Brother-Sister: ಪ್ರೀತಿಸಿ ಮದುವೆಯಾದ ಅಣ್ಣ-ತಂಗಿ! 5 ವರ್ಷದ ಪ್ರೀತಿ ಬಳಿಕ ಹಸೆಮಣೆ ಏರಿದ ಜೋಡಿ

ಇತ್ತೀಚಿನ ದಿನಗಳಲ್ಲಿ ಸಂಬಂಧಗಳ ಮೌಲ್ಯ ಕಡಿಮೆಯಾಗುತ್ತಿದೆ. ಅಕ್ರಮ ಸಂಬಂಧ, ವಿವಾಹೇತರ ಸಂಬಂಧಗಳ ಪ್ರತಿದಿನವೂ ಹಲವು ಸುದ್ದಿಗಳನ್ನು ಕೇಳುತ್ತಿದ್ದೇವೆ. ಅದಕ್ಕೆ ನಿದರ್ಶನ ಎಂಬಂತೆ ಸಂಬಂಧಕ್ಕೆ ಅಪಮಾನ ಎಸಗುವಂತಹ ವಿವಾಹ ಉತ್ತರ ಪ್ರದೇಶದ ಮಿರ್ಜಾಪುರದಲ್ಲಿ ನಡೆದಿದೆ. ಇಲ್ಲಿ ಸಹೋದರಿಯೇ ತನ್ನ ಸಹೋದರನನ್ನು ಪ್ರೀತಿಸಿ ಮದುವೆಯಾಗಿದ್ದಾಳೆ.

ಈ ಪ್ರಕರಣ ಮಿರ್ಜಾಪುರ ಜಿಲ್ಲೆಯ ವಿಂಧ್ಯಾಚಲ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ. ಮಾಹಿತಿ ಪ್ರಕಾರ ಇಬ್ಬರ ನಡುವೆ ಸುಮಾರು 5 ವರ್ಷಗಳಿಂದ ಅನೈತಿಕ ಸಂಬಂಧ ನಡೆಯುತ್ತಿತ್ತು.

ಪ್ರಯಾಗರಾಜ್ ನಿವಾಸಿಯಾಗಿರುವ ಬಾಲಕಿ ವಿದ್ಯಾಂಚಲ್ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿದ್ದ ತನ್ನ ತಾಯಿಯ ಅಣ್ಣನ ಮಗಳ ಮದುವೆಗೆ ಕುಟುಂಬದ ಸಮೇತ ಬಂದಿದ್ದಳು. ಮದುವೆ ಮುಗಿದ ಸಂದರ್ಭದಲ್ಲಿ ಬಂಧುಗಳೆಲ್ಲ ಅವರವರ ಮನೆಗಳಿಗೆ ಹೋಗತೊಡಗಿದರು.

ಈ ವೇಳೆ ಬಾಲಕಿಯನ್ನೂ ಕುಟುಂಬದವರು ಕರೆದುಕೊಂಡು ಹೋಗಲು ಪ್ರಯತ್ನಿಸಿದ್ದಾರೆ. ಆದರೆ ಹುಡುಗಿ ತನ್ನ ಮನೆಯವರೊಂದಿಗೆ ಹಿಂತಿರುಗಲು ನಿರಾಕರಿಸಿದ್ದಾಳೆ. ಆಕೆ ತನ್ನ ಚಿಕ್ಕಪ್ಪನ ಮಗನನ್ನು ಮದುವೆಯಾಗಲು ಬಯಸುವುದಾಗಿ ಹೇಳಿದ್ದಾಳೆ. ಆ ಹುಡುಗನೂ ಕೂಡ ತಾನೂ ಆ ಯುವತಿಯನ್ನು ತುಂಬಾ ಪ್ರೀತಿಸುತ್ತಿರುವುದಾಗಿಯೂ, ಮದುವೆಯಾಗಲು ಬಯಸುತ್ತಿರುವುದಾಗಿಯೂ ಹೇಳಿದ್ದಾನೆ. ಈ ವಿಷಯ ಕೇಳೆ ಕುಟುಂಬಸ್ಥರು ಅಘಾತಕ್ಕೆ ಒಳಗಾಗಿದ್ದಾರೆ.

ಏಕೆಂದರೆ ಆ ಹುಡುಗ ಮತ್ತು ಹುಡುಗಿ ಪರಸ್ಪರ ಸಂಬಂಧದಲ್ಲಿಅಣ್ಣ ತಂಗಿಯಾಗುತ್ತಾರೆ. ಇಂತಹ ಸಮಯದಲ್ಲಿ ಅಣ್ಣ-ತಂಗಿಯರ ಮದುವೆ ನಡೆಯುವುದಾದರೂ ಹೇಗೆ ಎಂದು ಮನೆಯವರು, ಸಂಬಂಧಿಕರು ಯೋಚಿಸತೊಡಗಿದ್ದಾರೆ. ಅಲ್ಲದೆ ಈ ವಿಷಯವನ್ನು ಅವರಿಬ್ಬರಿಗೆ ಹೇಳಿ ಈ ಮದುವೆಗೆ ನಿರಾಕರಿಸಿದ್ದಾರೆ.

ಆದರೆ ಪ್ರೀತಿಯಲ್ಲಿ ಬಿದ್ದಿದ್ದ ಯುವಕ-ಯುವತಿ ತಮ್ಮ ಹಠವನ್ನು ಬಿಡಲು ಒಪ್ಪಲಿಲ್ಲ. ಅಲ್ಲದೆ ಇಬ್ಬರೂ 2017 ರಿಂದ ಪರಸ್ಪರ ಪ್ರೀತಿಸುತ್ತಿದ್ದು, ಮದುವೆಯಾಗಲು ಬಯಸುವುದಾಗಿ ಹೇಳಿದ್ದಾರೆ. ಈ ಜೋಡಿಯ ಹಠಮಾರಿತನಕ್ಕೆ ಮಣಿದ ಕುಟುಂಬಸ್ಥರು, ಇಷ್ಟವಿಲ್ಲದಿದ್ದರೂ ಮದುವೆಗೆ ಒಪ್ಪಿದ್ದಾರೆ.

ಕುಟುಂಬದ ಸದಸ್ಯರ ಸಮ್ಮುಖದಲ್ಲಿ ಗ್ರಾಮದ ದೇವಸ್ಥಾನದಲ್ಲಿ ವಿವಾಹ ಮಾಡಲಾಗಿದೆ. ಈ ಮದುವೆಯಲ್ಲಿ ಗ್ರಾಮದ ಅನೇಕರು ಪಾಲ್ಗೊಂಡಿದ್ದರು. ತಮ್ಮಷ್ಟದಂತೆ ಮದುವೆಯಾದ ಜೋಡಿ ಸಂಭ್ರಮಿಸಿದ್ದಾರೆ. ಆದರೆ ಕುಟುಂಬಸ್ದರೂ ಇಷ್ಟವಿಲ್ಲದಿದ್ದರೂ ಮಕ್ಕಳ ಹಠಮಾರಿತನಕ್ಕೆ ತಲೆಬಾಗಿ ಆಶೀರ್ವದಿಸಿದ್ದಾರೆ.