Festival: ಅಡಿಯಿಂದ ಮುಡಿಯವರೆಗೂ ಚಿನ್ನ ಚಿನ್ನ, ಥಾರ್​ ಸುಂದರಿ ಪಟ್ಟಕ್ಕಾಗಿ ನಡೆಯುತ್ತೆ ಬಂಗಾರ ತೊಟ್ಟ ನಾರಿಯರಿಂದ ಪೈಪೋಟಿ

ಮಹಿಳೆಯರು ಚಿನ್ನ, ಬಟ್ಟೆ ಮತ್ತು ಶಾಪಿಂಗ್ ಅಂದರೆ ತುಂಬಾ ಇಷ್ಟಪಡುತ್ತಾರೆ, ಕೆಲವರು ಸಾಧ್ಯವಾದಾಗಲೆಲ್ಲಾ ಶಾಪಿಂಗ್ ಮಾಡಲು ಬಯಸುತ್ತಾರೆ. ಕಾಲಕಾಲಕ್ಕೆ ಮಾರುಕಟ್ಟೆಯ ಟ್ರೆಂಡ್ ಅನ್ನು ಅನುಸರಿಸುತ್ತಾರೆ.

ರಾಜಸ್ಥಾನದ ಬಾರ್ಮರ್​ ಪ್ರಾಂತ್ಯದಲ್ಲಿ ಥಾರ್ ಉತ್ಸವವನ್ನುಆಯೋಜಿಸಲಾಗುತ್ತದೆ.ಇಲ್ಲಿ ವಿಶೇಷೆ ಎಂದರೆ ಪ್ರತಿಯೊಬ್ಬ ಮಹಿಳೆಯವರು 40ರಿಂದ 50 ತೊಲ ಚಿನ್ನದ ಆಭರಣಗಳನ್ನು ಧರಿಸಿ ಸ್ಪರ್ಧೆಗಳಲ್ಲಿ ಭಾಗವಹಿಸುತ್ತಾರೆ. ಅವರು ಎಲ್ಲರಿಗಿಂತ ಹೆಚ್ಚು ಸುಂದರವಾಗಿ ಕಾಣಬೇಕೆಂದು ಪ್ರಯತ್ನಿಸುತ್ತಾರೆ. ಪಶ್ಚಿಮ ರಾಜಸ್ಥಾನದ ಬಾರ್ಮರ್ ಜಿಲ್ಲೆಯ ಸಂಸ್ಕೃತಿ, ಪರಂಪರೆ ಮತ್ತು ಜಾನಪದ ಕಲೆಗಳನ್ನು ಜೀವಂತವಾಗಿಡಲು ಪ್ರತಿ ವರ್ಷ ಥಾರ್ ಮಹೋತ್ಸವವನ್ನು ಆಯೋಜಿಸಲಾಗುತ್ತದೆ.

ಯುವತಿಯರು ಸುಂದರವಾದ ವೇಷಭೂಷಣಗಳನ್ನು ಧರಿಸುವ ಅನೇಕ ಸ್ಪರ್ಧೆಗಳನ್ನು ನಾವು ಆಗಾಗ್ಗೆ ನೋಡುತ್ತೇವೆ. ರ‍್ಯಾಂಪ್​ ಮೇಲೆ ಹೊಸ ಬಟ್ಟೆ ಹಾಕಿಕೊಂಡು ಸುಂದರವಾಗಿ ಕ್ಯಾಟ್ ವಾಕ್ ಮಾಡುತ್ತಾರೆ. ಅವರನ್ನು ನೋಡಲು ಹೆಚ್ಚಿನ ಸಂಖ್ಯೆಯಲ್ಲಿ ಜನರು ಬರುತ್ತಾರೆ. ಆದರೆ ಬಾರ್ಮರ್​ನಲ್ಲಿ ಬಂಗಾರ ತೊಡುವ ವಿಶೇಷ ಹಬ್ಬ ಈಗ ಸುದ್ದಿಯಲ್ಲಿದೆ.

ಥಾರ್ ಸೌಂದರಿ ಸ್ಪರ್ಧೆ ಥಾರ್ ಉತ್ಸವದಲ್ಲಿ ಆಕರ್ಷಣೆಯ ಕೇಂದ್ರವಾಗಿದೆ. ಥಾರ್ ಹಬ್ಬಕ್ಕೆ ಹತ್ತಾರು ಹುಡುಗಿಯರು ಚಿನ್ನದ ಆಭರಣಗಳನ್ನು ಧರಿಸಿ ಆಗಮಿಸುತ್ತಾರೆ. ಅವಳು ಬೆರಳಿನ ಉಗುರಿನಿಂದ ಕಾಲ್ಬೆರಳ ಉಗುರಿನವರೆಗೆ ಚಿನ್ನದ ಆಭರಣಗಳನ್ನು ಧರಿಸುತ್ತಾರೆ ಮತ್ತು ಬೆಳ್ಳಿಯ ಕಾಲುಂಗುರ, ಬಳೆಗಳು ಆಕರ್ಷಣೀಯವಾಗಿರುತ್ತವೆ.

ಈ ಸ್ಪರ್ಧಿಗಳು ಚೈನ್, ಆರ್ಮ್ಲೆಟ್, ವೇಲ್, ನಾಥ್, ಟಿಕಾ, ವೇಸ್ಟ್​ ಬ್ಯಾಂಡ್​, ಹ್ಯಾಂಡ್ ಫ್ಲವರ್​, ಟ್ರಿಯೋ, ಜೀಲಂ, ಕನ್ಪಟ್ಟಿ, ವಿಶಿಷ್ಟ, ಫೀನಿ ಸೇರಿದಂತೆ ಮುಂತಾದ ಎರಡು ಡಜನ್‌ಗೂ ಹೆಚ್ಚು ಚಿನ್ನದ ಆಭರಣಗಳನ್ನು ಧರಿಸಿ ಥಾರ್ ಹಬ್ಬಕ್ಕೆ ಆಗಮಿಸಿದ್ದಾರೆ. ಒಟ್ಟು 30 ಸ್ಪರ್ಧಿಗಳು ಕೋಟಿಗೂ ಅಧಿಕ ಮೌಲ್ಯದ ಆಭರಣಗಳನ್ನು ಧರಿಸಿ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಬಂದಿದ್ದರು.

ಈ ಆಭರಣಗಳನ್ನು ಕಳೆದುಕೊಳ್ಳುವ ಆತಂಕ ಮತ್ತು ಭಯದಿಂದಾಗಿ, ಭಾಗವಹಿಸುವವರ ಅನೇಕ ಸಂಬಂಧಿಕರು ಅವುಗಳನ್ನು ನೋಡಿಕೊಳ್ಳಲು ಒಟ್ಟಿಗೆ ಸೇರುತ್ತಾರೆ. ಥಾರ್ ಮಹೋತ್ಸವದಲ್ಲಿ ಭಾಗವಹಿಸಲು ಬಂದಿದ್ದ ಮನೀಶಾ ಸೋನಿ ಮಾತನಾಡಿ, ರಾಜಸ್ಥಾನದ ಜನಪದ ಸಂಸ್ಕೃತಿಗೆ ಥಾರ್ ಮಹೋತ್ಸವ ಅತ್ಯಂತ ಮಹತ್ವದ್ದಾಗಿದೆ ಎಂದರು. ಆಕೆ ಕೂಡ 35-40 ತೊಲೆ ಚಿನ್ನಾಭರಣ ಧರಿಸಿ ಬಂದಿದ್ದರು.

ಬ್ಯೂಟಿ ಕ್ವೀನ್ ಆಗಲು ಕಳೆದೊಂದು ವಾರದಿಂದ ತಯಾರಿ ನಡೆಸಿದ್ದೇನೆ ಎನ್ನುತ್ತಾರೆ ಸೋನಿ. ಮತ್ತೊಂದೆಡೆ, ಕಳೆದ ವರ್ಷವೂ ಥಾರ್ ಸುಂದರಿಯಾಗಲು ಪ್ರಯತ್ನಿಸಿದ್ದೆ ಎಂದು ಹಿನಾ ಎಂಬುವವರು ತಿಳಿಸಿದ್ದಾರೆ.

ಬಿಕಾನೇರ್‌ನ ಕೋಮಲ್ ಸಿದ್ಧಾ ಎಂಬುವವರು ಮಾತನಾಡಿ, ಜೈಸಲ್ಮೇರ್‌ನ ಮಾರು ಮಹೋತ್ಸವದ ನಂತರ ಈಗ ಬಾರ್ಮರ್‌ನಲ್ಲಿ ಥಾರ್ ಮಹೋತ್ಸವದಲ್ಲಿ ಭಾಗವಹಿಸಲು ಬಂದಿದ್ದೇನೆ ಎಂದು ಹೇಳಿದರು. ಮೂರು ಉತ್ಸವಗಳಲ್ಲಿ ಭಾಗವಹಿಸಿದ್ದಕ್ಕಾಗಿ ಮತ್ತು 35 ತೊಲೆ ಚಿನ್ನದ ಆಭರಣಗಳು ಮತ್ತು ಸಾಂಪ್ರದಾಯಿಕ ಉಡುಗೆಯನ್ನು ಧರಿಸಿದ್ದಕ್ಕಾಗಿ ಆಕೆಗೆ ಸಂಘಟಕರು ಥಾರ್ ಸುಂದರಿ ಎಂಬ ಬಿರುದನ್ನು ನೀಡಿದ್ದಾರೆ ಎಂದು ವರದಿಯಾಗಿದೆ.