Boyfriend ಜೊತೆಗಿದ್ದಾಗ ಅರೆನಗ್ನ ಸ್ಥಿತಿಯಲ್ಲೇ ಬಾಲ್ಕನಿಯಿಂದ ಕಾರಿನ ಮೇಲೆ ಬಿದ್ದ ಯುವತಿ, CCTV Video Viral

ಮನೆಯ ಬಾಲ್ಕನಿ ಮೇಲಿಂದ ಅರೆನಗ್ನ ಸ್ಥಿತಿಯಲ್ಲಿ ಯುವತಿಯೊಬ್ಬಳು ಕೆಳಗೆ ಪಾರ್ಕ್ ಮಾಡಲಾಗಿದ್ದ ಐಶಾರಾಮಿ ಕಾರೊಂದರ ಮೇಲೆ ಬಿದ್ದ ವಿಡಿಯೋ ಒಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಯುವತಿ ತನ್ನ ಬಾಯ್​ಫ್ರೆಂಡ್ ಜೊತೆ ಆಪ್ತವಾಗಿದ್ದ ಸಂದರ್ಭದಲ್ಲಿ ಈ ಅಚಾತುರ್ಯ ನಡೆದಿದೆ ಎನ್ನಲಾಗಿದೆ.

ಅದೃಷ್ಟವಶಾತ್ ಯಾವುದೇ ಹಾನಿಯಾಗದಂತೆ ಯುವತಿ ಬಚಾವಾಗಿದ್ದಾಳೆ. ಸಿಸಿಟಿವಿ ವಿಡಿಯೋದಲ್ಲಿ ನೇರವಾಗಿ ತನ್ನ ಮನೆಯ ಬಾಲ್ಕನಿಯಿಂದ ಕೆಳಗೆ ಪಾರ್ಕ್ ಮಾಡಲಾಗಿದ್ದ ಕಾರಿನ ಮೇಲೆ ದಢಾರನೆ ಯುವತಿ ಬಿದ್ದಿದ್ದು ಕಾಣಬಹುದಾಗಿದೆ.

ಯಾರು ಎಂದು ತಿಳಿಯದ ಕೆಂಪು ತಲೆಗೂದಲಿನ ಯುವತಿಯೊಬ್ಬಳ ವಿಡಿಯೋ ಇದಾಗಿದೆ. ಬಿಳಿ ಶರ್ಟ್ ಮತ್ತು ಒಳುಡುಪು ಧರಿಸಿದ್ದ ಆಕೆ ಕಾರಿನ ಮೇಲೆ ಜೋರಾಗಿ ಬಿದ್ದಿದ್ದಾಳೆ. ಆಕೆಯ ಶಾರ್ಟ್ಸ್ ಕಾಲಿಗೆ ಸಿಕ್ಕಿಕೊಂಡಿದ್ದು ಸಿಸಿಟಿವಿ ವಿಡಿಯೋದಲ್ಲಿ ಗೊತ್ತಾಗುತ್ತಿದೆ.

ವಿಡಿಯೋ ನೋಡಿದರೆ ಮಹಿಳೆಗೆ ಬಹಳ ನೋವಾಗಿದ್ದು ತಿಳಿಯುತ್ತದೆ. ಆಕೆ ಸುಧಾರಿಸಿಕೊಳ್ಳಲು ಪ್ರಯಾಸ ಪಡುತ್ತಿದ್ದಳು. ಕೆಲವೇ ಕ್ಷಣಗಳಲ್ಲಿ ಪುರುಷನೊಬ್ಬ ಸಹಾಯಕ್ಕೆ ಓಡಿ ಬಂದಿದ್ದು ವಿಡಿಯೋದಲ್ಲಿ ಕಂಡುಬಂದಿದೆ.

ಅದೇ ಮಾರ್ಗವಾಗಿ ಹೋಗುತ್ತಿದ್ದ ವ್ಯಕ್ತಯೊಬ್ಬ ಹೀಗೆ ಹೇಳಿದ್ದಾನೆ: ನಾನು ಅವರು ಬಿದ್ದಿದ್ದನ್ನು ನೋಡಲಿಲ್ಲ. ಆದರೆ ನಾನು ನೋಡುವಾಗ ಕಾರಿನ ಮೇಲೆ ಬಿದ್ದು ಏಳಲು ಕಷ್ಟ ಪಡುತ್ತಿದ್ದರು. ಕೂಡಲೇ ಪುರುಷನೊಬ್ಬ ಬಂದು ಅವರಿಗೆ ಸಹಾಯ ಮಾಡಿದ.

ಆಕೆಯ ಗೆಳೆಯನೇ ಬಂದು ಆಕೆಯನ್ನು ಹತ್ತಿರದ ಆಸ್ಪತ್ರೆಗೆ ಕರೆದುಕೊಂಡು ಹೋಗಿದ್ದಾನೆ. ಬೆನ್ನಿಗೆ ಏಟಾಗಿದ್ದು ಬಿಟ್ಟರೆ ಉಳಿದಂತೆ ಸಣ್ಣಪುಟ್ಟ ಗಾಯಗಳಾಗಿವೆ. ಒಂದೆರಡು ವಾರ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಮಹಿಳೆ ಮರಳಿದ್ದಾಳೆ ಎಂದು ತೈವಾನಿನ ದಿನಪತ್ರಿಕೆಗಳು ವರದಿ ಮಾಡಿವೆ.