದು ಇತಿಹಾಸ.

ಈ ಪ್ರೇಮಸೌಧ ಮಳೆಯ ಅಬ್ಬರಕ್ಕೆ ಸಿಲುಕಿ ಹಾನಿಗೊಳಗಾಗಿದೆ. ಗುಡುಗು, ಸಿಡಿಲು ಸಹಿತ ಭಾರೀ ಮಳೆಗೆ ಆಗ್ರಾದಲ್ಲಿರುವ ತಾಜಮಹಲ್​ನ ಕೆಲವು ಭಾಗಗಳಲ್ಲಿ ಹಾನಿಯಾಗಿವೆ.

ತಾಜಮಹಲ್ ಕಟ್ಟಡದ ಮುಖ್ಯ ಗೇಟ್ ಮತ್ತು ಎತ್ತರದ ಗುಮ್ಮಟದ ಕೆಳ ಭಾಗದ ಅಮೃತ ಶಿಲೆಯ ಗೋಡೆಗೆ ಹಾನಿಯಾಗಿದೆ.

ಮಮ್ತಾಜ್​ ಸಮಾಧಿಯ ಮೇಲಿನ ಭಾಗಕ್ಕೆ ಹಾನಿಯಾಗಿದ್ದು, ತಾಜ್‍ಮಹಲ್ ಆವರಣದಲ್ಲಿದ್ದ ಕೆಲ ಮರಗಳು ಧರೆಗುರುಳಿವೆ.

2018ರ ಏಪ್ರಿಲ್‍ನಲ್ಲಿ ಸುರಿದ ಭಾರೀ ಮಳೆಗೆ ತಾಜ್‍ಮಹಲ್ ಪ್ರವೇಶ ದ್ವಾರದಲ್ಲಿದ್ದ ಬೃಹತ್ ಕಂಬಕ್ಕೆ ಹಾನಿಯಾಗಿತ್ತು.

ಇನ್ನೂ ಕೆಲವು ದಿನಗಳ ಕಾಲ ಉತ್ತರ ಪ್ರದೇಶದಲ್ಲಿ ಭಾರೀ ಮಳೆಯಾಗುವ ಸಾಧ್ಯತೆಯಿದೆ ಎಂದು ಹವಾಮಾನ ಇಲಾಖೆ ಅಧಿಕಾರಿಗಳು ಎಚ್ಚರಿಕೆ ನೀಡಿದ್ದಾರೆ.

ಭಾರೀ ಮಳೆಯಿಂದ ಹಾನಿಯಾಗಿರುವ ತಾಜಮಹಲ್ ಕಟ್ಟಡದ ಹೊರಭಾಗ

ವಿಶ್ವವಿಖ್ಯಾತ ತಾಜಮಹಲ್​ನ ವಿಹಂಗಮ ದೃಶ್ಯ

ಪ್ರೇಮಸೌಧ ತಾಜಮಹಲ್​

ಯಮುದಾ ನದಿಯ ತಟದಲ್ಲಿ ನಿಂತಿರುವ ತಾಜಮಹಲ್

ಸಿಡಿಲು ಬಡಿದು ಜಖಂಗೊಂಡಿರುವ ಕಂಬಗಳು