Crime News: ಉದ್ಯಮಿ ಮಹಿಳೆಗೆ ಗನ್‌ ತೋರಿಸಿ ಅತ್ಯಾಚಾರ! ಕೃತ್ಯದ ಹಿಂದಿದೆ ಭಯಾನಕ ಹಿಸ್ಟರಿ!

ಪುಣೆಯ ಕೊಂಡ್ವಾ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದ್ದು, ಬಂದೂಕು ತೋರಿಸಿ ಬೆದರಿಕೆ ಹಾಕಿ ಅತ್ಯಾಚಾರ ಮಾಡಿದ್ದಲ್ಲದೇ ವಿಡಿಯೋ ರೆಕಾರ್ಡ್ ಮಾಡಿ ಪದೇ ಪದೇ ಲೈಂಗಿಕ ದೌರ್ಜನ್ಯ ಎಸಗಿರುವುದಾಗಿ ದೂರು ದಾಖಲಾಗಿದೆ.

ಪ್ರಕರಣ ಸಂಬಂಧ 48 ವರ್ಷದ ಸಂತ್ರಸ್ತ ಮಹಿಳೆ ಕೊಂಡ್ವಾ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಅದರಂತೆ ಪೊಲೀಸರು ಆರೋಪಿಗಳ ವಿರುದ್ಧ ಎಫ್‌ಐಆರ್ ದಾಖಲಿಸಿದ್ದಾರೆ.

ಆರೋಪಿಗಳನ್ನು ಜುಗ್ನು ಅಲಿಯಾಸ್ ಶಫೀಕ್ ಶೇಖ್ (45), ಮುಷ್ತಾಕ್ ಮೊಮಿನ್, ಕೇತನ್ ಮತ್ತು ಮಹಾರಾಜ್ ಎಂದು ಗುರುತಿಸಲಾಗಿದ್ದು, ಎಫ್‌ಐಆರ್ ದಾಖಲಿಸಿರುವ ಪೊಲೀಸರು ಬಂಧನಕ್ಕೆ ಬಲೆ ಬೀಸಿದ್ದಾರೆ.

ಅಂದಹಾಗೆ, ದೂರುದಾರ ಮಹಿಳೆ ಮತ್ತು ಆರೋಪಿ ಜುಗ್ನು ಯಾನೆ ಶಫೀಕ್ ಶೇಖ್ ‘ಭಿಷಿ ಗ್ರೂಪ್ಸ್‌’ನಲ್ಲಿ ಪಾಲುದಾರರಾಗಿದ್ದರು. ಈ ಕಂಪನಿ 2020ರಲ್ಲಿ ಕ್ಲೋಸ್ ಆಗಿತ್ತು. ಹೀಗಾಗಿ ಆರೋಪಿ ಶೇಖ್ ಬೇರೆ ಯಾವುದಾದರೂ ವ್ಯವಹಾರ ಮಾಡುವ ಬಗ್ಗೆ ಮಹಿಳೆಯ ಬಗ್ಗೆ ಪ್ರಸ್ತಾಪ ಇಟ್ಟಿದ್ದ.

ಹೀಗಾಗಿ 2020-21ರಲ್ಲಿ ಬ್ಯುಸಿನೆಸ್ ಮಾಡುವ ಸಲುವಾಗಿ 4 ಕೋಟಿ ರೂಪಾಯಿ ಕೊಡುವಂತೆ ಆರೋಪಿಯು ಮಹಿಳೆಗೆ ತಿಳಿಸಿದ್ದ. ಆಗ ಸಂತ್ರಸ್ತ ಮಹಿಳೆ ತನ್ನ ಸ್ನೇಹಿತನಿಂದ 6 ಕಂತುಗಳಲ್ಲಿ 50 ಲಕ್ಷ ಹೊಂದಿಸಿ ಶೇಖ್‌ಗೆ ನೀಡಿದ್ದರು.

ಆದರೆ ಹಣ ಪಡೆದುಕೊಂಡ ಆರೋಪಿಯು ವ್ಯಾಪಾರವನ್ನೂ ಆರಂಭಿಸಿಲ್ಲ, ಇತ್ತ ಮಹಿಳೆಗೆ ದುಡ್ಡನ್ನೂ ವಾಪಸ್ ಕೊಡದೆ ವಂಚಿಸಿದ್ದಾನೆ. ಕೇಳಲು ಹೋದರೆ ಏನಾದರೂ ಕಾರಣ ನೀಡಿ ತಪ್ಪಿಸಿಕೊಂಡಿದ್ದಾನೆ.

ಹೀಗಾಗಿ ಮಹಿಳೆ ಆರೋಪಿಯ ಮನೆಗೆ ಹೋಗಿ ದುಡ್ಡು ಕೇಳಲು ಹೋಗಿದ್ದು, ಆಗ ಆರೋಪಿಯು ಮಹಿಳೆಯನ್ನು ಬೆಡ್‌ರೂಂಗೆ ಕರೆದು ಗನ್‌ ತೋರಿಸಿ ಅತ್ಯಾಚಾರ ಎಸಗಿದ್ದಾನೆ. ಆಗ ಅಲ್ಲೇ ಇದ್ದ ಆರೋಪಿಗಳು ಫೋಟೋ ವಿಡಿಯೋ ತೆಗೆದುಕೊಂಡು ಪದೇ ಪದೇ ಅತ್ಯಾಚಾರ ಎಸಗಿದ್ದಾರೆ.