Delhi Pollution: ದೆಹಲಿಯಲ್ಲಿ ದಟ್ಟ ಹೊಗೆ, ಉಸಿರಾಡೋಕೂ ಕಷ್ಟ: 2 ದಿನ ಲಾಕ್​ಡೌನ್​ ಕನ್ಫರ್ಮ್​!

ರಾಷ್ಟ್ರ ರಾಜಧಾನಿ ದೆಹಲಿ ಹಾಗೂ ಅದರ ಸುತ್ತಲಿನ ಪ್ರದೇಶಗಳಲ್ಲಿ ತೀವ್ರ ವಾಯು ಮಾಲಿನ್ಯ ಉಂಟಾಗಿ ಜನ ಉಸಿರಾಡುವುದೇ ಕಷ್ಟ ಎನ್ನುವ ಪರಿಸ್ಥಿತಿ ನಿರ್ಮಾಣವಾಗಿದೆ.

ಶನಿವಾರ ತುರ್ತು ಅರ್ಜಿ ವಿಚಾರಣೆ ನಡೆಸಿದ ದೇಶದ ಸರ್ವೋಚ್ಚ ನ್ಯಾಯಾಲಯ ಅಗತ್ಯ ಬಿದ್ದರೆ ದೆಹಲಿಯಲ್ಲಿ ಅಗತ್ಯ ಬಿದ್ದರೆ ಎರಡು ದಿನಗಳ ಲಾಕ್​ಡೌನ್​ ಮಾಡಿ ಎಂದು ದೆಹಲಿ ಹಾಗೂ ಕೇಂದ್ರ ಸರ್ಕಾರಕ್ಕೆ ತಿಳಿಸಿತ್ತು.

ಇಂದು ದೆಹಲಿಯ ಪರಿಸ್ಥಿತಿ ಕೈ ಮೀರಿದ್ದು, ಅಲ್ಲಿನ ಸರ್ಕಾರ 2 ದಿನ ಲಾಕ್​ಡೌನ್​ ಮಾಡಲು ನಾವು ಸಿದ್ಧ ಎಂದು ಕೋರ್ಟ್​ಗೆ ತಿಳಿಸಿದ್ದು, ದೆಹಲಿಯಲ್ಲಿ 2 ದಿನ ಲಾಕ್​ಡೌನ್​ ಮಾಡುವುದು ಬಹುತೇಕ ಖಚಿತವಾಗಿದೆ.

ರಸ್ತೆಯಲ್ಲಿ ಓಡಾಡಲು ಆಗಷ್ಟು ದಟ್ಟ ಹೊಗೆ, ಇಡೀ ದೆಹಲಿಯನ್ನು ಆವರಿಸಿಕೊಂಡಿದೆ. ಮನೆಯಲ್ಲಿದ್ದರೂ ಮಾಸ್ಕ್​ ಹಾಕಿಕೊಳ್ಳುವ ಪರಿಸ್ಥಿತಿ ಎದುರಾಗಿದೆ.

ಪಂಜಾಬ್ ಮತ್ತು ಹರಿಯಾಣದಲ್ಲಿ ದಹನವು ಕೂಡ ವಾಯುಗುಣದ ಮಟ್ಟದ ತೀವ್ರ ಕುಸಿತಕ್ಕೆ ಕಾರಣವಾಗಿದ್ದು, ಸ್ವಲ್ಪ ದಿನಗಳ ಕಾಲ ರೈತರು ಗೋಧಿ ಹುಲ್ಲು ಸುಡುವುದನ್ನು ನಿಲ್ಲಸಬೇಕೆಂದು ಮನವಿ ಮಾಡಿಕೊಂಡಿದೆ.

ದೆಹಲಿಯಲ್ಲಿ ಗಾಳಿಯನ್ನು ಉಸಿರಾಡುವುದು "ದಿನಕ್ಕೆ 20 ಸಿಗರೇಟ್ ಸೇದಿದಂತೆ, ಪರಿಸ್ಥಿತಿಯ ಗಂಭೀರತೆಯನ್ನು ನಾವು ಅರಿತುಕೊಂಡಿದ್ದೇವೆ," ಎಂದು ರಾಜ್ಯ ಸರ್ಕಾರ ನ್ಯಾಯಾಲಯದಲ್ಲಿ ಒಪ್ಪಿಕೊಂಡಿತ್ತು.

ನಾವು ಲಾಕ್​ಡೌನ್​ ಮಾಡಲು ಸಿದ್ಧವಾಗಿದ್ದೇವೆ. ಆದರೆ ನಮ್ಮ ಅಕ್ಕ ಪಕ್ಕದ ರಾಜ್ಯದವರು ಲಾಕ್​ಡೌನ್​ ಮಾಡಿ, ಈ ಹುಲ್ಲು ಸುಡುವುದನ್ನು ನಿಲ್ಲಿಸದರೆ ನಮಗೆ ಹೆಲ್ಪ್​ ಆಗುತ್ತೆ ಅಂತ ಕೋರ್ಟ್​ಗೆ ದೆಹಲಿ ಸರ್ಕಾರ ಮನವಿ ಮಾಡಿಕೊಂಡಿದೆ..

ಇದರ ಮಧ್ಯೆ ದೆಹಲಿ ಮುಖ್ಯಮಂತ್ರಿ ಹಾಗೂ ಸಚಿವರ ಹಳೆ ಫೋಟೊವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದೆ. ಜನ ಸಾಮನ್ಯರಿಗೆ ಉಸಿರಾಡೋದು ಕಷ್ಟವಾಗಿದೆ. ನೀವು ಆರಾಮಾಗಿ ರೆಸ್ಟ್​ ಮಾಡುತ್ತಿದ್ದೀರಾ ಅಂತ ಬರೆದುಕೊಂಡು ಫೋಟೋವನ್ನು ಪೋಸ್ಟ್​ ಮಾಡುತ್ತಿದ್ದಾರೆ.